జూన్ లో జాత‌ర మ‌ళ్లీ కలిసొచ్చేనా!
| ఇందులో క‌మ‌ల్ యాస్కిన్ విల‌న్ పాత్ర పోషించిన సంగ‌తి తెలిసింద.
విశ్వ న‌టుడు క‌మ‌ల్ హాస‌న్ 'విశ్వ‌రూపం2' త‌ర్వాత నాలుగేళ్లు గ్యాప్ తీసుకుని 'విక్ర‌మ్' సినిమా చేసిన సంగ‌తి తెలిసిందే. 'ల‌క్ర‌మ్' బాక్సాఫీస్ వ‌ద్ద మంచి విజ‌యం సాధించింది. లొక‌ష్ సినిమాటిక్ యూనివ‌ర్శ్ లో భాగంగా చేసిన చిత్ర‌మిది. ఈ సినిమా 2022 జూన్ లో రిలీజ్ అయింది. ఈ సినిమా త‌ర్వాత మ‌ళ్లీ కొత్త సినిమా రిలీజ్ చేయ‌డానికి మ‌రో రెండేళ్లు ప‌ట్టింది. అదే ' క‌ల్కి 2898'. ఇందులో క‌మ‌ల్ యాస్కిన్ విల‌న్ పాత్ర పోషించిన సంగ‌తి తెలిసింద. ఈ సినిమా కూడా జూన్ లోనే రిలీజ్ అయింది.
అలా క‌మ‌ల్ న‌టించిన రెండు చిత్రాలు జూన్ లో రిలీజ్ అవ్వ‌డం...అవి పాన్ ఇండియాలో పెద్ద విజ‌యం సాధించ‌డం అన్న‌ది విశేషం. ఆ త‌ర్వాత రిలీజ్ అయిన 'ఇండియ‌న్ 2' మాత్రం ఆశించిన ఫ‌లితాలు సాధించ‌లేదు. సినిమాలో విష‌యం లేక‌పోవ‌డంతో బాక్సాఫీస్ వ‌ద్ద తేలిపోయింది. అయితే ఈ సినిమా జూన్ కి బ‌ధులు జులైలో రిలీజ్ అయింది. దీంతో క‌మ‌ల్ న‌టిస్తోన్న‌తాజా చిత్రం 'థ‌గ్ లైఫ్' రిలీజ్ విష‌యంలో మ‌ళ్లీ జూన్ సెంటిమెంట్ వ‌ర్కౌట్ చేస్తున్నారు.
ఈ చిత్రాన్ని జూన్ 5న రిలీజ్ చేస్తున్న‌ట్లు ప్ర‌క‌టించిన సంగ‌తి తెలిసిందే. ఈ సినిమా షూటింగ్ పూర్త‌యి నెల‌లు గ‌డుస్తోంది. అప్ప‌టి నుంచి పోస్ట్ ప్రొడ‌క్ష‌న్ ప‌నుల్లోనే ఉందీ చిత్రం. మే క‌ల్లా అన్ని ప‌నులు పూర్తి చేసి జూన్ లో రిలీజ్ కి పెట్టుకున్న‌ట్లు తెలుస్తుంది. స‌క్సెస్ కోణంలో ఆ నెల క‌లిసి రావ‌డం కూడా జూన్ రిలీజ్ కి మ‌రో కార‌ణం కావొచ్చు. అలాగే 'ఇండియ‌న్ 3' షూటింగ్ కూడా పూర్త‌యింది.
ప్ర‌స్తుతం పోస్ట్ ప్రొడ‌క్ష‌న్ ప‌నులు జ‌రుగుతున్నాయి. మ‌రి ఈ సినిమా రిలీజ్ ఎప్పుడు ? అన్న‌ది తేలాలి. వాస్త‌వానికి ఈ చిత్రాన్ని ఇప్ప‌టికే రిలీజ్ చేయాలి. కానీ శంక‌ర్ వైఫ‌ల్యాలు..'ఇండియ‌న్ 2' ఫెయిల వ్వ‌డంతో? అవ‌స‌రం మేర రీ షూట్ కూడా చేసారు. ఈ నేప‌థ్యంలో రిలీజ్ డిలే అవుతుంది. అలాగే ఈ సినిమా ఓటీటీలో రిలీజ్ అవుతుంద‌నే ప్ర‌చారం జ‌రుగుతోంది.