'అత్త‌రు సాయిబు'గా మంచు వార‌సుడు!
| ఏడేళ్ల త‌ర్వాత మంచు వార‌సుడు మనోజ్ కెరీర్ మ‌ళ్లీ ఇప్పుడిప్పుడే ప‌ట్టాలెక్కుతుంది. వ్య‌క్తిగ‌త కారణా లుగా ఇంత‌కాలం ఇండ‌స్ట్రీకి దూరంగా ఉన్న మనోజ్ మ‌ళ్లీ గ‌త వైభ‌వాన్ని అందుకునే ప్ర‌య‌త్నాలు చేస్తున్నాడు.
ఏడేళ్ల త‌ర్వాత మంచు వార‌సుడు మనోజ్ కెరీర్ మ‌ళ్లీ ఇప్పుడిప్పుడే ప‌ట్టాలెక్కుతుంది. వ్య‌క్తిగ‌త కారణా లుగా ఇంత‌కాలం ఇండ‌స్ట్రీకి దూరంగా ఉన్న మనోజ్ మ‌ళ్లీ గ‌త వైభ‌వాన్ని అందుకునే ప్ర‌య‌త్నాలు చేస్తున్నాడు. ఇప్ప‌టికే `భైర‌వం` సినిమాతో కంబ్యాక్ అయ్యాడు. ఫ‌లితం సంగ‌తి ప‌క్క‌న బెడితే? మంచు వార‌బ్బాయి మ‌ళ్లీ వ‌చ్చాడు? అన్న ఆనందాన్ని ఇండ‌స్ట్రీకి క‌లిగించాడు. త్వ‌ర‌లో `మిరాయ్` అనే పాన్ ఇండియా సినిమాతో అల‌రించ‌డానికి రెడీ అవుతుతున్నాడు. తేజ స‌జ్జా హీరోగా న‌టించిన చిత్రంలో మనోజ్ విల‌న్ గా న‌టిస్తున్నాడు.
మంచి కంబ్యాక్ చిత్రంగా:
ఇప్ప‌టికే రిలీజ్ అయిన ప్ర‌చార చిత్రాల‌తో సినిమాపై మంచి అంచ‌నాలు ఏర్ప‌డ్డాయి. ప్ర‌త్యేకించి మనోజ్ కూడా మంచి కంబ్యాక్ చిత్రంగా నిలుస్తుంద‌ని ఆశిస్తున్నాడు. ఈ విజ‌యంతో తెలుగు ప్రేక్ష‌కుల్లో మ‌ళ్లీ త‌ల‌లో నాలుక‌లా మారుతాడ‌ని భావిస్తున్నాడు. అలాగే తానే హీరోగా `వాట్ ది ఫిష్` అనే మరో చిత్రం కూడా చేస్తున్నాడు. వాస్త‌వానికి ఈ సినిమా ఇప్ప‌టికే రిలీజ్ అవ్వాలి. కానీ షూటింగ్ డిలే కార‌ణంగా ఇంకా సెట్స్ లోనే ఉంది. ఏదీ ఏమైనా ఏడాది ముగింపుక‌ల్లా ఈ చిత్రాన్ని ప్రేక్ష‌కుల ముందుకు తీసుకొచ్చే అవ‌కాశం ఉంది.
క్యాచీ టైటిల్ తో క్రేజీగా:
ఈ రెండు గాక `డేవిడ్ రెడ్డి`, `ర‌క్ష‌క్` అనే మరో రెండు చిత్రాలు కూడా క‌మిట్ అయిన‌ట్లు తెలుస్తోంది. వీటితో పాటు `అత్త‌రు సాయిబు` అనే మరో చిత్రం కూడా రెడీ అవుతుంద‌ని తాజాగా మనోజ్ తెలిపాడు. `అత్త‌రు సాయిబు` అన్న‌ది క్యాచీ టైటిల్. తెలుగింట ఈ పేరు ఎంతో ఫేమ‌స్. `అత్త‌రు సాయిబు` పాట ఎంత ఫేమ‌స్ అన్న‌ది చెప్పాల్సిన ప‌నిలేదు. ఇప్ప‌టికీ ఆ పాట చాలా చోట్ల మార్మోమ్రోగుతూనే ఉంటుంది. స‌రిగ్గా ఆ ఫేమ‌స్ సాంగ్ నే మనోజ్ త‌న సినిమా టైటిల్ గా ఫిక్స్ చేయ‌డం విశేషం. ఇలాంటి టైటిల్ తో సినిమా జ‌నాల్లోకి సుల‌భంగా వెళ్తుంది.
అభిమానుల ఆకాంక్ష:
మనోజ్ సీరియ‌స్ యాక్షన్ పాత్ర‌లే కాదు మంచి కామెడీ టైమింగ్ ఉన్న న‌టుడు కూడా. ఈ నేప‌థ్యంలో `అత్త‌రు సాయిబు` టైటిల్ తో ఓ హాస్యాస్ప‌ద చిత్రం చేస్తున్న‌ట్లు తెలుస్తోంది. అయితే ఈ ప్రాజెక్ట్ ఇంకా చ‌ర్చ‌ల ద‌శ‌లోనే ఉంది. స్టోరీ లాక్ అయింది. కానీ ఈ చిత్రానికి ద‌ర్శ‌కుడు ఎవ‌రు? త‌దిత‌ర వివ‌రాలు త్వ‌ర‌లో బ‌య‌ట‌కు రానున్నాయి. మొత్తానికి 2025 లో మంచు వార‌సుడు సినిమాల జోరు షురూ చేసిన‌ట్లే.
'రాజు భాయ్' నుంచి 'ఒక్క‌డు మిగిలాడు' వ‌ర‌కూ సినిమాలు చేసుకుంటూ వ‌చ్చాడు. ఆ త‌ర్వాతే మరో రెండు చిత‌రాలు చేసి ఇండ‌స్ట్రీకి దూర‌మయ్యాడు. ఈ నేప‌థ్యంలో కంబ్యాక్ తో మనోజ్ మ‌ళ్లీ బిజీ అవ్వాల‌ని అభిమానులు ఆశీస్తున్నారు.