ఈ గందరగోళం ఎందుకు లోకేష..?

ఖైదీ, విక్రమ్‌, లియో తో పాటు ఇంకా పలు సినిమాలతో తమిళ సినీ ఇండస్ట్రీలోనే కాకుండా పాన్ ఇండియా రేంజ్ లో స్టార్‌ దర్శకుడిగా పేరు దక్కించుకున్న లోకేష్ కనగరాజ్ తదుపరి సినిమా రజినీకాంత్‌ తో అనే విషయం ఇప్పటికే కన్ఫర్మ్‌ అయ్యింది. లియో సినిమా విషయంలో జరిగిన తప్పు పునరావృతం కాకుండా లోకేష్ కనగరాజ్ జాగ్రత్త పడుతున్నాడట.

ఖైదీ మరియు విక్రమ్‌ సినిమాలకు సీక్వెల్స్ చేయాల్సి ఉన్నా కూడా రజినీకాంత్‌ తో లోకేష్ సినిమా మొదలు పెట్టాడు. ఇప్పటికే ప్రీ ప్రొడక్షన్ వర్క్ దాదాపుగా పూర్తి కావచ్చింది. రజినీకాంత్‌ ఇమేజ్ కు తగ్గట్లుగా అద్భుతమైన కథ రెడీ అయ్యిందని ఆయన సన్నిహితుల వద్ద చెప్పుకొచ్చాడు.

రజినీకాంత్‌ తో రూపొందబోతున్న సినిమా టైటిల్‌ తో పాటు మరిన్ని విషయాలను ఏప్రిల్‌ 22న వెళ్లడించబోతున్నట్టు ఆ మధ్య దర్శకుడు లోకేష్ కనగరాజ్ ప్రకటించాడు. ఆ తేదీ కోసం ప్రేక్షకులు మరియు ఫ్యాన్స్ అంతా ఎదురు చూస్తున్న సమయంలో అనూహ్యంగా రేపు అంటే ఏప్రిల్‌ 14న తన సినిమా టైటిల్‌ ను ప్రకటించబోతున్నట్లు పేర్కొన్నాడు.

రజినీకాంత్‌ తో చేయబోతున్న సినిమా టైటిల్‌ ను ఏప్రిల్‌ 22న ప్రకటించబోతున్నట్లుగా చెప్పిన లోకేష్ ఇప్పుడు రేపు టైటిల్‌ ను ప్రకటించబోతున్నట్లుగా చెప్పడంతో ఆయన ఫ్యాన్స్ మరియు మీడియా వర్గాల వారు అంతా కూడా అవాక్కవుతున్నారు.

ఇంతకు రజినీకాంత్‌ సినిమా టైటిల్ నే రేపు ప్రకటించబోతున్నాడా లేదంటే లోకేష తన నిర్మాణంలో రూపొందబోతున్న సినిమాకు సంబంధించిన టైటిల్‌ ను రేపు ప్రకటించబోతున్నాడా అనేది తెలియాల్సి ఉంది. రేపు ఈ విషయమై లోకేష్ నుంచి వచ్చే ప్రకటనతో క్లారిటీ వచ్చే అవకాశాలు ఉన్నాయి.

రజినీకాంత్‌ తో సినిమాను చేయబోతున్న లోకేష్ కనగరాజ్‌ తన శిష్యుడి దర్శకత్వంలో ఒక సినిమాను చేయబోతున్నట్లు ఇటీవలే అధికారికంగా ప్రకటించాడు. కనుక రేపు రాబోతున్న ప్రకటన, టైటిల్‌ ఏ సినిమాది అనేది సస్పెన్స్ గా మారింది. ఈ విషయంలో స్పష్టత లేకపోవడంతో నెటిజన్స్ పలువురు ఇంత గందరగోళం ఎందుకు లోకేష్‌ అన్నట్లుగా కామెంట్స్ చేస్తున్నారు.