టైర్ 2 బెటర్ అనుకుంటున్న గురూజీ..?

మాటల మాంత్రికుడు త్రివిక్రం గుంటూరు కారం తర్వాత ఎవరితో సినిమా చేస్తాడన్నది ఇంకా క్లారిటీ రాలేదు. గుంటూరు కారం సినిమా హిట్టైనా సరే ఎందుకో ఆ హిట్ క్రెడిట్ అంతా కూడా సూపర్ స్టార్ మహేష్ బాబు ఖాతాలోనే వేశారు. రొటీన్ కథతోనే వచ్చినా త్రివిక్రం మార్క్ మ్యాజిక్ చేస్తాడు. కానీ గుంటూరు కారం లో అది వర్క్ అవుట్ కాలేదు. త్రివిక్రం నెక్స్ట్ సినిమా ఏంటన్న దాని మీద చర్చలు జరుగుతున్నాయి. అసలైతే అల్లు అర్జున్ తో త్రివిక్రం సినిమా అనౌన్స్ మెంట్ వచ్చింది. కానీ ఆ సినిమా సెట్స్ మీదకు వెళ్లడం కష్టమే అనిపిస్తుంది. పుష్ప తర్వాత అల్లు అర్జున్ నేషనల్ వైడ్ క్రేజ్ తెచ్చుకోగా గురూజీని అందుకు తగిన కథ సిద్ధం చేయమన్నట్టు తెలుస్తుంది.

ఐతే త్రివిక్రం అందుకు కాస్త టైం కావాలని చెప్పాడట. ఐతే అల్లు అర్జున్ కాకపోతే త్రివిక్రం తో సినిమా చేసేందుకు మరో స్టార్ హీరో సిద్ధంగా లేడు. స్టార్స్ అంతా కూడా పాన్ ఇండియా సినిమాలతో సత్తా చాటుతున్నారు. వారితోని సాధ్యమయ్యే పని కాదని త్రివిక్రం టైర్ 2 హీరోల మీద ఫోకస్ చేస్తున్నట్టు తెలుస్తుంది. గురూజీ చేస్తానంటే చాలు కానీ ఒక్క పిలుపు దూరంలో ఉంటారు.

నాని, రామ్ లతో త్రివిక్రం సినిమా ఉండొచ్చని కొన్నాళ్లుగా మీడియాలో వార్తలు వస్తున్నా వాటిపై సరైన స్పష్టత రాలేదు. ముఖ్యంగా రాం తో త్రివిక్రం సినిమా చేయాలని అనుకుంటున్నాడు. స్రవంతి రవికిశోర్ మీద ఉన్న అభిమానం తో అయినా రామ్ తో సినిమా చేయాలని అనుకుంటున్నాడు. గురూజీ కథ రెడీ చేస్తే చాలు రామ్ కావాల్సినన్ని డేట్స్ ఇచ్చేస్తాడు.

నాని లాంటి న్యాచురల్ యాక్టర్ తో కూడా త్రివిక్రం లాంటి డైరెక్టర్ సినిమా తీస్తే బాగుంటుందని ఆడియన్స్ కోరుతున్నారు. రాజమౌళి డైరెక్షన్ లో చేసిన నాని కొత్త దర్శకులతో పనిచేస్తూ వరుస హిట్లు కొడుతుంటాడు. అందుకే నాని అయినా సరే త్రివిక్రం తో పర్ఫెక్ట్ కాంబో అని అంటున్నారు. వాళ్లిద్దరు కాకుండా మరో హీరో ఎవరన్నది చెప్పడం కష్టం. మొత్తానికి త్రివిక్రం నెక్స్ట్ ఎవరితో చేస్తాడన్నది ప్రేక్షకుల్లో ఆసక్తికరమైన చర్చ జరుగుతుంది. ఐతే ఈసారి హీరో ఎవరైనా సరే తన మార్క్ చాటేలా సినిమా చేసే ప్లానింగ్ లో ఉన్నాడట త్రివిక్రం. మరి ఆ కాంబో ఏంటన్నది తెలియాలంటే కొన్నాళ్లు వెయిట్ చేయాల్సిందే.