హ్యూమన్ ట్రాఫికింగ్... 303 మంది ఇండియన్స్ ఉన్న విమానం స్వాధీనం!

హ్యూమన్ ట్రాఫికింగ్... ఊహించని పరిణామం తాజాగా తెరపైకి వచ్చింది. సుమారు 303 మంది భారతీయులు ప్రయాణిస్తున్న విమానాన్ని హ్యూమన్ ట్రాఫికింగ్ జరుగుతుందన్న సమాచారంతో స్వాధీనం చేసుకున్న సంగతి తెలిసిందే. ఈ నేపథ్యంలో ఫ్యాన్స్ అధికారులు ప్రయాణికుల్లోని ఇద్దరిని అదుపులోకి తీసుకుని విచారిస్తున్నారు. ఈ మేరకు తాజా పరిస్థితిని ఫ్రాన్స్ అధికారులు వెల్లడించారు. దీంతో ఈ ఇష్యూ వైరల్ గా మారింది.

అవును... హ్యూమన్ ట్రాఫికింగ్ జరుగుతోందన్న సమాచారంతో 303 మంది భారతీయులు ప్రయాణిస్తోన్న విమానాన్ని ఫ్రాన్స్‌ విమానాశ్రయంలో స్వాధీనం చేసుకున్న ఇష్యూకి సంబంధించి ఆ దేశ అధికారులు కీలక విషయాలు వెల్లడించారు. ఇందులో భాగంగా... 303 మంది ప్రయాణికులు, సిబ్బంది ఐడెంటిటీని తనిఖీ చేస్తూ.. వారి ప్రయాణానికి గల కారణాలు పరిశీలిస్తున్నామని వెల్లడించారు.

ఈ ఘటనపై ఫ్రాన్స్‌ లోని ఇండియన్ ఎంబసీ స్పందించింది. ఇందులో భాగంగా... ఈ ఘటన గురించి ఫ్రాన్స్‌ అధికారులు వెల్లడించినట్లు పేర్కొంది. ప్రస్తుతం ఈ వ్యవహారానికి సంబంధించి దర్యాప్తు జరుపుతున్నట్లు తెలిపారని చెప్పింది. ప్రయాణికుల భద్రత కోసం అన్ని చర్యలు తీసుకుంటున్నట్లు వెల్లడించింది.

కాగా... రొమేనియా సంస్థ లెజెండ్‌ ఎయిర్‌ లైన్స్‌ కు చెందిన విమానం యునైటెడ్ అరబ్ ఎమిరేట్స్‌ (యూఏఈ) నుంచి నికరాగువాకు బయల్దేరింది. ఈ సమయంలో ఫ్యుయెల్ నింపడం కోసం ఫ్రాన్స్‌ లోని వాట్రీ ఎయిర్‌ పోర్టులో దిగింది. అయితే అప్పటికే హ్యూమన్ ట్రాఫికింగ్ జరుగుతోందన్న సమాచారం అందుకున్న ఫ్రాన్స్‌ అధికారులు ఆ విమానాన్ని తమ ఆధీనంలోకి తీసుకున్నారు.

ఈ సందర్భంగా ఆ విమానంలో ప్రయాణిస్తున్న ఇద్దరు ప్రయాణికులను అదుపులోకి తీసుకున్నారు. మరోపక్క ఆ ప్రయాణికుల్లో మైనర్లు కూడా ఉన్నారని.. వారంతా అమెరికా లేదా కెనడాలోకి అక్రమంగా ప్రవేశించాలనే ప్రణాళికలో భాగంగా వారంతా నికరాగువాకు వెళ్తున్నట్లు చెబుతున్నారు.