కీర్తి సురేష్ కొత్త మూవీ రిలీజ్ డేట్ ఫిక్స్.. ఈ చిత్రమైనా బాలీవుడ్ లో పునాది వేస్తుందా?

టాలీవుడ్ మహానటి కీర్తి సురేష్ ప్రస్తుతం తన కెరీర్‌లో అత్యంత కీలకమైన దశలో ఉంది. వరుస పరాజయాలు పలకరిస్తున్న వేళ, ఈ మలయాళ ముద్దుగుమ్మ బాలీవుడ్‌పై భారీ ఆశలు పెట్టుకుంది. రాజ్‌కుమార్ రావు హీరోగా నటిస్తున్న 'రఫ్తార్' మూవీతో హిందీలో తన అదృష్టాన్ని పరీక్షించుకోబోతోంది. జూలై 24న ఈ చిత్రం ప్రపంచవ్యాప్తంగా విడుదల కానుంది. మరి ఈ సినిమాతోనైనా కీర్తి మళ్లీ సక్సెస్ ట్రాక్ ఎక్కుతుందా? బాలీవుడ్‌లో గట్టి పునాది వేసుకుంటుందా? అన్నది ఇప్పుడు ఇండస్ట్రీలో ఆసక్తికర చర్చగా మారింది. ఆ వివరాలు చూద్దాం..

బాలీవుడ్‌పైనే కీర్తి సురేష్ ఆశలు:

దక్షిణాదిలో ఒకప్పుడు స్టార్ హీరోయిన్‌గా వెలిగిన కీర్తి సురేష్‌కు ఈ మధ్య కాలం అస్సలు కలిసి రావడం లేదు. గత ఏడాది వచ్చిన 'ఉప్పు కప్పురంబు', 'రివాల్వర్ రీటా' వంటి సినిమాలు బాక్సాఫీస్ వద్ద చేదు అనుభవాన్నే మిగిల్చాయి. దీంతో కీర్తి తన ఫోకస్‌ను బాలీవుడ్ వైపు మళ్లించింది. ఇప్పటికే 'బేబీ జాన్' సినిమాతో హిందీ ఎంట్రీ ఇచ్చినప్పటికీ, అది ఆశించిన ఫలితాన్ని ఇవ్వలేదు. ఇప్పుడు రాజ్‌కుమార్ రావు సరసన చేస్తున్న 'రఫ్తార్' ఆమెకు రెండో బాలీవుడ్ ప్రాజెక్ట్.ఇక ఈ సినిమా ఫలితం ఆమె హిందీ కెరీర్‌ను డిసైడ్ చేయనుంది.

జూలై 24న 'రఫ్తార్' సందడి:

తాజా సమాచారం ప్రకారం 'రఫ్తార్' సినిమాను జూలై 24న థియేటర్లలోకి తీసుకురావడానికి మేకర్స్ ప్లాన్ చేస్తున్నారు. ఈ సినిమాలో రాజ్‌కుమార్ రావు లాంటి టాలెంటెడ్ నటుడు ఉండటం కీర్తికి ఒక ప్లస్ పాయింట్ అని చెప్పాలి. అయితే, రాజ్‌కుమార్ రావు విమర్శకుల ప్రశంసలు అందుకునే చిత్రాలు చేస్తారు కానీ, కమర్షియల్ మాస్ హీరో కాదనే అభిప్రాయం ట్రేడ్ వర్గాల్లో ఉంది. అందుకే ఈ సినిమా ప్రమోషన్స్ గట్టిగా ఉంటే తప్ప బాలీవుడ్ ఆడియన్స్‌ను థియేటర్లకు రప్పించడం కష్టమనే టాక్ వినిపిస్తోంది.

నెటిజన్ల కామెంట్స్.. కీర్తి నిర్ణయాలు:

మరోవైపు సోషల్ మీడియాలో కీర్తి సురేష్ కెరీర్ గురించి రకరకాల చర్చలు నడుస్తున్నాయి. సౌత్‌లో అవకాశాలు తగ్గడం వల్లే ఆమె బాలీవుడ్‌కు వెళ్లిందని కొందరు నెటిజన్లు కామెంట్స్ చేస్తున్నారు. పైగా 'రఫ్తార్' సినిమా విడుదల దగ్గరపడుతున్నా, ఇప్పటివరకు పెద్దగా బజ్ లేకపోవడం గమనార్హం. ఇక ప్రస్తుతం కీర్తి సురేష్ గణేష్ రాజ్ దర్శకత్వంలో 'కన్నివేడి' మరియు మిస్కిన్‌తో ఒక సినిమా చేస్తోంది. కానీ ఆమె ఎంచుకుంటున్న కథలు అంత ప్రామిసింగ్‌గా లేవని, ఇకనైనా కీర్తి సెలెక్టివ్‌గా ఉండాలని విశ్లేషకులు సూచిస్తున్నారు.

కమ్ బ్యాక్ ఇస్తుందా?:

ఇక ప్రస్తుతానికి కీర్తి సురేష్ కెరీర్ ఒడిదుడుకుల్లో ఉన్న మాట వాస్తవం. ఒకప్పుడు గ్లామర్ మరియు పర్ఫార్మెన్స్‌తో అలరించిన ఈ భామకు ఇప్పుడు ఒక సాలిడ్ హిట్ అవసరం. జూలైలో రాబోతున్న 'రఫ్తార్' ఒకవేళ సర్ప్రైజ్ హిట్ అయితే మాత్రం కీర్తి మళ్ళీ ఫామ్ లోకి రావడం ఖాయం. ఏదేమైనా తన నటనతో కోట్లాది మంది అభిమానులను సంపాదించుకున్న కీర్తి సురేష్, ఈ బాలీవుడ్ చిత్రంతోనైనా గ్రాండ్ కమ్ బ్యాక్ ఇవ్వాలని కోరుకుందాం.