గుంటూరు కారం మెలోడీ.. రెండింటిలో ఏదో ఒకటి

టాలీవుడ్ సూపర్ స్టార్ మహేష్ బాబు గుంటూరు కారం సినిమా ఫస్ట్ సాంగ్ ఎప్పుడు వస్తుందో అని ఫ్యాన్స్ ఎంతో ఆసక్తిగా ఎదురు చూస్తున్నారు. ఈ సాంగ్ అప్డేట్ విషయంలో ఎంత ఆసక్తిగా ఉన్నారో అంతే టెన్షన్ తో కూడా ఉన్నారు అని చెప్పాలి. ఎందుకంటే ఇటీవల కాలంలో మ్యూజిక్ డైరెక్టర్ థమన్ ఇచ్చినా ట్యూన్స్ అంతగా క్లిక్ కావడం లేదు. బ్యాక్ గ్రౌండ్ స్కోర్ విషయంలో కూడా అతను కిక్ ఇవ్వడం లేదు అని రొటీన్ గానే కొడుతున్నాడు అనే విధంగా కామెంట్స్ కూడా వస్తున్నాయి.

దీంతో ఇప్పుడు త్రివిక్రమ్ కాంబినేషన్లో మహేష్ బాబు కోసం అతను ఎలాంటి ట్యూన్ రెడీ చేశాడు అనేది ఆసక్తిగా మారింది. త్రివిక్రమైతే మంచి ట్యూన్స్ ఇచ్చేవరకు అసలు వదిలి పెట్టడు. అల.. వైకుంఠపురములో.., అరవింద సమేత సినిమాలకు తమన్ ఇచ్చిన మ్యూజిక్ బాగానే వర్కౌట్ అయింది. కాబట్టి ఈ సినిమాకు కూడా థమన్ చేత మాటల మాంత్రికుడు మంచి మాటలు సిద్ధం చేయిస్తాడు అని ఓ వర్గం ఫ్యాన్స్ నమ్ముతున్నారు.

ఇక ఈ మొదటి సాంగ్ ఎలా ఉంటుంది ఎప్పుడు వస్తుంది అనే విషయంలో ఇప్పటికే కొన్ని లీక్స్ వచ్చాయి. నిర్మాత నాగవంశి అయితే ఈ సినిమా ఫస్ట్ సాంగ్ దసరా కంటే ముందే ఉంటుంది అని ఇటీవల క్లారిటీ ఇచ్చిన విషయం తెలిసిందే. అయితే ఇన్ సైడ్ టాక్ ప్రకారం మొదటి పాట మెలోడీగా ఉండబోతుందట.

ఇక ఆ పాటను అనురాగ్ కులకర్ణి పాడినట్లుగా తెలుస్తోంది. అయితే రెండు వెర్షన్లలో పాటలను రచించినట్లు సమాచారం. ఒకరు రామ జోగయ్య శాస్త్రి, మరొకరు కాసర్ల శ్యామ్ ఇద్దరితో కూడా రెండు వర్షన్స్ రాయించగా అనురాగ్ కులకర్ణి ఆ రెండిటిని పాడినట్లుగా తెలుస్తోంది. ఇక ఏది బాగుంటే దాన్ని ఫైనల్ చేసి త్వరలోనే అప్డేట్ ఇవ్వాలని అనుకుంటున్నారు.

దసరా కంటే ముందే పాట ఆడియన్స్ ముందుకు వచ్చే అవకాశం ఉంది. ఇక ఈ సినిమాను 2024 సంక్రాంతికి విడుదల చేయాలని అనుకుంటున్న విషయం తెలిసిందే. వాయిదా పడే అవకాశం ఉంది అని ఆ మధ్య టాక్ వినిపించినప్పటికీ అందులో ఎలాంటి నిజం లేదు అని నిర్మాతలు క్లారిటీ ఇచ్చేశారు.