సినిమా పేరునే ఇంటిపేరుగా మార్చుకున్న సెలబ్రిటీస్!

సినీ ఇండ్రస్ట్రీ లో ఎవరికైనా సరే తొలి సినిమా అనేది ఎప్పటికీ గుర్తుండిపోయే ఒక తీపి జ్ఞాపకం. అయితే కొందరు నటీనటులు, దర్శకులు, నిర్మాతలు తమ మొదటి సినిమాతో లేదా ఒక బ్లాక్‌బస్టర్ హిట్‌తో ఎంతటి ఘనవిజయాన్ని అందుకున్నారంటే.. ఆ సినిమా పేరే వారి అసలు పేరు ముందు వచ్చి చేరి, ఒక ఇండస్ట్రీ ఇంటిపేరుగా (Surname) మారిపోయింది. సాధారణ ప్రజల నుంచి సినీ పరిశ్రమ వరకు అందరూ వారిని అదే పేరుతో పిలుస్తుంటారు. అలా సినిమాల పేర్లను ఇంటిపేర్లుగా మార్చుకున్న మన టాలీవుడ్ స్టార్స్ ఎవరెవరో ఇప్పుడు చూద్దాం..

అల్లరి నరేష్, వెన్నెల కిషోర్, సత్యం రాజేష్:

సీనియర్ దర్శకుడు ఈవివి సత్యనారాయణ కుమారుడు నరేష్ హీరోగా పరిచయమైన తొలి చిత్రం 'అల్లరి'. ఆ సినిమా సాధించిన ఘనవిజయంతో ఆయన పేరు కాస్తా 'అల్లరి నరేష్'గా స్థిరపడిపోయింది. అలాగే ప్రముఖ కమెడియన్ కిషోర్ టాలీవుడ్ ఎంట్రీ ఇచ్చిన 'వెన్నెల' చిత్రం ఆయనకు తిరుగులేని గుర్తింపు తెచ్చిపెట్టడంతో 'వెన్నెల కిషోర్' అయ్యారు. నటుడు రాజేష్‌ కూడా తాను మంచి గుర్తింపు తెచ్చుకున్న ‘సత్యం’ సినిమా పేరునే తన ఇంటిపేరుగా మార్చుకుని ‘సత్యం రాజేష్‌’గా అలరిస్తున్నారు.

షావుకారు జానకి, శుభలేఖ సుధాకర్:

దిగ్గజ నటి జానకి గారు 1950లో ఎన్టీఆర్ సరసన నటించిన తొలి చిత్రం ‘షావుకారు’. ఆ సినిమా పేరు ఆమె జీవితాన్నే మార్చేసి ఆమెను ‘షావుకారు జానకి’ని చేసింది. ఇక నటుడు సుధాకర్ కెరీర్‌ను మలుపు తిప్పి ఆయనకు నటుడిగా మంచి గుర్తింపు తెచ్చిన చిత్రం ‘శుభలేఖ’. ఆ సినిమా నుంచి ఆయనను అందరూ ‘శుభలేఖ సుధాకర్’ అని పిలవడం మొదలుపెట్టారు.

దిల్ రాజు, సిరివెన్నెల సీతారామశాస్త్రి:

స్టార్ ప్రొడ్యూసర్ వి. వెంకట రమణారెడ్డి నిర్మాతగా మారి నిర్మించిన మొదటి చిత్రం 'దిల్'.ఇక నితిన్ హీరోగా వచ్చిన ఆ సినిమా బాక్సాఫీస్ వద్ద రికార్డులు సృష్టించడంతో ఆయన పేరు 'దిల్ రాజు'గా మారిపోయింది. ఇక ప్రముఖ గేయ రచయిత సీతారామశాస్త్రి గారు కెవి విశ్వనాథ్ గారి ‘సిరివెన్నెల’ చిత్రానికి రాసిన పాటలు టాలీవుడ్‌లో కొత్త చరిత్ర సృష్టించాయి. ఆ పాటల ప్రాభవంతో ఆయన పేరు అమర గాయకుడిగా ‘సిరివెన్నెల సీతారామశాస్త్రి’గా మారిపోయింది.

సొంత ఇంటిపేరు కంటే కూడా తాము చేసిన కళ, సాధించిన విజయాల ద్వారా వచ్చిన ఈ పేర్లే వారి గుర్తింపుగా మారడం విశేషం. దశాబ్దాలు గడిచినా ఆ సినిమాల పేర్లు వీరితోనే ప్రయాణిస్తూ ప్రేక్షకుల గుండెల్లో ఎప్పటికీ నిలిచిపోతాయి. సినిమాపై వీరు చూపించిన ప్రాణం, ఆడియన్స్ ఇచ్చిన ఆదరణకు ఈ ఇండస్ట్రీ ఇంటిపేర్లే అసలైన నిదర్శనం..