అధిక ధ‌ర‌ల‌కు అమ్మేస్తోందంటూ నటిపై ట్రోలింగ్

క‌థానాయిక‌లు ఎంట‌ర్ ప్రెన్యూర్లుగా రాణిస్తున్నారు. ఈ జాబితాలో బాలీవుడ్ స్టార్ హీరోయిన్ దీపిక పేరు చేరిన సంగ‌తి తెలిసిందే. అయితే దీపిక ర‌క‌ర‌కాల రాంగ్ రీజ‌న్స్ తో ట్రోలింగ్ ని ఎదుర్కొంటోంది. వివ‌రాల్లోకి వెళితే..

దీపికా పదుకొణె 2022లో తన స్కిన్‌కేర్ బ్రాండ్ 82 Eని లాంచ్ చేయడంతో గత సంవత్సరం ఎంట‌ర్ ప్రెన్యూర్ (వ్యవస్థాపకురాలు)గా మారింది. గత సంవత్సరంలో డీపీ తన బ్రాండ్ నుంచి అనేక ఉత్పత్తులను పరిచయం చేసింది. ప్రారంభ దశలోనే తన ఉత్పత్తుల ధరలు తాజా వివాదానికి కార‌ణ‌మ‌య్యాయి. ఇప్పుడు కంపెనీ అభివృద్ధి చెందుతున్న క్ర‌మంలో దీపిక‌ తన ఉత్పత్తుల అధిక ధరలపై తీవ్ర విమ‌ర్శ‌లు వెల్లువెత్తుతున్నాయి.

దీపిక కాస్మెటిక్ బ్రాండ్ 15 మి.లీ లేదా అంత‌కంటే త‌క్కువ సైజ్ ఐ క్రీమ్‌ను రూ. 2,400కి విక్రయిస్తోంది. ఇది ఆమె వెబ్‌సైట్‌లో అత్యంత ఖరీదైన ఉత్పత్తి (ధర పరిమాణ నిష్పత్తి). ఈ లాంచ్ తరువాత దీపికా ఉత్పత్తుల ధ‌ర‌లు అధికంగా నిర్ణ‌యించ‌డంపై తీవ్ర విమ‌ర్శ‌లు వెల్లువెత్తుతున్నాయి. అయితే దీనికి దీపిక ఇలా స‌మాధాన‌మిచ్చారు. మేము ధ‌ర‌ల పెంపును స్థిరంగానే కొన‌సాగించాం. మేము గత ఒక సంవత్సరంలో విజయవంతమైన బ్రాండ్‌ను ఎలా అభివృద్ధి చేయ‌గ‌లిగాం? మేం ఈ విధానాన్ని కొనసాగిస్తాము అని దీపిక జ‌వాబిచ్చింది. ధ‌ర‌ల పెంపుపై ఈ భామ ఎక్క‌డా త‌గ్గ‌లేదు. దీపిక తన బ్రాండ్ వినియోగదారులకు తాను విక్రయించే ఉత్పత్తులను చురుకుగా ఉపయోగిస్తానని హామీ ఇచ్చింది. నేను మీకు రూ. 2,500 ఉత్పత్తిని విక్రయిస్తున్నట్లయితే, నేను ప్రతిరోజు దానిని కూడా ఉపయోగిస్తున్నాను క‌దా!" అని అన్నారు.

ట్రోలింగ్ పై దీపిక‌ మాట్లాడుతూ, ఇది సెలబ్రిటీ జీవితంలో ఒక భాగమ‌ని అన్నారు. బ్రాండ్లు లేదా సెలబ్రిటీలు సాధారణంగా ఎదురుదెబ్బలు లేదా ట్రోల్‌కు గురవ్వ‌డం స‌హ‌జం. ఇది మేము చేసే పనిలో ఒక భాగం. మీరు మీ తల దించుకున్నంత కాలం .. నిజాయితీగా ఉన్నంత కాలం ఏమీ సాధించ‌లేం. ఎల్లప్పుడూ ఆటుపోట్లు దాటుకుని ముందుకు వెళతాము అని అన్న‌రు. గత నెలల్లో దీపిక త‌న సొంత‌ బ్రాండ్ నుంచి అనేక కొత్త ఉత్పత్తులను పరిచయం చేసింది. క్లినికల్ ట్రయల్స్‌కు వెళ్లకముందే, తయారు చేసిన ప్రతిదాన్ని ప్రయత్నించే మొదటి వ్యక్తిని తాను మాత్ర‌మేన‌ని దీపిక అంది.

క్లినికల్ ట్రయల్స్ లేదా డెర్మటోలాజికల్ ట్రయల్స్‌లోకి వెళ్లే ముందు కూడా ఏదైనా ప్రయత్నించే సిస్టమ్‌లో నేను క‌చ్చితంగా మొదటి వ్యక్తిని. నేను మొదట వాటిని ప్రయత్నిస్తాను. నేను వాటిని కనీసం ఒక వారం పాటు ప్రయత్నిస్తాను. కొన్నిసార్లు ఈ ప్ర‌యోగం నా అభిప్రాయాన్ని బట్టి నెలల పాటు కొనసాగుతుంది. ఆపై నేను గ్రీన్ సిగ్నల్ ఇచ్చినప్పుడు అది క్లినికల్ ట్రయల్స్‌లోకి వెళ్లి బ‌య‌ట‌ప‌డుతుంది.. అని దీపిక వ్యాఖ్యానించింది. వృత్తిపరంగా దీపికా ఈ ఏడాది వ‌రుస బ్లాక్ బ‌స్ట‌ర్ల‌లో న‌టించింది. పఠాన్ లో క‌థానాయిక‌గా న‌టించ‌గా, జవాన్ లో సుదీర్ఘమైన అతిధి పాత్రలో నటించింది.