ఆరేళ్ల వయసులో కిడ్నాప్.. దత్తత ఇచ్చిన కిడ్నాపర్లు.. 44 ఏళ్ల తర్వాత ఆచూకీ లభ్యం

ఇది ఒక సినిమా కథ కాదు, నిజంగా జరిగిన యదార్థ సంఘటన. నలభై నాలుగు సంవత్సరాలుగా కన్న కూతురి కోసం కన్నీళ్లు పెట్టుకున్న తల్లికి, ఎట్టకేలకు న్యాయం, ఆనందం రెండూ దక్కబోతున్నాయి. 1975లో అదృశ్యమైన ఒక ఆరేళ్ల బాలిక, సుదీర్ఘ కాలం తర్వాత అమెరికాలో లభ్యం అయింది. ఆమె కిడ్నాప్‌కు గురైందని నిర్ధారణ కావడంతో ఈ కేసు ఇప్పుడు ప్రపంచవ్యాప్తంగా చర్చనీయాంశంగా మారింది. ఇది ఒక తల్లి నిరీక్షణకు, న్యాయవ్యవస్థపై నమ్మకానికి అద్దం పడుతోంది.

అది 1975 మే నెల. దక్షిణ కొరియాలో తన స్నేహితులతో ఆడుకోవడానికి బయటికెళ్లిన ఆరేళ్ల చిన్నారి హాన్ టేషన్స్ తిరిగి ఇంటికి రాలేదు. ఆ రోజు నుంచి ఆమె తల్లి హాన్ టేషన్స్ తన కూతురి ఆచూకీ కోసం అలుపెరగని పోరాటం చేస్తూనే ఉంది. ప్రతి క్షణం కూతురు తిరిగి వస్తుందని ఆశగా ఎదురుచూసింది. అనేక ప్రయత్నాలు, విజ్ఞప్తులు, వెతుకులాటలు.. అయినా ఫలితం లేకుండా పోయింది.

కాలం గడిచిపోయింది, ఏళ్లకు ఏళ్లు గడిచిపోయాయి. అయినా తల్లి ఆశ వదులుకోలేదు. 2019లో ఒక వాలంటీర్ ఆర్గనైజేషన్ సహాయంతో ఆమె డీఎన్‌ఏ (DNA) పరీక్షలు చేయించుకుంది. ఈ పరీక్షల ఫలితాలు హాన్ టేషన్స్ జీవితంలో ఒక కొత్త ఆశను చిగురింపజేశాయి. ఆమె కూతురి ఆచూకీ దొరికింది.

పోలీసుల దర్యాప్తులో షాకింగ్ విషయాలు వెలుగులోకి వచ్చాయి. చిన్నారిని కిడ్నాపర్లు అమెరికాకు చెందిన ఒక దంపతులకు దత్తత ఇచ్చినట్లు తేలింది. అప్పటినుంచి ఆ బాలిక లారీ బెండర్ అనే పేరుతో అమెరికాలో జీవిస్తోంది. తన కూతురు లభ్యం కావడంతో హాన్ టేషన్స్ ఆనందానికి అవధులు లేవు.

ఇన్నేళ్ల నిరీక్షణ తర్వాత కూతురు దొరికినప్పటికీ, ఆమెను తిరిగి తన చెంతకు చేర్చుకోవడం అంత సులువు కాలేదు. తన కూతురిని తిరిగి పొందడం కోసం తల్లి హాన్ టేషన్స్ అమెరికా కోర్టును ఆశ్రయించింది. ఈ కేసు విచారణ వచ్చే నెలా (జూన్ 2025)లో జరగనుంది. ఈ కేసులో న్యాయస్థానం ఇచ్చే తీర్పు కోసం అందరూ ఆసక్తిగా ఎదురుచూస్తున్నారు. ఇది కేవలం ఒక కిడ్నాప్ కేసు మాత్రమే కాదు..ఒక తల్లి పడిన వేదన, ఆశ, చివరికి న్యాయం కోసం చేస్తున్న పోరాటానికి ప్రతీక.