ఐసీయూలో లైంగిక దాడి.. 'డిజిటల్ రేప్' అంటే ఏమిటి?

గురుగ్రామ్ లోని మెదాంత ఆస్పత్రిలో జరిగిన ఓ షాకింగ్ ఘటన అందరినీ కలవర పెడుతోంది. 46 ఏళ్ల ఎయిర్ హోస్టెస్ ఐసీయూలో వెంటిలేటర్ మీద ఉండగా డిజిటల్ అత్యాచారానికి గురైంది. ఈ కేసులో నిందితుడు, దీపక్ అనే మెషిన్ టెక్నీషియన్ పోలీసుల విచారణలో నేరం చేసినట్లు అంగీకరించాడు. అసలు 'డిజిటల్ రే*ప్' అంటే ఏమిటి? ఈ దారుణమైన ఘటనకు ఎలా పాల్పడుతారో ఈ కథనంలో తెలుసుకుందాం.

డిజిటల్ రే*ప్ అంటే వేళ్లు లేదా కాలి వేళ్లను ఉపయోగించి ప్రైవేట్ పార్టులను బాధితురాలి అనుమతి లేకుండా చొచ్చుకుపోవడం. ఇది తీవ్రమైన లైంగిక దాడి. ముఖ్యంగా బాధితురాలు ఆపస్మారక స్థితిలో ఉన్నప్పుడు.. ఆమె ప్రతిఘటించలేని స్థితిలో ఉన్నప్పుడు చేసే ఘోరమైన నేరం.

ఈ ఘోరమైన దాడి ఏప్పిల్ 6వ తేదీ రాత్రి జరిగింది. దీపక్ నడుము పట్టీ సైజును చెక్ చేసే నెపంతో లోపలికి ప్రవేశించి, బాధితురాలు ఆపస్మారక స్థితిలో ఉండగా ఆమె ప్రైవేట్ పార్టుల్లో వేళ్లు చొప్పించాడు. స్పృహలో ఉన్నప్పటికీ ఆమె తన పరిస్థితి కారణంగా ప్రతిఘటించలేకపోయింది.

ఏప్రిల్ 14న డిశ్చార్జ్ అయిన తర్వాత బాధితురాలు తన భర్తకు జరిగిన విషయం చెప్పడంతో వారు పోలీసులను ఆశ్రయించారు. పోలీసులు దర్యాప్తును ముమ్మరం చేసి 800 కంటే ఎక్కువ సీసీటీవీ క్లిప్స్ పరిశీలించి దీపక్ నేరగాడిగా గుర్తించారు.

పోలీసులు దీపక్ దాడికి ముందు, ఆ తరువాత పోర్నోగ్రఫీ వీడియోలను చూసినట్లు కూడా కనుగొన్నారు. బీహార్‌లోని ముజఫర్‌పూర్‌లోని బధౌలి గ్రామానికి చెందిన దీపక్ ఓ ప్రైవేట్ ఇన్‌స్టిట్యూట్ నుండి ఆపరేషన్ థియేటర్ టెక్నాలజీలో బీఎస్సీ పూర్తి చేశాడు. అతను ఐదు నెలల పాటు మెదాంతలో పనిచేశాడు. అరెస్ట్ తర్వాత ఆస్పత్రి యాజమాన్యం అతడిని ఉద్యోగం నుంచి తొలగించింది. హర్యానా ఆరోగ్య మంత్రి వైద్య అధికారి నుండి ఘటనకు సంబంధించిన పూర్తి నివేదికను కోరారు. ప్రత్యేక వైద్య బృందం సోమవారం బాధితురాలిని తిరిగి పరిశీలించనుంది.