తెలంగాణ పోలీసుల వార్నింగ్... ఖంగుతిని కామ్‌ అయిపోయిన శ్రీదేవి!
| ఈ సమయయంలో వైసీపీ బహిష్కృత ఎమ్మెల్యే ఉండవల్లి శ్రీదేవి కూడా మెట్రో స్టేషన్ కి చేరుకుని నిరసనకారులకు మద్దతు తెలిపారు.
చంద్రబాబుకి మద్దతుగా వీకెండ్ ప్రొటెస్ట్ శనివారం ఉదయం హైదరాబాద్ లోని మియాపూర్ మెట్రో స్టేషన్ వద్ద ప్రారంభమైంది. "లెట్స్ మెట్రో ఫర్ సీబీఎన్" అంటూ చంద్రబాబు అభిమానులు, టీడీపీ కార్యకర్తలు హైదరాబాద్ మెట్రో రైళ్లు ఎక్కారు. నల్ల చొక్కాలు, నల్ల ఫ్యాంట్లు ధరించి ట్రైన్ లో ప్రయాణించారు. తద్వారా తమ నిరసన తెలిపారు. ఈ వన్ అవర్ నిరసన కార్యక్రమం జరుగుతున్న క్రమంలో ఓ దశలో అసలు ప్రయాణికులకు చికాకు కలిగించింది.
దీంతో మరింత అసహనం ప్రదర్శించిన అసలు ప్రయాణికులు... మెట్రో రైళ్లలో ఎక్కి నినాదాలేంటని వారిని వారించారు. ఒకానొక దశలో మెట్రో ప్రయాణికులకు, టీడీపీ సానుభూతిపరులకు మధ్య వాగ్వాదం కూడా జరిగింది. ఈ వీడియోలు సోషల్ మీడియాలో హల్ చల్ చేస్తున్నాయి. ఈ సమయంలో ఎలాంటి అవాంఛనీయ సంఘటనలు జరగకుండా పోలీసులు ముందస్తు జాగ్రత్తలు తీసుకున్నారు.
ఈ సమయయంలో వైసీపీ బహిష్కృత ఎమ్మెల్యే ఉండవల్లి శ్రీదేవి కూడా మెట్రో స్టేషన్ కి చేరుకుని నిరసనకారులకు మద్దతు తెలిపారు. ఈ సందర్భంగా ఉండవల్లి శ్రీదేవి హైదరాబాద్ లో ఓవ‌రాక్షన్ చేశారనే కామెంట్లు వినిపిస్తున్నాయి. ఈ సమయంలో పోలీసుల‌పై ఎమ్మెల్యే ఉండవల్లి శ్రీదేవి ద‌బాయింపున‌కు దిగారు. తాను ఎమ్మెల్యేన‌ని, ఎలా అడ్డుకుంటార‌ని పోలీస్ అధికారుల్ని నిల‌దీశారు.
దీంతో... సాధార‌ణ ప్రయాణికుల‌ను ఇబ్బందుల‌కు గురి చేయ‌డం స‌రైంది కాద‌ని, నిర‌స‌న‌కారుల‌ను అనుమ‌తించేదిలేదని పోలీసులు తెలిపారు. అయినప్పటికీ ఆమె వెనక్కి తగ్గకపోవడంతో దీంతో స‌హ‌నం న‌శించిన పోలీసులు... ఎమ్మెల్యే అయితే ఏంట‌ని శ్రీ‌దేవికి చేయి చూపిస్తూ ఆగ్రహంతో ఊగిపోయారని తెలుస్తుంది.
ఇదే సమయంలో... ఇది హైదరాబాద్ అని, రాజ‌కీయాలు ఏవైనా ఉంటే ఆంధ్ర ప్రదేశ్ లో చేసుకోవాల‌ని, ఇక్కడ ప్రశాంతతకు భంగం కలిగించొద్దని శ్రీ‌దేవికి వార్నింగ్ ఇచ్చారని అంటున్నారు. దీంతో... శ్రీదేవి ఖంగుతిని, కాం అయిపోయారని తెలుస్తుంది. దీనికి సంబందించిన వీడియోలు సోషల్ మీడీయాలో వైరల్ అవుతుంటే... అందుకే అంటారు అనువుగాని చోట అధికులమనరాదు అని కామెంట్లు చేస్తున్నారు నెటిజన్లు!