నీల్ పర్ఫెక్ట్ ప్లాన్.. తారక్ తో ఇబ్బంది లేకుండా..

సలార్ సినిమాతో ప్రశాంత్ నీల్ గత ఏడాది టాలీవుడ్ కి బిగ్గెస్ట్ హిట్ ఇచ్చాడు. హైయెస్ట్ కలెక్షన్స్ మూవీని కూడా అందించాడు. అలాగే డార్లింగ్ కి చాలా రోజుల నుంచి ఊరిస్తున్న సక్సెస్ రుచి చూపించాడు. బాహుబలి 2 తర్వాత ప్రభాస్ మూడు సినిమాలు చేస్తే అవేవీ కూడా ఆశించిన స్థాయిలో మెప్పించలేదు. సలార్ మాత్రం ఫ్యాన్స్ ఆకలి తీర్చింది. కేజీఎఫ్ చాప్టర్ 2 రేంజ్ సక్సెస్ కాకున్నా ప్రశాంత్ నీల్ స్టామినాని మరోసారి సలార్ పరిచయం చేసింది.

సలార్ పార్ట్ 1 కంప్లీట్ చేసిన తర్వాత జూనియర్ ఎన్టీఆర్ తో మూవీ చేయాలని ప్రశాంత్ నీల్ అనుకున్నాడు. మైత్రీ మూవీ మేకర్స్ భారీ బడ్జెట్ తో ఈ మూవీని నిర్మించడానికి కూడా సిద్ధమై ఉంది. అయితే సలార్ థియేటర్స్ లోకి వచ్చేసరికి ఎన్టీఆర్ మాత్రం దేవర మూవీ షూటింగ్ లో బిజీగా ఉన్నాడు. ఈ సినిమా షూటింగ్ తో పాటు పోస్ట్ ప్రొడక్షన్ వర్క్ కూడా ప్రస్తుతం జరుగుతోంది.

దేవర షూటింగ్ కంప్లీట్ కాగానే హిందీలో అయాన్ ముఖర్జీ దర్శకత్వంలో తెరకెక్కుతోన్న వార్ 2 షూటింగ్ లో తారక్ జాయిన్ అవ్వాల్సి ఉంది. ఇప్పటికే ఆ మూవీ షూటింగ్ స్టార్ట్ అయ్యింది. ఆ సినిమా కంప్లీట్ అయ్యే వరకు తారక్ కాల్ షీట్స్ దొరకడం కష్టం. అంటే ఎన్టీఆర్ తో మూవీ చేయాలంటే కచ్చితంగా ఏడాది కాలం వెయిట్ చేయాల్సిందే.

అందుకే ప్రశాంత్ నీల్ ఈ టైంలో సలార్ 2 అయిన శౌర్యంగ పర్వం పూర్తి చేసి రిలీజ్ చేయాలని అనుకుంటున్నాడు. ఈ మూవీ షూటింగ్ కి కూడా ప్లానింగ్ చేసేసాడు. త్వరలో పూర్తి వివరాలు తెలియజేసే అవకాశం ఉందంట. ప్రభాస్ ప్రస్తుతం కల్కితో పాటు మారుతి రాజాసాబ్ మూవీ పూర్తి చేయాలి. దాంతో పాటు ఈ సలార్ కి కూడా డేట్స్ అడ్జస్ట్ చేసి ఈ ఏడాదిలోనే ఫినిష్ చేయాలనే ఆలోచనతో ఉన్నారంట.

స్పిరిట్ స్క్రిప్ట్ వర్క్ కంప్లీట్ కావడానికి మరో ఆరు నెలల సమయం పట్టొచ్చు ఆ లోపు పెండింగ్ షూటింగ్స్ అన్ని ఫినిష్ చేసుకోవాలని డార్లింగ్ అనుకుంటున్నారని తెలుస్తోంది. సలార్ షూటింగ్ కూడా వీలైనంత వేగంగా ఫినిష్ చేసేయాలని డిసైడ్ అయినట్లు బోగట్టా.