స్టార్ల కన్నా కంటెంట్ హీరోలకే జై? ఫ్యామిలీ ఆడియన్సే టార్గెట్!

ఒకప్పుడు ఓటీటీల్లో పెద్ద స్టార్ హీరో సినిమా వస్తే చాలు ప్రేక్షకుల ఫోకస్ అంతా దానిపైనే ఉండేది. కానీ ఇప్పుడు పరిస్థితి పూర్తిగా మారుతున్నట్లు కనిపిస్తోంది. స్టార్ పవర్ కంటే కథలో కొత్తదనం, పాత్రల్లో నేచురాలిటీ, ప్రేక్షకులను కట్టిపడేసే స్క్రీన్ ప్లేకి ఎక్కువ ఇంపార్టెన్స్ లభిస్తోంది. అదే సమయంలో కుటుంబ సభ్యులంతా కలిసి చూసే ఫ్యామిలీ కంటెంట్‌ పై కూడా ఓటీటీ సంస్థలు ప్రత్యేక దృష్టి పెడుతున్నట్లు తెలుస్తోంది.

గత కొన్నేళ్లుగా ఓటీటీల్లో విడుదలైన చిత్రాలు, వెబ్ సిరీస్ లను పరిశీలిస్తే ఆ ఛేంజ్ క్లియర్ గా కనిపిస్తోంది. భారీ అంచనాలతో వచ్చిన కొన్ని స్టార్ హీరోల సినిమాలు ఆశించిన స్థాయిలో రెస్పాన్స్ పొందలేకపోయాయి. మరోవైపు పెద్దగా ప్రమోషన్స్ లేకుండా వచ్చిన కొన్ని చిన్న చిత్రాలు, వెబ్ సిరీస్‌ లు మాత్రం ప్రేక్షకుల ప్రశంసలు అందుకున్నాయి. దీనికి ప్రధాన కారణం కంటెంట్ క్వాలిటీనేనని టాక్ వినిపిస్తోంది.

ప్రస్తుతం ప్రేక్షకులు కేవలం హీరో ఇమేజ్‌ ను మాత్రమే చూడడం లేదు. ప్రపంచవ్యాప్తంగా ఉన్న కంటెంట్‌ ను వీక్షించే అవకాశం రావడంతో వారి టేస్టులు కూడా మారాయి. భాషతో సంబంధం లేకుండా మంచి కథ ఉంటే చాలు ఆదరిస్తున్నారు. అందుకే కొత్త దర్శకులు, కొత్త నటీనటులు, ప్రయోగాత్మక కథలకు కూడా సూపర్ ఛాన్సులు వస్తున్నాయి. మరోవైపు ఓటీటీల్లో ఫ్యామిలీ కంటెంట్‌ కు డిమాండ్ పెరుగుతున్నట్లు టాక్ వినిపిస్తోంది.

ప్రారంభంలో క్రైమ్ థ్రిల్లర్లు, యాక్షన్ డ్రామాలు, బోల్డ్ కంటెంట్‌ తో ప్రేక్షకులను ఆకర్షించిన ప్లాట్‌ ఫామ్స్ ఇప్పుడు కుటుంబ ప్రేక్షకుల వైపు అడుగులు వేస్తున్నాయి. టీవీకి ప్రత్యామ్నాయంగా ఓటీటీలు మారడంతో కుటుంబ సభ్యులంతా కలిసి చూడగలిగే కంటెంట్ అవసరం పెరిగిందని అర్థమవుతోంది. ఇటీవల వస్తున్న అనేక వెబ్ సిరీస్‌ లు, షోలు, ఫ్యామిలీ డ్రామాలు ఆ ఛేంజ్ కు ఎగ్జాంపుల్ గా నిలుస్తున్నాయి.

ఫ్యామిలీ అండ్ ఎమోషనల్ రిలేషన్స్, మిడిల్ క్లాస్ లైఫ్, నవ్వులు పంచే కథలకు మంచి ఆదరణ లభిస్తోంది. ముఖ్యంగా తల్లిదండ్రులు, పిల్లలు కలిసి చూసేలా ఉండే కంటెంట్‌ కు ప్రేక్షకుల నుంచి సూపర్ రెస్పాన్స్ వస్తోంది. దాన్ని గమనించిన ఓటీటీ సంస్థలు కూడా తమ ప్లాన్లను మార్చుకుంటున్నాయి. కేవలం స్టార్ హీరోల సినిమాల హక్కులు కొనుగోలు చేయడంపైనే కాకుండా, విభిన్నమైన కథలు, కుటుంబ ప్రేక్షకులను ఆకట్టుకునే షోలు, ఒరిజినల్ వెబ్ సిరీస్‌ లపై కూడా ఇన్వెస్ట్ చేస్తున్నాయి. టాక్ షోలు, ఫ్యామిలీ ఎంటర్టైనర్లు, ఎమోషనల్ స్టోరీలకు ఇంపార్టెన్స్ ఇస్తున్నాయి.

అయితే రాబోయే రోజుల్లో ఆ ధోరణి మరింత బలపడే అవకాశం ఉంది. స్టార్‌ డమ్ ఇప్పటికీ ప్రేక్షకులను ఆకర్షించే అంశమే అయినప్పటికీ, విజయాన్ని నిర్ణయించే మెయిన్ ఎలిమెంట్ మాత్రం కంటెంట్‌ గానే మారుతోంది. అదే సమయంలో యూత్ తో పాటు కుటుంబ ప్రేక్షకులను కూడా ఆకట్టుకునే కథలకు ప్రాధాన్యం పెరుగుతోంది. ఏదేమైనా ఓటీటీల్లో స్టార్ హీరోల కంటే మంచి కథలకే ప్రేక్షకుల ఓటు పడుతోంది. ఫ్యామిలీ మెంబర్స్ అంతా కలిసి ఆస్వాదించే కంటెంట్‌ కు మళ్లీ డిమాండ్ పెరుగుతోంది.