ఒంటి చేయితో కనిపించబోతున్న స్టార్‌ హీరో?
| నవల కథ విషయానికి వస్తే.. హీరో ఒక ప్రమాదం లో చేయి పోగొట్టుకుంటాడు. దాంతో అతడు స్టీల్ చేయిని వాడుతూ ఉంటాడు
తమిళ్ స్టార్‌ హీరో సూర్య కొత్త సినిమాకు కమిట్ అయ్యాడనే వార్తలు వస్తున్నాయి. లోకేష్ కనగరాజ్ దర్శకత్వంలో సూర్య హీరోగా ఒక సినిమా రూపొందబోతోంది అంటూ గత కొన్నాళ్లుగా ప్రచారం జరుగుతుంది. అయితే ఆ సినిమా ఏంటి.. ఎప్పుడు ఉంటుంది అనే విషయం లో క్లారిటీ లేదు. కానీ ఇప్పుడు తమిళ సినీ వర్గాల్లో ఆసక్తికర ప్రచారం జరుగుతోంది.
లోకేష్ కనగరాజ్ కెరీర్‌ ఆరంభం లో ది స్టీల్ క్లాని నవల ఆధారంగా ఒక కథ ను రాసుకున్నాడట. ఆ కథ ను అప్పట్లో చాలా మంది నిర్మాతలు రిజక్ట్‌ చేశారు. కొత్త హీరోలు, సీనియర్ హీరోలు ఏ ఒక్కరు కూడా ఆ కథ విషయంలో ఆసక్తి చూపించలేదట. దాంతో ఆ నవల కథ ను దర్శకుడు లోకేష్ కనగరాజ్ ఇన్నాళ్లు పక్కకు పెట్టాడు. మళ్లీ ఇప్పుడు ఆ కథ కు బూజు దులిపి నట్టుగా తెలుస్తోంది.
సూర్య తో ఆ కథ ను చేసేందుకు దర్శకుడు సిద్ధం అయ్యాడు అంటూ వార్తలు వస్తున్నాయి. విశ్వసనీయంగా అందుతున్న సమాచారం ప్రకారం సూర్య ఇప్పటికే కమిట్ అయిన ప్రాజెక్ట్‌ ల ను పూర్తి చేసిన వెంటనే ఈ సినిమాను చేయబోతున్నాడు. ఇక లోకేష్ కనగరాజ్ కూడా చాలా బిజీగా ఉన్నాడు. ఆయన ప్రస్తుతానికి విజయ్ సినిమా పనిలో ఉన్న విషయం తెల్సిందే.
నవల కథ విషయానికి వస్తే.. హీరో ఒక ప్రమాదం లో చేయి పోగొట్టుకుంటాడు. దాంతో అతడు స్టీల్ చేయిని వాడుతూ ఉంటాడు. అతడి జీవితం సాఫీగా సాగిపోతున్న సమయంలో అనూహ్యంగా మరో ప్రమాదానికి గురి అవుతాడు. ఆ ప్రమాదం వల్ల అతీత శక్తులు వస్తాయి. కథలో అప్పటి నుండి మంచి మలుపులు ఉంటాయి.
అతడికి వచ్చిన శక్తులతో శరీరం మొత్తం మాయం అవుతుంది. కానీ అతడికి పోయిన చేయి మాత్రం కనిపిస్తుంది. హీరో తనకు వచ్చిన అతీత శక్తులతో ఏం చేశాడు అనేది సినిమా కథ గా సాగుతుంది. సోషియో ఫాంటసీ నేపథ్యం తో పాటు మంచి స్క్రీన్ ప్లే తో ఈ సినిమాని దర్శకుడు లోకేష్ మలిస్తే సూర్యకు కెరీర్‌ బెస్ట్‌ మూవీ పడే అవకాశం ఉందని తమిళ మీడియా సర్కిల్స్ లో టాక్ వినిపిస్తుంది.