• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  Entertainment >  1000కోట్ల డీల్.. క‌ర‌ణ్...

1000కోట్ల డీల్.. క‌ర‌ణ్ ధ‌ర్మ ప్రొడ‌క్ష‌న్స్‌లో స‌గం కొనేశాడు?

| ఆ మేర‌కు గత కొంత‌కాలంగా ధ‌ర్మ ప్రొడ‌క్ష‌న్స్ డీల్ గురించి ర‌క‌ర‌కాల క‌థ‌నాలు వైర‌ల్ అవుతున్నాయి.

By - Tupaki Desk
Update: 2024-10-21 16:30 GMT

బాలీవుడ్ లో నాలుగు ద‌శాబ్ధాల మ‌నుగ‌డ‌తో ఎన్నో క్లాసిక్ హిట్స్ అందించిన నిర్మాణ సంస్థ ధ‌ర్మ ప్రొడ‌క్ష‌న్స్. క‌ర‌ణ్ జోహార్ దీని అధినేత‌. ప‌రిశ్ర‌మ అగ్ర హీరోల‌తో కుటుంబ క‌థా చిత్రాల‌ను తెర‌కెక్కించి బ్లాక్ బ‌స్ట‌ర్లు అందుకున్న ధ‌ర్మాధినేత కొంత‌కాలంగా తీవ్ర న‌ష్టాల‌ను చ‌వి చూస్తున్నాడు. ఓవైపు రివ్యూ రైట‌ర్లు సినిమాని చంపేస్తున్నార‌ని ఆవేద‌న చెందిన వారిలో క‌ర‌ణ్ ప్ర‌థ‌ముడిగా ఉన్నాడు. ఓటీటీ, డిజిట‌ల్ మీడియా విస్త్ర‌తి, మారిన పారితోషికాల పైనా క‌ర‌ణ్ ఇటీవ‌ల విశ్లేషించారు. ప్ర‌స్తుతం మారిన ట్రెండ్ లో సినిమాలు తీయ‌డం క‌ష్టంగా మారింద‌ని గ్ర‌హించిన క‌ర‌ణ్ జోహార్ ఇప్పుడు త‌న నిర్మాణ సంస్థ ధ‌ర్మ ప్రొడ‌క్ష‌న్స్ ని అమ్మ‌కానికి పెట్టారు. ఆ మేర‌కు గత కొంత‌కాలంగా ధ‌ర్మ ప్రొడ‌క్ష‌న్స్ డీల్ గురించి ర‌క‌ర‌కాల క‌థ‌నాలు వైర‌ల్ అవుతున్నాయి.

ఇంత‌కుముందు ధ‌ర్మ ప్రొడ‌క్ష‌న్స్ లో మెజారిటీ వాటాను సారేగామ మ్యూజిక్ లేబుల్ సంస్థ కొనుగోలు చేస్తోంద‌ని, డీల్ గురించి మాటా మంతీ సాగుతున్నాయ‌ని క‌థ‌నాలొచ్చాయి. కానీ ఇది నిజం కాద‌ని తెలుస్తోంది. తాజాగా అందిన స‌మాచారం మేర‌కు పారిశ్రామిక వేత్త, సీరమ్ ఇనిస్టిట్యూట్ ఆఫ్ ఇండియా సీఈవో అదార్ పూనావల్ల ధ‌ర్మ ప్రొడ‌క్ష‌న్స్ లో స‌గం వాటాను ఛేజిక్కించుకున్నార‌ని క‌థ‌నాలొస్తున్నాయి. అదార్ పూనావల్ల నేతృత్వంలోని సెరీన్ ప్రొడక్షన్స్.... క‌ర‌ణ్ కి చెందిన‌ ధర్మా ప్రొడక్షన్స్ అండ్ ధర్మాటిక్ ఎంటర్‌టైన్‌మెంట్‌లో పెట్టుబడి పెట్టడానికి ఒప్పందం కుదుర్చుకుందని, క‌ర‌ణ్‌కి చెందిన నిర్మాణ‌ సంస్థ దాదాపు రూ. 2,000 కోట్ల (సుమారు $240 మిలియన్లు) విలువ చేసే ఒప్పందం కోసం పూనావ‌ల్ల‌తో చ‌ర్చించిందని క‌థ‌నాలొస్తున్నాయి. సెరీన్ దాదాపు రూ. 1,000 కోట్లకు ధర్మా ప్రొడ‌క్ష‌న్స్‌లోని 50శాతం వాటాను కైవసం చేసుకుంటుందని, మిగిలిన సగాన్ని క‌ర‌ణ్‌ జోహార్ తన వద్దే ఉంచుకుంటాడని తాజాగా పత్రికా ప్రకటనలో వెల్ల‌డించారు.

ప్రపంచంలోనే అతిపెద్ద వ్యాక్సిన్ తయారీదారు అయిన సీరమ్ ఇన్‌స్టిట్యూట్ ఆఫ్ ఇండియాకు పూనావల్లా CEO.

క‌ర‌ణ్ జోహార్ ఎగ్జిక్యూటివ్ ఛైర్మన్‌గా కంపెనీ సృజనాత్మక అంశాల‌కు నాయకత్వం వహిస్తుండగా, చీఫ్ ఎగ్జిక్యూటివ్ ఆఫీసర్ అపూర్వ మెహతా వ్యూహాత్మక డీల్ ను ముందుకు నడిపించడంలో, పర్యవేక్షించడంలో స‌హ‌క‌రిస్తున్నారు. ``ద‌శాబ్ధాలుగా ధ‌ర్మ ప్రొడ‌క్ష‌న్స్ కంటెంట్ పవర్‌హౌస్‌గా రూపాంతరం చెందడాన్ని మేం చూశాం. ఈ భాగస్వామ్యం భారతీయ వినోద పర్యావరణ వ్యవస్థను ఉద్ధరిస్తూ కంటెంట్ సృష్టి , పంపిణీలో కొత్త మార్గాలను అన్వేషించడానికి మాకు వీలు కల్పిస్తుంది`` అని అపూర్వ‌ మెహతా చెప్పారు.

