బంగారం స్మగ్లింలో రన్యా తండ్రి సాయం? కానిస్టేబుల్ సాక్ష్యం!
విచారణ సమయంలో బసవరాజ్ బంగారం స్మగ్లింగ్లో తనకు ఎలాంటి ప్రమేయం లేదని లేదా దాని గురించి తనకు తెలియదని అన్నారు.;
కన్నడ నటి రన్యారావు బంగారం స్మగ్లింగ్ కేసులో అరెస్ట్ అయిన సంగతి తెలిసిందే. బెంగళూరు అంతర్జాతీయ విమానాశ్రయంలో డిఆర్ఐ అధికారులు రన్యారావును రెడ్ హ్యాండెడ్ గా బంగారం కడ్డీలతో పట్టుకుని అరెస్ట్ చేసారు.
దుబాయ్ నుంచి బంగారం అక్రమ రవాణాకు సహాయం చేసిన ప్రోటోకాల్ అధికారి, నటి రన్యా సవతి తండ్రి అయిన కర్ణాటక డిజిపి రామచంద్రరావు బెంగళూరులోని కెంపెగౌడ అంతర్జాతీయ విమానాశ్రయంలో తనకు సహాయం అందించమని ప్రత్యేకంగా ఆదేశించారని పేర్కొన్నారు.
కెంపెగౌడ విమానాశ్రయ పోలీస్ స్టేషన్లో ఉన్న కానిస్టేబుల్ బసవరాజ్ డిజిపి రామచంద్రరావు ప్రత్యక్ష ఆదేశాలను పాటిస్తున్నట్లు వెల్లడించారు. సీనియర్ అధికారుల సూచనల ఆధారంగా రన్యా రావు రాకపోకలు సజావుగా జరిగేలా చూసుకోవడం అతని విధుల్లో ఒకటి. బసవరాజ్ వెల్లడించిన వివరాల్లో షాకింగ్ విషయాలున్నాయి. అతడి వివరాల ప్రకారం,.. ఆమె అరెస్టు అయిన రోజు సాయంత్రం 6.20 గంటలకు రన్యా రావు నుండి అతనికి కాల్ వచ్చింది. ఆమె దుబాయ్ నుండి వచ్చినట్లు కానిస్టేబుల్కి తెలియజేసింది. ప్రోటోకాల్ సహాయం కోరింది.
డైరెక్టరేట్ ఆఫ్ రెవెన్యూ ఇంటెలిజెన్స్ (డిఆర్.ఐ) అధికారులు ఆమెను పట్టుకునే ముందు.. రన్యా విమానాశ్రయం నుండి బయలుదేరినప్పుడు బసవరాజ్ అక్కడే ఉన్నాడు. మార్చి 4న రన్యా రావు అరెస్టు తర్వాత సమన్లు జారీ చేసిన డిఆర్ఐ అధికారులు బసవరాజ్ను విచారించారు. కోర్టుకు సమర్పించిన రిమాండ్ దరఖాస్తులో అతని వాంగ్మూలాన్ని చేర్చారు. విచారణ సమయంలో బసవరాజ్ బంగారం స్మగ్లింగ్లో తనకు ఎలాంటి ప్రమేయం లేదని లేదా దాని గురించి తనకు తెలియదని అన్నారు. రన్యా రావుతో తనకున్న సంబంధాలు తన ఉన్నతాధికారులు కేటాయించిన ప్రోటోకాల్ విధులకే పరిమితం అని ఆయన చెప్పారు.
గత కొన్ని సంవత్సరాలుగా రన్యా రావును తెలుసని కానిస్టేబుల్ అంగీకరించాడు, వారి పరిచయం పూర్తిగా వృత్తిపరమైనదని, విమానాశ్రయంలో అతని పాత్ర నుండి ఉద్భవించిందని వివరించాడు. తాను ఆమెకు దాదాపు మూడు నుండి నాలుగు సార్లు ప్రోటోకాల్ సహాయం అందించానని, కానీ ఖచ్చితమైన తేదీలు మరియు సమయాలు గుర్తులేవని ఆయన పేర్కొన్నారు. బసవరాజ్ సమక్షంలో విమానాశ్రయంలో డిఆర్ఐ అధికారులు బంగారు కడ్డీలను స్వాధీనం చేసుకున్నారు.. అయినా కానీ, రన్యా రావు అక్రమ రవాణా కార్యకలాపాల గురించి తనకు తెలియదని ..ఈ కేసుతో తనకు ఎటువంటి సంబంధం లేదని ఆయన వాదించారు.