కొత్త H-1B ఫీజుతో వేల ఉద్యోగాలు పోతాయి.. అమెరికా సైతం మునిగినట్టే

అమెరికాలో ట్రంప్ ప్రభుత్వం H-1B వీసా దరఖాస్తు ఫీజును $10,000 నుండి ఏకంగా $1,00,000కి పెంచడం అనేది టెక్నాలజీ, ఫైనాన్స్, హెల్త్‌కేర్ వంటి రంగాలలో భారీ అనిశ్చితిని సృష్టించింది. ఈ నిర్ణయం కేవలం ఒక ఆర్థిక భారం మాత్రమే కాదు, అమెరికన్ ఉద్యోగ మార్కెట్, ముఖ్యంగా విదేశీ ప్రతిభపై ఆధారపడే రంగాలు, అంతర్జాతీయ కార్మికుల భవిష్యత్తుపై దీర్ఘకాలిక ప్రభావం చూపనుందని.. ఈ నిర్ణయం కారణంగా టెక్ రంగంలో అనిశ్చితి నెలకొని, అమెరికా అతిపెద్ద బ్యాంకు జేపీమోర్గాన్ చెస్ కూడా ఆందోళన వ్యక్తం చేసింది.

నెలకు 5,500 వర్క్ పర్మిట్లు ప్రమాదంలో

బ్లూమ్‌బర్గ్‌ నివేదిక ప్రకారం, జేపీమోర్గాన్ ఆర్థిక నిపుణులు అబియేల్ రైన్‌హార్ట్, మైఖేల్ ఫెరోలి లెక్కలు చెబుతున్నట్లయితే, కొత్త ఫీజు విధానం కారణంగా నెలకు సుమారు 5,500 వర్క్ అథరైజేషన్లు రద్దు కావచ్చు. ఈ ప్రభావం ఎక్కువగా టెక్నాలజీ కంపెనీలు, ముఖ్యంగా భారతీయ ఐటీ నిపుణులపై పడనుంది. మొత్తం అమెరికా ఉద్యోగ మార్కెట్‌ పరంగా ఇది పెద్ద సంఖ్య కాకపోయినా, విదేశీ ప్రతిభపై ఆధారపడే ప్రత్యేక రంగాల్లో ఇది తీవ్ర దెబ్బ అవుతుందని వారు హెచ్చరించారు.

భారతీయులపై కత్తి మోపిన కొత్త ఫీజు

డేటా ప్రకారం, 2024 ఆర్థిక సంవత్సరంలో H-1B ఆమోదాల్లో రెండు మూడవ వంతు కంప్యూటర్ సంబంధిత ఉద్యోగాలకే మంజూరయ్యాయి. వీటిలో సగం వరకు ప్రొఫెషనల్, సైంటిఫిక్‌, టెక్నికల్‌ సర్వీసులకే చెందాయి. అదేవిధంగా, మొత్తం ఆమోదాల్లో 71% భారతీయులకే మంజూరయ్యాయి. అంటే కొత్త ఫీజు ప్రభావం ఎక్కువగా భారతీయులపై పడనుంది. గత సంవత్సరం కొత్తగా దాఖలు చేసిన 1.41 లక్షల H-1B పిటిషన్లలో సుమారు 65,000 అమెరికా వెలుపల నుంచే దాఖలు కావడంతో వీటిపైనే $1,00,000 లెవి అత్యధికంగా ప్రభావం చూపనుంది.

H-1B వ్యవస్థనే కూల్చేసినట్టే : నిపుణుల హెచ్చరిక

రెవెలియో ల్యాబ్స్ సీనియర్ ఎకనమిస్ట్ లౌజైనా అబ్డెల్వాహెడ్ హెచ్చరిస్తూ ఈ ఫీజు పెంపు అనేది వాస్తవానికి H-1B వ్యవస్థను కూల్చేసినట్లే అని అన్నారు. ఈ నిర్ణయం కారణంగా అమెరికాలో ప్రతీ ఏటా సుమారు 1.4 లక్షల కొత్త ఉద్యోగాలు లేకుండా పోయే అవకాశముందని, అంటే నెలకు దాదాపు 10,000 ఉద్యోగాలు మాయమవుతాయని ఆయన బ్లూమ్‌బర్గ్‌కి తెలిపారు.

* ప్రధాన ప్రభావాలు.. లక్షిత వర్గాలు

ఈ అనూహ్య ఫీజు పెంపు ప్రభావం ప్రధానంగా మూడు అంశాలపై కేంద్రీకృతమై ఉంది.

