కంఫర్ట్‌తో లగ్జరీ టచ్.. రష్మిక సింపుల్ స్టైల్ సెన్సేషన్!
టాలీవుడ్ నేషనల్ క్రష్ రష్మిక మందన్న తన క్యూట్ ఎక్స్‌ప్రెషన్స్‌తోనే కాదు, ట్రెండీ ఫ్యాషన్‌తోనూ ఎప్పుడూ యూత్‌ను ఫిదా చేస్తుంటారు.
టాలీవుడ్ నేషనల్ క్రష్ రష్మిక మందన్న తన క్యూట్ ఎక్స్‌ప్రెషన్స్‌తోనే కాదు, ట్రెండీ ఫ్యాషన్‌తోనూ ఎప్పుడూ యూత్‌ను ఫిదా చేస్తుంటారు. ఎలాంటి హంగు ఆర్భాటాలు లేకుండా సింపుల్‌గా కనిపిస్తూనే, తన అవుట్‌ఫిట్‌కి తగిన హై-ఎండ్ లగ్జరీ యాక్సెసరీస్‌ను జతచేయడం ఆమె ప్రత్యేకత. తాజాగా ఆమె సన్‌కిస్డ్ అండ్ స్టైలిష్ లుక్‌లో కనిపిస్తూ అందరి దృష్టిని ఆకర్షించారు. ఈ సింపుల్ క్యాజువల్ లుక్ పూర్తి ప్రైస్ బ్రేక్‌డౌన్ విశేషాలు ఇప్పుడు చూద్దాం.
జారా టాప్.. లీవైస్ జీన్స్:
ఈ క్యాజువల్ మరియు కంఫర్టబుల్ లుక్ కోసం రష్మిక 'జారా' బ్రాండ్‌కు చెందిన సింపుల్ ఎల్లో కలర్ రిబ్బెడ్ ట్యాంక్ టాప్‌ను ఎంచుకున్నారు. ఇక దీని అంచనా ధర సుమారు రూ. 1,290గా ఉంది. దీనికి సరైన జోడీగా ఆమె 'లీవైస్ 94 వైడ్ లెగ్ జీన్స్' ధరించగా, దాని ధర రూ. 5,999గా ఉంది. ఈ సింపుల్ డ్రెస్ ఆమెకు పర్‌ఫెక్ట్ స్ట్రీట్ స్టైల్ లుక్‌ను అందించింది.
ప్రడా గ్లాసెస్, నెక్లెస్ అందాలు:
ఈ ట్రెండీ లుక్‌ను మరింత స్టైలిష్‌గా మార్చడానికి ఆమె కొన్ని ఖరీదైన యాక్సెసరీస్‌ను వాడారు. ఆమె కళ్లకు ధరించిన 'ప్రడా సింబోల్ సన్‌గ్లాసెస్' అంచనా ధర సుమారు రూ. 38,000గా ఉంది. అలాగే ఆమె మెడలో ధరించిన 'ఇనిషియల్ పెండెంట్ నెక్లెస్' ధర రూ. 12,500గా నిలిచింది, ఇది ఆమె లుక్‌కి మరింత అందాన్ని తెచ్చిపెట్టింది.
లూయిస్ విట్టన్ లగ్జరీ బ్యాగ్:
ఈ ఎంటైర్ అవుట్‌ఫిట్‌లో ప్రధాన హైలైట్‌గా నిలిచింది ఆమె భుజానికి ధరించిన లగ్జరీ హ్యాండ్‌బ్యాగ్. ప్రపంచ ప్రసిద్ధ 'లూయిస్ విట్టన్ కౌసిన్ పిఎం షోల్డర్ బ్యాగ్' అంచనా ధర ఏకంగా రూ. 2,71,000గా ఉంది. ఇక ఈ ఒక్క లగ్జరీ బ్యాగ్ ఈ క్యాజువల్ లుక్ స్థాయినే పూర్తిగా మార్చేసిందని చెప్పడంలో ఎలాంటి సందేహం లేదు.
ఈ మొత్తం క్యాజువల్ లగ్జరీ లుక్‌కు పూర్తి సౌకర్యాన్ని ఇస్తూ ఆమె కాళ్లకు 'యఈజ్య్ స్లైడ్స్ ఎర్త్ బ్రౌన్' ఫుట్‌వేర్‌ను ధరించారు. ఇక ఈ ట్రెండీ అండ్ కంఫర్టబుల్ ఫుట్‌వేర్ అంచనా ధర రూ. 8,500గా ఉంది. నార్మల్ డ్రెస్ లో ఉన్నప్పటికీ, బ్రాండెడ్ యాక్సెసరీస్‌తో ఆమె బ్యాలెన్స్ చేసిన విధానం అందరినీ ఆకట్టుకుంటోంది.
సాధారణమైన దుస్తులతో కూడా హై-ఎండ్ లగ్జరీ బ్రాండ్లను బ్యాలెన్స్ చేస్తూ రష్మిక మందన్న ప్రదర్శించిన ఈ స్టైలిష్ లుక్ ఫ్యాషన్ ప్రియులకు సరికొత్త ఐడియాలు ఇస్తోంది. సినిమాల పరంగా చూస్తే, ఆమె విజయ్ దేవరకొండతో నటిస్తున్న 'రణబాలి', అట్లీ దర్శకత్వంలోని 'రాకా', మరియు 'మైసా' వంటి చిత్రాలతో రాబోయే రోజుల్లో అలరించడానికి సిద్ధంగా ఉన్నారు. ఫ్యాషన్ తో పాటు సినిమాలతోనూ ఆమె దూసుకుపోతున్నారు..