ఇలియానా.. మళ్లీ బేబీ బంప్ బంధం

కేరాఫ్ గోవా అందాల తారగా గుర్తింపు పొందిన నటి ఇలియానా తన రెండవ గర్భాన్ని ప్రకటించి అభిమానులను సంతోషంలో ముంచెత్తింది. ఇప్పటికే తల్లి అయిన ఇలియానా... మళ్లీ తల్లితనాన్ని ఆస్వాదించేందుకు సిద్ధమవుతోంది. గత కొన్ని నెలలుగా వ్యక్తిగత జీవితాన్ని ఎంతో ఆనందంగా గడుపుతున్న ఈ భామ, తాజాగా తన ప్రెగ్నెన్సీకి సంబంధించిన ఓ ప్రత్యేకమైన ఫోటోను సామాజిక మాధ్యమాల్లో పంచుకుంది.

బుధవారం రాత్రి తన ఇన్‌స్టాగ్రామ్ ఖాతాలో ఓ బ్లాక్ అండ్ వైట్ ఫోటోను షేర్ చేసిన ఇలియానా... తానే కాకుండా మరో గర్భిణీ స్నేహితురాలితో కలిసి నిల్చొని, ఒకరిని ఒకరు చిరునవ్వులతో చూస్తూ ఉన్న ఫోటోను పోస్ట్ చేసింది. ఇద్దరిలోనూ బిడ్డలు పెరుగుతున్నట్టుగా కడుపు స్పష్టంగా కనిపిస్తోంది. చేతులను నడుములపై ఉంచుకుని వారు తీసుకున్న ఫోజు ఎంతో ముచ్చటగా ఉంది. “బంప్ బడ్డీస్” అనే క్యాప్షన్‌తో ఇలియానా పెట్టిన ఈ ఫోటో, నెటిజన్ల మనసుల్ని తాకింది.

ఇలియానా జనవరిలోనే తాను మళ్లీ తల్లి కాబోతున్న సూచన ఇచ్చింది. ఆ సమయంలో నూతన సంవత్సర శుభాకాంక్షలతో పాటు తన మద్య రాత్రి ఆకలికి తీసుకున్న ఉపాహారం, పానీయాలను చూపిస్తూ... “ఒకవేళ గర్భవతినైతే ఇలానే ఉంటుందేమో” అన్న విధంగా వ్యాఖ్యానించింది. ఆ తర్వాత ఫిబ్రవరిలో అదే విషయాన్ని స్పష్టంగా ప్రకటిస్తూ... తాను మళ్లీ తల్లితనాన్ని ఆనందంగా స్వీకరిస్తున్నట్టు తెలియజేసింది.

గతంలో 2023లో మైకేల్ డోలన్ అనే యువకుడితో ఆమె వివాహం జరిపింది. ఆ సంవత్సరమే ఏప్రిల్‌లో తాను తొలిసారి తల్లి కాబోతున్నట్టు ప్రకటించి, ఆగస్టులో తన కుమారుడి పుట్టిన విషయాన్ని పంచుకుంది. “నా హృదయం ఉప్పొంగిపోతోంది” అంటూ తల్లిగా మొదటి అనుభూతిని వ్యక్తం చేసింది. ఇప్పుడు రెండవసారి కూడా అదే భావోద్వేగాన్ని మరోసారి జీవించబోతున్నది.

ఇలియానా సినీ జీవితాన్ని చూస్తే... తెలుగు ప్రేక్షకులకు దేవదాసు, పోకిరి, జల్సా, కిక్, జులాయి వంటి విజయవంతమైన చిత్రాల్లో కనిపించింది. తమిళంలో నన్బన్‌లో నటించగా... ముంబై పరిశ్రమలో బర్ఫీ చిత్రంతో అడుగుపెట్టి మెయిన్ తేరో హీరో, రుస్తం, రైడ్ వంటి విజయాల్ని అందుకుంది. ఇటీవల డో ఔర్ డో ప్యార్ అనే చిత్రంలో కూడా నటించింది. ప్రస్తుతం సినిమాలకంటే కుటుంబానికే ప్రాధాన్యత ఇస్తూ జీవితం సాగిస్తున్న ఇలియానా, రెండవసారి తల్లి అవుతుండటంతో అభిమానుల నుంచి శుభాకాంక్షలు వెల్లువెత్తుతున్నాయి. ఇక ఆమె కెరీర్ విషయంలో నెక్స్ట్ ఎలా ఆలోచిస్తుందో చూడాలి.