అమెరికా రోడ్లపైకి షార్క్ లు.. హడలిచచ్చిన జనాలు.. భయానక వీడియో..

ప్రకృతి కోపానికి సాంకేతికత తోడైతే ఎలాంటి విడ్డూరాలు చూడాలో ఇటీవల అమెరికాలో సంభవించిన తుఫాను స్పష్టం చేస్తోంది. అమెరికా ఈశాన్య రాష్ట్రాలైన న్యూయార్క్, న్యూజెర్సీలను భారీ వర్షాలు, బలమైన గాలులు ముంచెత్తాయి. రహదారులు నదులుగా మారిపోవడంతో ప్రజలు కార్లను పక్కనపెట్టి కయాక్‌లు, పడవలపై రాకపోకలు సాగించాల్సిన దుస్థితి ఏర్పడింది. ప్రభుత్వం అత్యవసర పరిస్థితి ప్రకటించి, వేలాది కుటుంబాలకు విద్యుత్ పునరుద్ధరణ, సహాయక చర్యల్లో నిమగ్నమైంది. విమానాశ్రయాల్లో సర్వీసులు స్తంభించి వేలాదిమంది ప్రయాణికులు తీవ్ర ఇబ్బందులు పడుతున్నారు.

అయితే ఈ మానవీయ సంక్షోభం ఒకవైపు కొనసాగుతుంటే మరోవైపు సోషల్ మీడియాలో ఒక విచిత్రమైన, కలవరపెట్టే ట్రెండ్ మొదలైంది. అదే "వరద నీటిలో షార్క్" న్యూజెర్సీలోని సర్ఫ్ సిటీ రోడ్లపై ఏకంగా ఒక షార్క్ ఈదుకుంటూ వెళ్తోందంటూ కొద్ది సెకన్ల వీడియో క్లిప్ నెట్టింట కార్చిచ్చులా వ్యాపించింది.

ఫేక్ న్యూస్.. వైరల్ కల్చర్

ప్రతి పెద్ద ప్రకృతి విపత్తు వచ్చినప్పుడూ ఇటువంటి వీడియోలు రావడం పరిపాటిగా మారింది. 2011లో హరికేన్ ఇరీన్, 2017లో హరికేన్ హార్వే సమయాల్లో కూడా ఇలాంటి "స్ట్రీట్ షార్క్" ఫోటోలు వైరల్ అయ్యాయి. వీటిలో అత్యధికం ఎడిట్ చేసినవి లేదా డీప్‌ఫేక్, ఏఐ పరిజ్ఞానంతో సృష్టించినవి. విపత్తు సమయాల్లో భయాందోళనలు పెంచి 'లైక్‌లు', 'వ్యూస్' పొందేందుకు కొంతమంది చేసే చిలిపి చేష్టలు, సమాజంపై తీవ్రమైన ప్రతికూల ప్రభావాన్ని చూపుతాయి.

అధికారుల హెచ్చరికలు.. నెటిజన్ల బాధ్యత

ఈ వైరల్ వీడియోల తీవ్రతను గమనించిన అధికారులు తక్షణమే స్పందించారు. నెట్టింట కనిపించే ప్రతి దృశ్యాన్ని నమ్మవద్దని, ఇవి పాత వీడియోలు లేదా ఎడిట్ చేసినవి అయి ఉండవచ్చని స్పష్టం చేశారు. బాధితులను కాపాడేందుకు ఎమర్జెన్సీ సిబ్బంది ప్రాణాలకు తెగించి పనిచేస్తున్న సమయంలో ఇటువంటి గందరగోళ ప్రచారాలు సహాయక చర్యలకు ఆటంకం కలిగిస్తాయి.

విపత్తు నిర్వహణలో అధికారిక సమాచారానికే ప్రాధాన్యత ఇవ్వడం పౌరుల బాధ్యత. సామాజిక మాధ్యమాల్లో షేర్ చేసే ముందు నిజానిజాలు నిర్ధారించుకోవడంఅత్యవసరం. సముద్రంలో ఉండాల్సిన షార్క్ రోడ్డుపైకి వచ్చిందో లేదో పక్కనబెడితే ఇంటర్నెట్ వలలో నిజాలు మాత్రం గాల్లో కలిసిపోతున్నాయనడంలో సందేహం లేదు.