థియేటర్లలో రచ్చ రచ్చ.. ‘టాక్సిక్’పై యశ్ హాట్ కామెంట్స్!

కేజీఎఫ్ సినిమాతో పాన్ ఇండియా రేంజ్‌లో రచ్చ చేసిన రాకింగ్ స్టార్ యశ్, ఇప్పుడు తన తదుపరి భారీ యాక్షన్ డ్రామా 'టాక్సిక్'తో థియేటర్లను ఊపేసేందుకు సిద్ధమవుతున్నాడు. ఇటీవల అమెరికాలోని శాన్ డియాగో కామిక్ కాన్ 2026 ఈవెంట్‌లో పాల్గొన్న యశ్, ఈ సినిమా గురించి చేసిన కామెంట్స్ ప్రస్తుతం సోషల్ మీడియాలో హాట్ టాపిక్‌గా మారాయి. థియేటర్ నుంచి బయటకు వచ్చే ప్రతి ఒక్కరి మైండ్ బ్లాంక్ అవ్వడం ఖాయమని ఆయన చాలా ధీమాగా చెబుతున్నారు. ఆ వివరాలు చూద్దాం..

కామిక్ కాన్ ఈవెంట్‌లో యశ్ రచ్చ:

అమెరికాలో జరిగిన శాన్ డియాగో కామిక్ కాన్ 2026 వేదికగా యశ్ తన 'రామాయణం' ప్రాజెక్ట్ ప్రమోషన్లలో పాల్గొన్నారు. అక్కడ రణబీర్ కపూర్ రాముడిగా నటిస్తుండగా, యశ్ రావణుడి పాత్రలో కనిపించబోతున్నారు. ఇక ఇదే ఈవెంట్‌లో తన మరో మోస్ట్ ఎవైటెడ్ మూవీ 'టాక్సిక్' గురించి కూడా యశ్ ఆసక్తికర విషయాలు పంచుకున్నారు. ఈ మాటలతో అటు కన్నడ అభిమానులతో పాటు పాన్ ఇండియా ఆడియన్స్‌లోనూ అంచనాలు ఒక్కసారిగా పెరిగిపోయాయి.

థియేటర్ నుంచి వస్తూ మైండ్ బ్లాంక్:

'టాక్సిక్' సినిమా ఒక వైల్డ్ అండ్ రోలర్ కోస్టర్ రైడ్‌లా ఉంటుందని యశ్ వ్యాఖ్యానించారు. సినిమా చూసి థియేటర్ బయటకు వచ్చే ప్రేక్షకులు "అసలు ఏం చూశాం రా బాబోయ్!" అని ఆశ్చర్యపోయేలా కథనం సాగుతుందన్నారు. ఇక సినిమా చూడటం పూర్తయ్యాక ప్రతి ఒక్కరి మైండ్ కచ్చితంగా బ్లాక్ అవుతుందని యశ్ ధీమా వ్యక్తం చేశారు. కమర్షియల్ ఎలిమెంట్స్‌తో పాటు కథలో చాలా లోతైన భావోద్వేగాలు ఉంటాయని చెప్పారు.

జాన్ విక్ స్టంట్ మాస్టర్‌తో యాక్షన్ సీన్లు:

యాక్షన్ సినిమాలంటే తనలోని చిన్న పిల్లాడు నిద్రలేస్తాడని, మోనిటర్‌లో సీన్లు చూస్తూ ఎంతగానో ఎంజాయ్ చేస్తానని యశ్ చెప్పారు. 'ఇక జాన్ విక్' వంటి హాలీవుడ్ చిత్రాలకు పనిచేసిన ప్రసిద్ధ స్టంట్ కొరియోగ్రాఫర్ జేజే పెర్రీ ఈ సినిమాకి యాక్షన్ డిజైన్ చేశారు. కథ లేకుండా ఊరికే డిష్యుం డిష్యుం అని కాకుండా, ప్రతి ఫైట్ వెనుక బలమైన ఎమోషన్ ఉండేలా ప్లాన్ చేశామని తెలిపారు.

ఎప్పుడు వస్తోంది? స్టార్ క్యాస్టింగ్ ఎవరంటే..:

గీతూ మోహన్ దాస్ దర్శకత్వం వహిస్తున్న ఈ యాక్షన్ థ్రిల్లర్ ఆగస్టు 26న ప్రపంచవ్యాప్తంగా థియేటర్లలోకి రాబోతోంది. ఇక ఈ సినిమాలో యశ్‌కి జోడీగా, అలాగే ముఖ్య పాత్రల్లో నయనతార, కియారా అద్వానీ, తారా సుతారియా మరియు హుమా ఖురేషి వంటి భారీ తారాగణం నటిస్తున్నారు. హాలీవుడ్ రేంజ్ మేకింగ్‌తో వస్తున్న ఈ సినిమా ఇండియన్ బాక్సాఫీస్ వద్ద కొత్త రికార్డులు సృష్టిస్తుందని ట్రేడ్ వర్గాలు భావిస్తున్నాయి.

కేజీఎఫ్ తర్వాత యశ్ నుంచి వస్తున్న సినిమా కావడంతో 'టాక్సిక్'పై అంచనాలు ఆకాశాన్ని తాకుతున్నాయి. యశ్ చెప్పిన మాటలు వింటుంటే ఈ సినిమా బాక్సాఫీస్ వద్ద మరో పెద్ద సునామీ సృష్టించడం ఖాయంగా కనిపిస్తోంది. ఆగస్టు 26న థియేటర్లలో యశ్ చేసే ఈ రచ్చ ఏ రేంజ్‌లో ఉంటుందో చూడటానికి అభిమానులు తీవ్ర ఆత్రుతగా ఎదురుచూస్తున్నారు.