కల్కి : శోభిత తర్వాత కీర్తి సురేష్!
| ప్రభాస్ హీరోగా నాగ్‌ అశ్విన్‌ దర్శకత్వంలో వచ్చిన కల్కి 2898 ఏడీ సినిమా వరల్డ్‌ బాక్సాఫీస్ వద్ద రికార్డుల వర్షం కురిపిస్తూ దూసుకు పోతుంది
ప్రభాస్ హీరోగా నాగ్‌ అశ్విన్‌ దర్శకత్వంలో వచ్చిన కల్కి 2898 ఏడీ సినిమా వరల్డ్‌ బాక్సాఫీస్ వద్ద రికార్డుల వర్షం కురిపిస్తూ దూసుకు పోతుంది. ఓవర్సీస్ తో పాటు నైజాం ఇంకా పలు ఏరియాల్లో ఈ సినిమా ఇప్పటికే బ్రేక్ ఈవెన్‌ సాధించినట్లు వార్తలు వస్తున్నాయి.
మైథాలజీ సైన్స్ ఫిక్షన్‌ మూవీ కల్కి ని భారీ స్టార్‌ కాస్టింగ్‌ తో దర్శకుడు నాగ్‌ అశ్విన్‌ నింపిన విషయం తెల్సిందే. ప్రభాస్ తో పాటు అమితాబచ్చన్‌, దీపికా పదుకునే, దిశా పటానీ, కమల్ హాసన్‌, విజయ్‌ దేవరకొండ, రామ్‌ గోపాల్‌ వర్మ, రాజమౌళి ఇంకా ఎంతో మంది ప్రముఖులు కూడా కల్కి సినిమాతో భాగస్వామ్యం అయ్యారు.
ఇంతటి భారీ చిత్రం లో పార్ట్‌ అయినందుకు వారు అంతా కూడా చాలా సంతోషంగా ఉన్నారు. కల్కి లో కనిపించకుండా కేవలం వినిపించిన ముద్దుగుమ్మలు శోభిత దూళ్లిపాళ మరియు కీర్తి సురేష్ లు కూడా సినిమా విజయం పట్ల సంతోషం వ్యక్తం చేస్తూ, ఈ సినిమాలో భాగం అయినందుకు గర్వంగా ఉందంటున్నారు.
దీపికా పదుకునే కి డబ్బింగ్‌ చెప్పిన హీరోయిన్ శోభిత ఇటీవలే సోషల్ మీడియా ద్వారా దర్శకుడు నాగ్‌ అశ్విన్‌ కి కృతజ్ఞతలు తెలియజేసిన విషయం తెల్సిందే. తనకు ఈ భారీ ప్రాజెక్ట్‌ లో ఛాన్స్ ఇచ్చినందుకు కృతజ్ఞతలు అంటూ ఆమె సోషల్ మీడియా ద్వారా పోస్ట్‌ పెట్టింది.
ఇక సినిమా విడుదలకు ముందు తెగ హడావిడి చేసిన బుజ్జి కారుకు కీర్తి సురేష్ తో డబ్బింగ్‌ చెప్పించారు. తాజాగా సోషల్ మీడియాలో ఆమె డబ్బింగ్‌ బాగుందని, బాగా సెట్‌ అయ్యింది అంటూ కొందరు కామెంట్స్ చేస్తున్నారు. అందుకు సమాధానంగా కీర్తి సురేష్ స్పందిస్తూ దర్శకుడు నాగ్‌ అశ్విన్‌ కి కృతజ్ఞతలు తెలియజేసింది. ఇలాంటి ప్రాజెక్ట్‌ లో పార్ట్‌ అవ్వడం గర్వంగా ఉందని చెప్పుకొచ్చింది.