ధర్మ ప్రొడక్షన్స్‌ను కరణ్ తండ్రి యష్ జోహార్ 1976లో స్థాపించారు. ఇది నాలుగు దశాబ్దాలుగా అనేక వాణిజ్యపరంగా విజయవంతమైన చిత్రాలను నిర్మించి బాలీవుడ్ ప్రముఖ నిర్మాణ సంస్థల్లో ఒకటిగా ఎదిగింది. ధర్మాటిక్ ఎంటర్‌టైన్‌మెంట్ అనేది ధర్మ ప్రొడక్షన్స్ కి చెందిన డిజిటల్ కంటెంట్ విభాగం. ఇది గ్లోబల్ స్ట్రీమింగ్ ప్లాట్‌ఫారమ్‌ల కోసం ఒరిజిన‌ల్ కంటెంట్‌ను రూపొందించడానికి స్థాపించిన‌ది. 2018లో ప్రారంభించిన ధర్మాటిక్ సంస్థ‌ డిజిటల్ ప్రేక్షకుల కోసం రూపొందించిన వెబ్ సిరీస్‌లు, డాక్యుమెంటరీలు, ఫీచర్ ఫిల్మ్‌లను అభివృద్ధి చేయడం, అలాగే నిర్మించడంపై దృష్టి పెడుతుంది.

అయితే సీర‌మ్ తో ధ‌ర్మ డీల్‌.. పోటీ బిడ్డర్‌లలో ఉన్న సారెగామా వంటి సంగీత సంస్థలకు, కొంతవరకు జీ ఎంటర్‌టైన్‌మెంట్‌కు ప్రతికూలంగా ఉండవచ్చు. అయితే కోవిడ్ వ్యాప్తి, స్ట్రీమింగ్ ప్లాట్‌ఫారమ్‌ల ఆవిర్భావం, వరుస ఫ్లాప్‌ల కారణంగా గత ఐదేళ్లలో వెనుకంజ‌లో ఉన్న‌ హిందీ సినీ పరిశ్రమ కార్పొరేటీకరణకు ఇది మంచిదని ఆయన అన్నారు. పరిశ్రమ బలహీనమైన చేతుల నుండి ఆర్థికంగా చాలా బలమైన కంపెనీలకు మారుతోంది. FY24 ధర్మా ప్రొడ‌క్ష‌న్స్ కి చాలా కష్టంగా మారింది. ఆదాయం గణనీయంగా పడిపోయే అవకాశం ఉంద‌ని ప్ర‌ముఖ విశ్లేష‌కులు తెలిపారు. రైన్ గ్రూప్ ధర్మ ప్రొడక్షన్స్‌కు ప్రత్యేక ఆర్థిక సలహాదారుగా పనిచేసింది. AZB & భాగస్వాములు దాని న్యాయ సలహాదారుగా పనిచేశారు. JSA సెరీన్ ప్రొడక్షన్స్‌కు న్యాయ సలహాదారుగా పనిచేసింది.

Tags:    
  • Bollywood 
  • Filmindustry 
  • Dharmaproductions 
  • Sale 
  • Karanjohar 
  • AdarPoonawalla'sSereneProductions 
  • Poonawalla 
  • SerumInstituteofIndia 

Similar News

యంగ్ హీరోలతో సుకుమార్.. లిస్టు పెరుగుతూనే ఉందిగా..

2026-11-19 22:30 GMT

'మనం' లాంటి కొత్త స్క్రిప్టు.. అంచ‌నాలు పెంచేసాడే!

2026-11-19 21:13 GMT

ర‌ష్మిక స్పీచ్ స‌రే.. ఆ మెడ‌లో కేజీ బంగారు క‌డియంపైనే క‌న్ను!

2026-11-19 21:12 GMT

ఆ హీరోని సొంత కొడుకులా చూసుకున్న సూర్య..!

2026-11-19 21:10 GMT

సాయి పల్లవి వేసుకునే రుద్రాక్ష మాల వెనుక ఇంత కథ ఉందా?

2026-11-19 21:10 GMT

కూతురి పెళ్లి జీవితంపై వివాదం.. మౌనం వీడిన అర్జున్ సర్జా.. సంచలన నిర్ణయం!

2026-11-19 21:10 GMT

ఇద్దరు కొడుకుల ముందు మనసులో మాట చెప్పిన ధనుష్..!

2026-11-19 21:09 GMT

రాజమౌళికి లేని రికార్డ్.. రామాయణ డైరెక్టర్ ఖాతాలో!

2026-11-19 21:08 GMT

నా చిన్న కూతుర్ని కూడా వదలరా? ట్రోలర్స్‌పై రేణు దేశాయ్ ఫైరింగ్!

2026-11-19 21:08 GMT

షారుక్ కుమారుడిలో నిగ‌ర్విని చూసిన స్టార్ డైరెక్ట‌ర్!

2026-11-19 21:07 GMT

చూడ‌ముచ్చ‌టైన జంట‌కు దిష్ఠి త‌గులుతుందేమో!

2026-11-19 21:07 GMT

ఈ కుర్రాడు విజయ్ సేతుపతి రూట్లో వెళతాడా..

2026-11-19 21:06 GMT

Copyright @2026

Powered by Blink CMS