F-1 వీసా రిజెక్ట్ అయితే 300 రోజులు ఆగాలా?

అమెరికా F-1 స్టూడెంట్ వీసా తిరస్కరణకు గురైన విద్యార్థులు మరో ఇంటర్వ్యూ స్లాట్ కోసం 300 రోజులు వేచి ఉండాలనే ప్రచారం ఆన్‌లైన్‌లో జరుగుతోంది. అయితే, 214(b) కింద వీసా తిరస్కరణకు గురైనవారు మళ్లీ దరఖాస్తు చేసుకోవడానికి ఇలాంటి తప్పనిసరి గడువు లేదు.

కొత్త DS-160 ఫారమ్ సమర్పించి, వీసా ఫీజు చెల్లించి మళ్లీ అప్లై చేయవచ్చు. అయితే, స్లాట్ల కొరత కారణంగా ఇంటర్వ్యూ అపాయింట్‌మెంట్ పొందడం కష్టంగా మారవచ్చు.

గతంలో వీసా తిరస్కరణకు గల కారణాలను సరిదిద్దకుండా మళ్లీ అప్లై చేస్తే మరోసారి రిజెక్షన్ వచ్చే అవకాశం ఉంది. కాబట్టి, ఆర్థిక ఆధారాలు, స్టడీ ప్లాన్, అవసరమైన పత్రాలను బలోపేతం చేసుకున్న తర్వాత దరఖాస్తు చేసుకోవడం మంచిది.

అధికారిక అపాయింట్‌మెంట్ అప్‌డేట్లను గమనిస్తూ, గ్యారెంటీ స్లాట్లు ఇప్పిస్తామనే ఏజెంట్ల పట్ల అప్రమత్తంగా ఉండాలి.