ఫ్యామిలీ స్టార్​​.. ఓ పవర్ఫుల్ మగాడు

స్టార్ హీరో ది విజయ్ దేవరకొండ నటిస్తున్న కొత్త సినిమా అప్డేట్ వచ్చేసింది. ఫ్యామిలీ స్టార్ టైటిల్​ను ఫిక్స్​ చేసి గ్లింప్స్​ వీడియోతో అఫీషియల్​ అనౌన్స్​మెంట్​ చేశారు మేకర్స్. దర్శకుడు పరశురామ్ పెట్ల తెరకెక్కిస్తున్న చిత్రమిది. ప్రతిష్టాత్మక నిర్మాణ సంస్థ శ్రీ వెంకటేశ్వర క్రియేషన్స్ బ్యానర్​పై ప్రముఖ నిర్మాత దిల్ రాజు, శిరీష్ ఈ చిత్రాన్ని నిర్మిస్తున్నారు.

ఈ ఫ్యామిలీ స్టార్ టైటిల్ గ్లింప్స్​ కాస్త క్రేజీగా సాగింది. ఈ ప్రచార చిత్రంలో... విజయ్​ ఇంట్లో పనులు చేసే ఫ్యామిలీ మ్యాన్​గా అలాగే బయట రౌడీల బెండు తీసే పవర్ ఫుల్ మ్యాన్​గా కనిపించి ఆకట్టుకున్నారు. చూస్తుంటే మాస్ ఆడియెన్స్ తో పాటు సంక్రాంతికి ఫ్యామిలీ ఆడియెన్స్ ను కూడా గట్టిగానే టార్గెట్ చేశారని అనిపిస్తోంది.

లైన్​లో నిలబడి ఉల్లిపాయలు తేవడాలు, టైమ్​కు లేచి పిల్లల్ని రెడీ చేసి స్కూల్​కు పంపించడాలు అనుకున్నావా సెటిల్​మెంట్​ అంటే అని ప్రతినాయకుడు బెదరించేందుకు ప్రయత్నిస్తుంటే... భలే మాట్లాడతారన్నా మీరంతా. ఉల్లిపాయలు కొంటే ఆడు మనిషి కాదా, పిల్లల్ని రెడీ చేస్తే ఆడు మగాడు కాదా? ఐరెనే వంచాలా ఏంటి అంటూ పవర్​ ఫుల్​ డైలాగ్​తో స్లోగా నడుచుకుంటూ వెళ్లి ఐరాన్​ రాడ్​ను విజయ్​ వంచడం హైలెట్ అయ్యింది.

ఆ తర్వాత విలన్ గ్యాంగ్​లోని ఒకడి తలను గోడకేసి పగలగొట్టి.. సారీ బాబాయ్ కంగారులో కొబ్బరికాయ తేవడం మర్చిపోయా అందుకే తలకాయ కొట్టేశా అంటూ విలన్​కు షాకిచ్చేలా విజయ్​ మరో ఫైటింగ్​ సీక్వెన్స్​ చేయడం అద్భుతంగా ఉంది. ఇక ప్రచార చిత్రం చివర్లో మృణాల్ ఏమండి అంటూ విజయ్​ను పిలవడం, వారిద్దరి మధ్య ఎమోషనల్ బాండింగ్​ను చూపిస్తోంది. బ్యాక్​గ్రౌండ్​ మ్యూజిక్ అయితే కూల్​గా చాలా బాగుంది.

ఇదంతా చూస్తుంటే ఫ్యామిలీ స్టార్ మూవీ ఒక కూల్ ఫ్యామిలీ యాక్షన్ ఎంటర్ టైనర్ గా రాబోతున్నట్లు తెలుస్తోంది. అలానే ఈ చిత్రం వచ్చే ఏడాది 2024 సంక్రాంతికి థియేటర్లలో రిలీజ్ అవుతుందని క్లారిటీ ఇచ్చారు మేకర్స్. ప్రస్తుతం ఈ చిత్రం శరవేగంగా షూటింగ్ జరుపుకుంటోంది. గోపీసుందర్ సంగీతం అందిస్తున్నారు. గీతగోవిందం వంటి హిట్ సినిమా తర్వాత.. విజయ్ దేవరకొండ, పరుశురామ్ కలయికలో తెరకెక్కుతున్న సినిమా కావడంతో మంచి అంచనాలే ఉన్నాయి.