'బచ్చల మల్లి' టీజర్.. ఊర మాస్ నరేష్

టాలీవుడ్ నటుడు అల్లరి నరేష్ నటిస్తున్న లేటెస్ట్ మూవీ బచ్చల మల్లి. సోలో బ్రతుకే సో బెటర్‌ సినిమాతో మంచి గుర్తింపు తెచ్చుకున్న దర్శకుడు సుబ్బు మంగాదేవి తెరకెక్కిస్తున్నారు. అమృత అయ్యర్ హీరోయిన్ గా నటిస్తున్న ఆ మూవీని హాస్యా మూవీస్ బ్యానర్ పై రాజేష్ దండ, బాలాజీ గుత్తా నిర్మిస్తున్నారు. డిసెంబర్ 20న రిలీజ్ చేయనున్నారు.

ప్రమోషన్స్ లో భాగంగా ఇప్పటికే మేకర్స్ రిలీజ్ చేసిన కంటెంట్ కు మంచి రెస్పాన్స్ వచ్చింది. సినిమాపై పాజిటివ్ బజ్ బాగానే క్రియేట్ అయింది. పోస్టర్స్, గ్లింప్స్, సాంగ్స్.. అన్నీ అలరించాయి. అదే జోష్ తో తాజాగా మేకర్స్ టీజర్ ను రిలీజ్ చేశారు. బచ్చల మల్లి మండుతున్న ఫైరీ స్పార్క్ అంటూ క్యాప్షన్ ఇవ్వగా.. ప్రస్తుతం టీజర్ నెట్టింట వైరల్ గా మారింది.

ఎవ్వరినీ పట్టించుకోని, ఎవ్వరి కోసం మారకూడదని భావించే పల్లెటూరి వ్యక్తి కథాంశంతో బచ్చల మల్లి మూవీ ఉంటుందని టీజర్ క్లారిటీ ఇచ్చేసింది. హీరోయిన్ అమృతా అయ్యర్ హీరో జీవితాన్ని ఎలా మార్చిందని పాయింట్ తో సినిమా నడుస్తుందని అర్థమవుతోంది. వారి జీవితంలో ఎదురైన సంఘటనల చుట్టూ ఉండబోతున్నట్లు తెలుస్తుంది.

టీజర్ ప్రకారం.. బచ్చల మల్లి మూవీలో ఇప్పటివరకు ఎన్నడూ లేనంత మాస్ లుక్‌ లో నరేష్ కనిపించనున్నారని అర్థమవుతోంది. ఫుల్ గా గడ్డంతో చాలా ఆయన లుక్ రగ్డ్ గా ఉంది. సినిమాలో పూర్తిగా రఫ్ అండ్ రగ్డ్ లుక్ లో కనిపించడమే కాకుండా.. మొండితనం, మూర్ఖత్వం ఉన్న రోల్ లో సినీ ప్రియులను అలరించనున్నట్లు తెలుస్తోంది.

ఓవరాల్ గా టీజర్ సూపర్ గా ఉందని, అల్లరి నరేష్ మరోసారి బచ్చల మల్లిగా అదరగొట్టేందుకు సిద్ధమయ్యారని నెటిజన్లు కామెంట్లు పెడుతున్నారు. హీరో, హీరోయిన్ల మధ్య వచ్చే డైలాగ్స్‌ తెగ మెప్పిస్తున్నాయని అంటున్నారు. మందుతో పాటు అప్పుడప్పుడు నాకు అమ్మాయిల అలవాటు కూడా ఉందని నరేష్ చెప్పిన డైలాగ్ క్రేజీగా ఉందని చెబుతున్నారు.

విశాల్ చంద్రశేఖర్ బ్యాక్ గ్రౌండ్ స్కోర్, అల్లరి నరేష్ పెర్ఫార్మెన్స్, దర్శకుడు సుబ్బు మంగాదేవి విజన్ తో పాటు ఓవరాల్ టీజర్ కంటెంట్.. సినిమాపై అంచనాలు పెంచుతోందని అంటున్నారు. వేరే లెవెల్ బజ్ క్రియేట్ అవుతుందని చెబుతున్నారు. మరి క్రిస్మస్ కానుకగా రిలీజ్ కానున్న బచ్చల మల్లి మూవీ.. ఎలాంటి హిట్ అవుతుందో వేచి చూడాలి.