రజినీకాంత్ వల్ల తెలుగు హీరో రామ్‌కు బ్రేకులు..!

టాలీవుడ్‌లో ఒకప్పుడు లవర్ బాయ్‌గా మంచి గుర్తింపు తెచ్చుకున్న హీరో రామ్ పోతినేని.. ప్రస్తుతం వరుస పరాజయాలతో ఇబ్బంది పడుతున్నారు. ఈ హీరోకి ఇప్పుడు ఒక మంచి విజయం చాలా అవసరం. ఇటీవల విడుదలైన ఆంధ్ర కింగ్ తాలూకా సినిమాపై రామ్ ఎన్నో ఆశలు పెట్టుకున్నారు. ఈ సినిమా మంచి రివ్యూలు తెచ్చుకున్నప్పటికీ, కలెక్షన్ల పరంగా మాత్రం ఆశించిన స్థాయిలో సత్తా చూపించలేకపోయింది.

దీంతో రామ్ తన తదుపరి సినిమాలపై మరింత దృష్టి పెట్టారు. ఈ క్రమంలో ఆయన స్వయంగా దర్శకత్వం వహిస్తున్న RAPO23 సినిమాపై భారీ అంచనాలు ఉన్నాయి. అయితే ఇప్పుడు ఈ సినిమా షూటింగ్‌కు బ్రేకులు పడినట్లు వార్తలు వినిపిస్తున్నాయి.

రామ్ పోతినేని తొలిసారి దర్శకత్వం వహిస్తున్న RAPO23 సినిమాను 2026 డిసెంబర్‌లో విడుదల చేయాలని ముందుగా భావించారు. కానీ ప్రస్తుతం ఈ సినిమా షూటింగ్ కేవలం 40 శాతం మాత్రమే పూర్తయినట్లు ప్రచారం జరుగుతోంది.

దీంతో అనుకున్న సమయానికి ఈ సినిమా విడుదల కావడం కష్టంగా కనిపిస్తోంది. ఈ సినిమా ఆలస్యం కావడానికి సూపర్ స్టార్ రజినీకాంత్ నటిస్తున్న ధర్మన్ సినిమా కూడా ఒక కారణమని వార్తలు వినిపిస్తున్నాయి.

రజినీకాంత్ నటిస్తున్న ధర్మన్ సినిమాలో రామ్ పోతినేని కీలక పాత్రలో కనిపించబోతున్న సంగతి తెలిసిందే. అయితే రజినీకాంత్ సినిమాతో రామ్‌కు వచ్చిన ఈ అవకాశం ఇప్పుడు ఆయన సొంత సినిమా షూటింగ్‌పై ప్రభావం చూపిస్తున్నట్లు తెలుస్తోంది.

ఇది కానీ నిజమై..RAPO23 సినిమా విడుదల వాయిదా పడితే, రామ్ పోతినేని నుంచి 2027లో రెండు సినిమాలు ప్రేక్షకుల ముందుకు వచ్చే అవకాశం ఉందని సినీ వర్గాల్లో చర్చ జరుగుతోంది.

ఒకవైపు రజినీకాంత్ ధర్మన్ సినిమాలో రామ్ పాత్రపై ఆసక్తి పెరుగుతోంది. మరోవైపు ఆయన దర్శకత్వంలో తెరకెక్కుతున్న RAPO23 కూడా ప్రేక్షకుల్లో క్యూరియాసిటీ పెంచుతోంది. వరస పరాజయాల్లో ఉన్న రామ్ కి ఈ వరస సినిమాలు ఎలాంటి విజయాన్ని సాధించి పెడతాయో.. చూడాలి.