కన్నడ డైరెక్టర్.. టాలీవుడ్ + కోలీవుడ్ కాంబో!

'ఉగ్రం', 'కేజీఎఫ్' సిరీస్ లతో శాండిల్ వుడ్ డైరెక్టర్ గా గుర్తింపు తెచ్చుకున్న ప్రశాంత్ నీల్ ప్రస్తుతం పాన్ ఇండియా దర్శకుడిగా తిరుగులేని ఇమేజ్ తో దూసుకుపోతున్నాడు. అతని నాలుగో సినిమాని టాలీవుడ్ స్టార్ హీరో ప్రభాస్ తో చేశాడు. ఇప్పుడు ఎన్టీఆర్ తో మూవీని సెట్స్ పైకి తీసుకొని వెళ్తున్నాడు. వీటి తర్వాత ప్రభాస్, రామ్ చరణ్ లైన్ అప్ లో ఉన్నట్లు తెలుస్తోంది.

ప్రశాంత్ నీల్ బాటలోనే మరో శాండిల్ వుడ్ డైరెక్టర్ నార్తన్ కూడా నెక్స్ట్ ప్రాజెక్ట్ ని టాలీవుడ్ హీరో రామ్ చరణ్ తో చేయాలని ప్లాన్ చేసుకుంటున్నాడు. 'మఫ్తీ, 'భారతి రంగల్' సినిమాలతో శాండిల్ వుడ్ లో రెండు బ్లాక్ బస్టర్ హిట్స్ ని నార్తన్ సొంతం చేసుకున్నాడు. ఈ రెండు సినిమాలు శివరాజ్ కుమార్ తోనే చేసాడు.

రీసెంట్ గా 'భారతి రంగల్' మూవీ రిలీజ్ అయ్యి సూపర్ హిట్ టాక్ సొంతం చేసుకుంది. ఇదిలా ఉంటే ఈ దర్శకుడి మూడో సినిమాకి సంబందించిన కీలక అప్డేట్ ఇచ్చాడు. తన మూడో సినిమాని కెవిఎన్ ప్రొడక్షన్స్ లోనే చేయబోతున్నట్లు తెలిపాడు. అలాగే ఈ సినిమా కోసం రామ్ చరణ్ ని హీరోగా తీసుకోవాలని అనుకుంటున్నట్లు క్లారిటీ ఇచ్చాడు. అలాగే సూర్య పేరు కూడా పరిశీలనలో ఉందని అన్నారు.

వీరిద్దరిలో ఒకరిని కన్ఫర్మ్ చేస్తానని అన్నారు. అలాగే కన్నడ స్టార్ యాక్టర్ కూడా ఈ చిత్రంలో నటిస్తాడని చెప్పాడు. మొత్తం క్యాస్టింగ్ ఫైనల్ అయ్యాక అఫీషియల్ గా ఎనౌన్స్ చేస్తామని నార్తన్ స్పష్టం చేశాడు. నార్తన్, రామ్ చరణ్ కాంబినేషన్ లో మూవీ ఉంటుందని ఎప్పటి నుంచో టాక్ వినిపిస్తోంది. ఇప్పటికే స్టోరీ నేరేషన్ కూడా ఇక్కడని ప్రచారం జరిగింది.

తాజాగా నార్తన్ కూడా రామ్ చరణ్ తో మూవీ ఉంటుందని కన్ఫర్మ్ చేయడంతో ప్రస్తుతం ఈ న్యూస్ హాట్ టాపిక్ గా మారింది. ఇదిలా ఉంటే రామ్ చరణ్ శంకర్ దర్శకత్వంలో గేమ్ చేంజర్ పూర్తి చేయగా అది సంక్రాంతికి రిలీజ్ అవుతోంది. బుచ్చిబాబు దర్శకత్వంలో తెరకెక్కుతోన్న 'RC 16' మూవీ రెగ్యులర్ షూటింగ్ ని స్టార్ట్ చేశారు. పీరియాడికల్ జోనర్ లో స్పోర్ట్స్ యాక్షన్ డ్రామాగా ఈ మూవీ తెరకెక్కుతోంది. దీని తర్వాత సుకుమార్ దర్శకత్వంలో 'RC 17' కూడా రామ్ చరణ్ ఇప్పటికే కన్ఫర్మ్ చేశాడు. దాని తర్వాత నార్తన్ తో మూవీ చేస్తాడా లేదంటే ముందుగానే ఉంటుందా అనేది తెలియాల్సి ఉంది.