రష్మిక, విజయ్ ఫోటోపై నాని క్లారిటీ

నేచురల్ స్టార్ నాని హీరోగా శౌర్యువ్ దర్శకత్వంలో తెరకెక్కి ప్రేక్షకుల ముందుకి రాబోతున్న సినిమా హాయ్ నాన్న. ఈ సినిమాలో మృణాల్ ఠాకూర్ హీరోయిన్ గా నటిస్తోంది. శృతి హాసన్ గెస్ట్ రోల్ చేశారు. ఈ సినిమా ప్రమోషన్స్ అంతా నాని తన భుజాలపై వేసుకొని నడిపిస్తున్నారు. ఈ సినిమా ప్రమోషన్స్ లో భాగంగా ఇచ్చిన ఇంటర్వ్యూలో నాని ఆసక్తికర విషయాలు పంచుకున్నారు.

మృణాల్ ఠాకూర్ తన ప్రాజెక్ట్స్ తో బిజీగా ఉండటం వలన ఎక్కువ సమయం ఈ మూవీ ప్రమోషన్స్ కి కేటాయించలేకపోయిందని నాని క్లారిటీ ఇచ్చారు. కాని ఆమె పెర్ఫార్మెన్స్ సినిమాలో చాలా అద్భుతంగా ఉంటుందని, ముఖ్యంగా ప్రీక్లైమాక్స్ లో ఆమె యాక్టింగ్ కి ఫిదా అయిపోయానని అన్నారు. ఇక సినిమాకు మ్యూజిక్ అందించిన హేసమ్ అబ్దుల్ వాహబ్ కచ్చితంగా స్టార్ మ్యూజిక్ డైరెక్టర్ అవుతారని కొనియాడారు.

దర్శకుడు శౌర్యువ్ కి మంచి టాలెంట్ ఉందని, ఈ మూవీ చూసిన తర్వాత ప్రతి ఒక్కరు అతని సామర్ధ్యాన్ని గుర్తిస్తారని అన్నారు. సినిమా ప్రమోషన్స్ భాగంగా ఓ పొలిటికల్ ఇంటర్వ్యూలో నేచురల్ స్టార్ నాని చేశారు. ఇది కాస్తా సెటైరికల్ గా అనిపించిన భాగా వైరల్ అయ్యింది. అయితే రాజకీయాన్ని ఇలా సినిమాకి వాడుకోవడంపై నాని క్లారిటీ ఇచ్చారు.

ప్రస్తుతం పొలిటికల్ సీజన్ అంతా నడుస్తుందని, ఈ టైంలో ఎలాంటి ప్రమోషన్స్ చేసిన జనం దృష్టి మన మీద పడదు. ఈ నేపథ్యంలోనే యూనిట్ ఆలోచనతో ఈ పొలిటికల్ ప్రెస్ మీట్ వీడియో షూట్ చేసి విడుదల చేశామని అన్నారు. అయితే ఎవరిని కించపరిచే ఉద్దేశ్యం తమకి లేదని క్లారిటీ ఇచ్చారు. ఇక ఈ సినిమా ప్రీరిలీజ్ ఈవెంట్ లో రష్మిక, విజయ్ పర్శనల్ ఫోటోలు చూపించడం పొరపాటుగా జరిగిందని అన్నారు.

ఆ ఫోటోలని అలా చూపించకుండా ఉండాల్సిందని, నిర్వాహకులు పొరపాటుగా అలా చేసారని, దానికి విజయ్ దేవరకొండ, రష్మిక మందన హర్ట్ అయితే సారీ చెబుతున్నట్లు ఇంటర్వ్యూలో పేర్కొన్నారు.