* భారతీయ ఐటీ నిపుణులపై తీవ్ర ప్రభావం

డేటా ప్రకారం.. గత ఆర్థిక సంవత్సరంలో మంజూరైన మొత్తం H-1B వీసాలలో దాదాపు 71% భారతీయులకే దక్కాయి. కొత్తగా దాఖలైన 1.41 లక్షల పిటిషన్లలో 65,000 అమెరికా వెలుపల నుంచే వచ్చాయి. ఈ భారీ ఫీజు పెంపు భారం ముఖ్యంగా ఈ వర్గంపైనే పడనుంది. దీని వల్ల భారతీయ ఐటీ నిపుణుల అమెరికా కలలు, అవకాశాలు తీవ్రంగా దెబ్బతింటాయి.

* వర్క్ అథరైజేషన్లు, ఉద్యోగ నష్టం ప్రమాదం

బ్లూమ్‌బర్గ్‌ నివేదికల ప్రకారం.. కొత్త ఫీజు విధానం అమలులోకి వస్తే నెలకు సుమారు 5,500 వర్క్ అథరైజేషన్లు రద్దయ్యే ప్రమాదం ఉంది. రెవెలియో ల్యాబ్స్ అంచనా ప్రకారం.. ప్రతీ ఏటా సుమారు 1.4 లక్షల కొత్త ఉద్యోగాలు (నెలకు దాదాపు 10,000) అమెరికన్ మార్కెట్ నుండి మాయమవుతాయి. ఇది H-1B వ్యవస్థనే "కూల్చేసినట్లే" అని నిపుణులు హెచ్చరిస్తున్నారు.

* చిన్న కంపెనీలు, తక్కువ వేతన రంగాలు పూర్తిగా పక్కకు

$1,00,000 ఫీజు అనేది చిన్న , మధ్య తరహా టెక్ కంపెనీలకు, అలాగే ఎడ్యుకేషన్ వంటి తక్కువ వేతన రంగాల వారికి పెను భారం. ఈ నిర్ణయం వలన వీసాలు కేవలం టెక్నాలజీ, ఫైనాన్స్, హెల్త్‌కేర్ వంటి హై-పేయింగ్‌ జాబ్స్‌కు మాత్రమే పరిమితం అయ్యే అవకాశం ఉంది, తద్వారా తక్కువ వేతన ఉద్యోగాలలో విదేశీ ప్రతిభకు ద్వారాలు మూసుకుపోతాయి.

* దీర్ఘకాలిక పరిణామాలు: 'ఆఫ్‌షోరింగ్' పెంపు

H-1B వీసా ఫీజు పెంపు ప్రభావం ప్రస్తుత వర్క్‌ఫోర్స్‌పై లేకపోయినా, కొత్త దరఖాస్తులను నిరుత్సాహపరచడం వల్ల కంపెనీలు తమ వ్యూహాలను మార్చుకునే అవకాశం ఉంది.

అమెరికాలో విదేశీ ఉద్యోగులను నియమించుకోవడం అధిక వ్యయంతో కూడుకున్న పని అవుతుంది కాబట్టి, కంపెనీలు తమ పనులను భారతదేశం వంటి ఇతర దేశాలలో ఉన్న కార్యాలయాలకు తరలించే అవకాశం ఉంది. దీనినే 'ఆఫ్‌షోరింగ్' అంటారు.

అమెరికా ఆర్థిక వ్యవస్థపై ప్రభావం

నిపుణుల హెచ్చరిక ప్రకారం, ఆఫ్‌షోరింగ్ పెరిగితే దీర్ఘకాలంలో అమెరికా ఆర్థిక వ్యవస్థపై ప్రతికూల ప్రభావం పడుతుంది, ఎందుకంటే స్థానిక ఉద్యోగాలు.. వృత్తిపరమైన సేవలు దేశం వెలుపలికి తరలిపోతాయి.

ప్రతిభ కోల్పోవడం

అమెరికన్ కంపెనీలు అత్యుత్తమ విదేశీ ప్రతిభను కోల్పోయే ప్రమాదం ఉంది, ఇది టెక్నాలజీ.. ఆవిష్కరణల రంగంలో అమెరికా పోటీతత్వాన్ని తగ్గిస్తుంది.

మొత్తం మీద ట్రంప్ ప్రభుత్వ ఈ నిర్ణయం అమెరికన్ టెక్ రంగాన్ని కుదిపేయడమే కాక, భారతీయ ఐటీ వర్కర్స్‌ భవిష్యత్తుపై అపారమైన అనిశ్చితి మబ్బులు కమ్మేలా చేస్తోంది.