సెగలు రేపుతున్న పూజా హెగ్డే గ్రీన్ లుక్‌.. సోషల్ మీడియా షేక్

టాలీవుడ్ 'బుట్టబొమ్మ' పూజా హెగ్డే తన అద్భుతమైన అందంతో కోట్లాది మంది అభిమానుల మనసులను గెలుచుకుంది. సోషల్ మీడియాలో ఎప్పుడూ యాక్టివ్‌గా ఉండే ఈ డస్కీ బ్యూటీ, తాజాగా షేర్ చేసిన కొన్ని ఫొటోలు కుర్రాళ్ల గుండెల్లో రైళ్లు పరిగెత్తిస్తున్నాయి. పిస్తా గ్రీన్ కలర్ లాంగ్ ఫ్రాక్‌లో పూజా ఇచ్చిన పోజులు ప్రస్తుతం ఇంటర్నెట్‌ను షేక్ చేస్తున్నాయి. గ్లామర్ అండ్ స్టైల్‌కు కేరాఫ్ అడ్రస్‌గా నిలిచే పూజా లేటెస్ట్ ఫ్యాషన్ ట్రెండ్స్ విశేషాలు చూద్దాం..

టేక్ మీ డాన్సింగ్- అంటూ పూజా హల్‌చల్:

పూజా హెగ్డేకు సోషల్ మీడియాలో ఉండే క్రేజ్ అంతా ఇంతా కాదు. ఆమె ఏ ఫొటో పోస్ట్ చేసినా క్షణాల్లో వైరల్ అయిపోతుంది. తాజాగా ఇన్స్టాగ్రామ్ వేదికగా పూజా కొన్ని మైండ్ బ్లోయింగ్ ఫొటోస్ అభిమానులతో పంచుకుంది. ఇక ఈ ఫొటోలకు ‘టేక్ మీ డాన్స్’ అంటూ ఒక క్రేజీ క్యాప్షన్ కూడా ఇచ్చింది. ఆమె ట్రేడ్‌మార్క్ చిరునవ్వు, ఈ కొత్త లుక్ చూసి ఫ్యాన్స్ అంతా ఫిదా అయిపోతున్నారు. ఇక కామెంట్ల రూపంలో పూజాపై పొగడ్తల వర్షం కురిపిస్తున్నారు.

ఆకట్టుకుంటున్న జిమ్మెర్‌మన్ డిజైనర్ గౌన్:

ఈ ఫొటోషూట్‌లో పూజా హెగ్డే వేసుకున్న డ్రెస్ ప్రత్యేక ఆకర్షణగా నిలిచింది. ప్రముఖ బ్రాండ్ ‘జిమ్మెర్మాన్’ డిజైన్ చేసిన 'లూనా ఫ్లోరల్-లేస్ మ్యాక్సీ డ్రెస్' బాండో గౌన్లో ఆమె మెరిసిపోయింది. పిస్తా గ్రీన్ కలర్‌లో ఉన్న ఈ స్ట్రాప్‌లెస్ డ్రెస్, ఆమె అందాన్ని మరింత రెట్టింపు చేసింది. ఇక బాడీకి నప్పేలా ఉన్న కటౌట్స్, బబుల్-టైర్డ్ వేస్ట్ డిజైన్, ఫ్లోరల్ లేస్ వర్క్ పూజా లుక్‌ను నెక్స్ట్ లెవెల్‌కు తీసుకెళ్లాయి.

చేతినిండా క్రేజీ ప్రాజెక్టులు:

గత ఏడాది ఒక మంచి రెట్రో మూవీతో ప్రేక్షకులను పలకరించిన పూజా హెగ్డే.. ఇప్పుడు టాలీవుడ్‌లో వరుస క్రేజీ ఆఫర్లతో బిజీగా ఉంది. ప్రస్తుతం ఆమె లిస్ట్‌లో రెండు పెద్ద సినిమాలు ఉన్నాయి.అవి నేచురల్ స్టార్ నాని హీరో గా సుజీత్ దర్శకత్వంలో వస్తున్న యాక్షన్ రొమాన్స్ మూవీ బ్లడీ రోమియో. ఇక మరొకటి మలయాళ స్టార్ దుల్కర్ సల్మాన్ హీరోగా, రవి నేలకుడిటి డైరెక్షన్‌లో రాబోతున్న క్యూట్ లవ్ స్టోరీ.

మిస్ ఇండియా రన్నరప్‌గా కెరీర్ స్టార్ట్ చేసి, ఈరోజు టాలీవుడ్, బాలీవుడ్‌లలో స్టార్ హీరోయిన్‌గా పూజా హెగ్డే దూసుకుపోతోంది. కేవలం సినిమాలతోనే కాదు, తన ఫిట్‌నెస్ మరియు అదిరిపోయే ఫ్యాషన్ సెన్స్‌తో యువతకు డ్రీమ్ గర్ల్‌గా మారింది. ఇక ఈ కొత్త గ్రీన్ డ్రెస్ లుక్‌తో మరోసారి సోషల్ మీడియాను తన గుప్పిట్లోకి తెచ్చుకున్న ఈ బుట్టబొమ్మ, రాబోయే సినిమాలతో బాక్సాఫీస్ దగ్గర ఎలాంటి వండర్స్ క్రియేట్ చేస్తుందో చూడాలి.