ఒక్క ఫొటోతో లవ్ స్టోరీ ఎండ్ చేసేసారా బాస్?.. జాకబ్ బెథెల్, ఆద్య ఆనంద్ల రూమర్లపై సెటైరికల్ లవ్ ట్రాక్
మన సోషల్ మీడియా ఉత్సాహవంతుల గురించి ఎంత చెప్పినా తక్కువే. ఇద్దరు సెలబ్రిటీలు పక్కపక్కన నిలబడి ఒక్క ఫొటో దిగితే చాలు... పెళ్లి పీటల వరకు కథ అల్లేస్తారు. బ్యాక్గ్రౌండ్లో మంగళ వాయిద్యాలు మోగించేస్తారు.
మన సోషల్ మీడియా ఉత్సాహవంతుల గురించి ఎంత చెప్పినా తక్కువే. ఇద్దరు సెలబ్రిటీలు పక్కపక్కన నిలబడి ఒక్క ఫొటో దిగితే చాలు... పెళ్లి పీటల వరకు కథ అల్లేస్తారు. బ్యాక్గ్రౌండ్లో మంగళ వాయిద్యాలు మోగించేస్తారు. తాజాగా ఇంగ్లండ్ యువ క్రికెటర్ జాకబ్ బెథెల్, భారత నటి ఆద్య ఆనంద్ ల కథలో కూడా సరిగ్గా ఇదే జరిగింది.
ఒక చిన్న ఐపీఎల్ యాడ్ షూట్ జరిగింది. అక్కడే ఇద్దరూ కలిశారు, ఒక ఫొటో దిగారు. ఇంకేముంది? మన నెటిజన్లు, కొన్ని వార్తా సంస్థలు వెంటనే లవ్ స్టోరీ స్క్రిప్ట్ సిద్ధం చేసేశారు. "భారతీయ భామతో ఇంగ్లండ్ ఆల్రౌండర్ డేటింగ్!" అంటూ వార్తలను హోరెత్తించేశారు. పాపం బెథెల్కి కూడా తెలియదు... తను దిగింది యాడ్ కోసం ఫొటోనా లేక సొంత పెళ్లి అప్లికేషన్ కోసమా అని..
బెథెల్ రియాక్షన్.. "నవ్వుకోడం తప్ప ఏమీ చేయలేం!"
చివరకు ఈ వ్యవహారం బెథెల్ దాకా వెళ్లేసరికి, ఆయన లైవ్లోకి వచ్చి ఆ ఊహాగానాల మీద గట్టిగానే పంచ్ వేశారు. "మేము కేవలం ఒక ఐపీఎల్ ప్రకటన షూట్లో మాత్రమే కలిశాం. ఆ తర్వాత ఎప్పుడూ పర్సనల్గా కలుసుకోలేదు బాబోయ్.. మేము కేవలం మంచి స్నేహితులం మాత్రమే" అని క్లారిటీ ఇచ్చారు.
సెలబ్రిటీలు ఫ్రెండ్లీగా ఒక్క పిక్ షేర్ చేస్తే... మనోళ్లు ఆ ఫొటో ఆధారంగా ఏకంగా ఐదు సీజన్ల వెబ్ సిరీస్ లెవల్ లో లవ్ స్టోరీ అల్లేయడం చూసి తనకు నవ్వొచ్చిందని బెథెల్ చాలా నయానా భయానా చెప్పేశారు. ఒక చిన్న విషయాన్ని కూడా సోషల్ మీడియా ఎలా కొండంత చేసి చూపిస్తుందో ఆయన వ్యాఖ్యలతో మరోసారి ప్రూవ్ అయింది.
కెరీర్పై ఇద్దరి ఫోకస్.. రూమర్లకు చెక్
ఇక ఈ 'వర్చువల్ లవ్ స్టోరీ'కి బెథెల్ స్వయంగా ఎండ్ కార్డ్ వేయడంతో పుకార్లన్నీ పుస్సుమన్నాయి. ప్రస్తుతం ఇద్దరూ తమ తమ రంగాల్లో దూసుకుపోతున్నారు. ఆద్య ఆనంద్ మోడల్గా మొదలై 'క్రష్డ్', 'బాంబే బేగమ్స్', 'నాక్ నాక్ కౌన్ హే' వంటి వెబ్ సిరీస్లతో కుర్రకారు గుండెల్లో రీల్ లవర్గా ఇప్పటికే మంచి ఫాలోయింగ్ సంపాదించుకున్నారు.
జాకబ్ బెథెల్ అటు ధనాధన్ బ్యాటింగ్, ఇటు యూస్ఫుల్ స్పిన్ బౌలింగ్తో ఇంగ్లండ్ క్రికెట్లో ఆల్రౌండర్గా మెరుస్తున్నారు. ఐపీఎల్తో భారతీయ అభిమానులకు కూడా బాగా దగ్గరయ్యారు.
సోషల్ మీడియాలో కనిపించే ప్రతి 'హగ్' వెనుక లవ్ స్టోరీ ఉండదు, కొన్నిసార్లు అది కేవలం ప్రమోషనల్ పిక్ మాత్రమే కావచ్చు.. కాబట్టి తదుపరిసారి ఇద్దరు సెలబ్రిటీలు కలిసి ఫొటో దిగితే... వెంటనే ముహూర్తాలు పెట్టేయకుండా కాస్త ఆగుదాం ఫ్రెండ్స్..