మహేష్ మూవీ కోసం రాజమౌళి కొత్త వ్యూహం

సూపర్ స్టార్‌ మహేష్ బాబు హీరోగా రాజమౌళి దర్శకత్వంలో రూపొందబోతున్న సినిమా ప్రీ ప్రొడక్షన్‌ వర్క్‌ చకచకా జరుగుతోంది. వచ్చే ఏడాది ఆరంభంలో రెగ్యులర్‌ షూటింగ్ ప్రారంభం అవ్వనుండగా, త్వరలో పూజా కార్యక్రమాలతో సినిమాను షురూ చేయాలని రాజమౌళి భావిస్తున్నాడట. సాధారణంగా రాజమౌళి సినిమాలకు వీఎఫ్‌ఎక్స్ వర్క్ కి ఎక్కువ సమయం పడుతుంది. షూటింగ్‌ పూర్తి అయిన తర్వాత ఆరు నెలల నుంచి సంవత్సరం పాటు కేవలం వీఎఫ్‌ఎక్స్ కే ఎక్కువ సమయం పడుతుంది. అందుకే ఈసారి రాజమౌళి కొత్త వ్యూహంతో ముందుకు వెళ్లాలని నిర్ణయించుకున్నట్లుగా సమాచారం అందుతోంది.

విశ్వసనీయంగా అందుతున్న సమాచారం ప్రకారం మహేష్ బాబు, రాజమౌళి సినిమా షూటింగ్‌ మొదట వీఎఫ్‌ఎక్స్ షాట్స్ ను చిత్రీకరించబోతున్నారట. అందుకు తగ్గట్టుగా రాజమౌళి ప్రీ ప్రొడక్షన్ వర్క్ చేస్తున్నాడు. రాజమౌళి ఈసారి వీఎఫ్‌ఎక్స్ కి ఎక్కువ సమయం కేటాయించాలని భావిస్తున్నాడు. వీఎఫ్‌ఎక్స్‌ వర్క్ వల్ల సినిమా విడుదల ఆలస్యం అవ్వద్దు అనే ఉద్దేశ్యంతో మొదటే వీఎఫ్‌ఎక్స్‌ షాట్స్ ను షూట్ చేయాలని భావిస్తున్నారు. వీఎఫ్‌ఎక్స్‌ షాట్స్ ముందు చిత్రీకరించడం ద్వారా గ్రాఫిక్స్ వర్క్ కి ఎక్కువ సమయం పట్టకపోవచ్చు అనే అభిప్రాయం వ్యక్తం అవుతోంది.

భారీ అడ్వెంచర్‌ డ్రామాగా రూపొందబోతున్న ఈ సినిమాలో మహేష్ బాబు లుక్ చాలా విభిన్నంగా ఉండబోతున్నట్లు సమాచారం అందుతోంది. హాలీవుడ్‌ వీఎఫ్‌ఎక్స్ సంస్థలతో ఒప్పందాలు కుదర్చుకున్న దర్శకుడు రాజమౌళి మొదట వీఎఫ్‌ఎక్స్‌ షాట్స్ ను షూట్‌ చేసి ఇచ్చేస్తే, ఏడాది లోపు ఆ వర్క్ ను సదరు కంపెనీలు పూర్తి చేసి ఇవ్వడం ఖాయం. తద్వారా 2025 లో షూటింగ్‌ మొదలు పెట్టినా, 2026 లో సినిమాను ప్రేక్షకుల ముందుకు తీసుకు వచ్చే అవకాశాలు ఉన్నాయి అంటూ ఇండస్ట్రీ వర్గాల్లో టాక్‌ వినిపిస్తుంది. అన్ని వర్గాల వారిని ఆకట్టునే పీరియాడిక్ డ్రామా కథ ను విజయేంద్ర ప్రసాద్‌ రెడీ చేయడం జరిగిందట.

రాజమౌళి గత చిత్రాలు 'బాహుబలి', 'ఆర్ఆర్‌ఆర్‌' లు బాక్సాఫీస్ వద్ద భారీ విజయాలను సొంతం చేసుకోవడం జరిగింది. కనుక ఈ సినిమా పై పాన్‌ ఇండియా స్థాయిని మించి అంచనాలు ఉన్నాయి. ముఖ్యంగా ఈ సినిమా హాలీవుడ్‌ ప్రేక్షకుల అభిరుచికి తగ్గట్లుగా ఉంటుందనే అభిప్రాయంను వ్యక్తం చేస్తున్నారు. హాలీవుడ్‌ మూవీస్‌ కి ఏమాత్రం తగ్గకుండా దర్శకుడు రాజమౌళి ఈ సినిమాను రూపొందించబోతున్నాడు. కేఎల్‌ నారాయణ నిర్మాణంలో ఈ సినిమా నిర్మాణం జరగబోతుంది. రూ.500 కోట్లకు మించిన బడ్జెట్‌ తో ఈ సినిమాను రూపొందించబోతున్నారు. బాహుబలి 2 కలెక్షన్స్‌ మించి మహేష్ బాబుతో చేయబోతున్న సినిమా వసూళ్లు నమోదు అయ్యే అవకాశాలు ఉన్నాయని ఇండస్ట్రీ వర్గాల టాక్‌.