వెన్నెల కిశోర్ నయా అవతార్.. స్పై యాక్షన్ హీరోగా
| ఈ చిత్రానికి డిఫరెంట్గా చారీ 111 అనే టైటిల్ను ఖరారు చేశారు. ఈ సినిమాను బార్కట్ స్డూడియోస్ బ్యానర్పై అడితి సోని నిర్మిస్తున్నారు.
టాలీవుడ్ సినీప్రియులకు పరిచయం అవసరం లేని పేరు వెన్నెల కిశోర్. తనదైనశైలిలో కామెడీ పంచ్‌లతో ప్రేక్షకులను నవ్విస్తుంటారు. బ్రహ్మానందం, ఎమ్మెస్ నారాయణ, వేణుమాధవ్, అలీ, సునీల్ తర్వాత.. ఇప్పుడు జనరేషన్ హాస్యనటుల్లో టాప్లో ఉన్నారాయన. పెర్ఫామెన్స్ విషయంలో, నవ్వించడంలో తనకు తానే సాటి అనేలా కెరీర్లో వరుస సినిమాలు చేస్తూ దూసుకుపోతున్నారు.
తొలి సినిమా వెన్నెల దగ్గర్నుంచి తనకంటూ ఓ ప్రత్యేక శైలి ఏర్పరుచుకుని నవిస్తున్న కిశోర్ పేరు వినగానే.. తెలుగు ప్రేక్షకుల ముఖాలపై ఆటోమేటిగ్గా చిరునవ్వు పులుముకుంటుంది. అయితే ఇప్పుడాయన హీరోగా అవతారం ఎత్తనున్నారు. స్పై యాక్షన్ కామెడీ చిత్రం చేసేందుకు రెడీ అయ్యారు. అక్కినేని హీరో సుమంత్తో మళ్లీ మొదలైంది సినిమా చేసిన దర్శకుడు టీజీ కీర్తి కుమార్.. వెన్నెల కిశోర్ చిత్రాన్ని తెరకెక్కించనున్నారు.
ఈ చిత్రానికి డిఫరెంట్గా చారీ 111 అనే టైటిల్ను ఖరారు చేశారు. ఈ సినిమాను బార్కట్ స్డూడియోస్ బ్యానర్పై అడితి సోని నిర్మిస్తున్నారు. సీనియర్ నటుడు మురళి శర్మ మరో కీలక పాత్ర పోషిస్తున్నారు. కిశోర్ సీక్రెట్ స్పైగా కనిపించనుండగా.. మురళి శర్మ స్పై ఏజెన్సీ హెడ్గా కనిపించనున్నారు. సంయుక్త విశ్వనాథన్ ఫీమెల్ లీడ్రోల్లో కనిపించనున్నారు.
ఈ సినిమా ఫస్ట్ లుక్ కూడా అదిరిపోయింది. ఇందులో వెన్నెల కిశోర్ సూట్ బూటు వేసుకుని చేతిలో గన్ పట్టుకుని కనిపించారు. ఈ పోస్టర్ యానిమేషన్ తరహాలో డిజైన్ చేశారు. గ్లింప్స్ను కూడా యానిమేషన్ తరహాలోనే విడుదల చేశారు. తెలుగు సినిమా ఓ సినిమాను యానిమేషన్ తరహాలు అనౌన్స్ చేయడం ఇదే తొలిసారి.
ఈ సినిమా షూటింగ్ శరవేగంగా జరుపుకుంటోంది. ఇంకా ఈ చిత్రంలో బ్రహ్మాజీ, సత్య, రాహుల్ రవీంద్రన్ నటిస్తున్నారు. సైమన్ కె కింగ్ మ్యూజిక్ అందిస్తున్నారు. కాశీశ్ గ్రోవర్ సినిమాటోగ్రఫీ చూసుకుంటున్నారు. ఈ యాక్షన్ కామెడీ రోలర్ కోస్టర్ రైడ్ తరహాలో ఉంటుంది. సినిమా చాలా అద్భుతంగా, యాక్షన్ కామెడీగా ఉంటుంది దర్శకుడు టీజీ కీర్తి కుమార్ పేర్కొన్నారు.