మరో తెలుగు సినిమాకు దుల్కర్ గ్రీన్ సిగ్నల్​

మహానటి, సీతారామం చిత్రాలతో తెలుగు ప్రేక్షకుల గుండెల్లో స్థానం సంపాదించుకున్న హీరో దుల్కర్‌ సల్మాన్‌. ఎప్పుడూ వరుస సినిమాలతో ఆడియెన్స్​ ముందుకు వచ్చే ఆయన.. ఈ మధ్య తెలుగు సినిమాలకు వరుసగా గ్రీన్ సిగ్నల్ ఇస్తారు. తాజాగా మరో తెలుగు దర్శకుడితో ఓ సినిమాకు ఓకే చెప్పినట్లు తెలిసింది.

దుల్కర్ అంటే లవర్ బాయ్​గా స్పెషల్ ఇమేజ్​ ఉంది. ఇప్పుటికే ఆయన ఎన్నో ప్రేమ కథలో నటించి ఆకట్టుకున్నారు. ఇప్పుడు తన మరో కొత్త తెలుగు సినిమా కూడా ప్రేమ కథాంశంతోనే రాబోతున్నట్లు తెలిసింది. ఈ సినిమాతో రవి అనే కొత్త దర్శకుడు పరిచయం కానున్నారట. ఈయన గతంలో దర్శకుడు పరశురామ్​ దగ్గర అసిస్టెంట్​గా పని చేశారని తెలిసింది. ఈ చిత్రానికి జీవీ ప్రకాశ్​ సంగీతం అందించనున్నారని సమాచారం. ఎస్​ఎల్​వీ సినిమాస్​ బ్యానర్​పై సుధాకర్ చేకూరి సినిమాను నిర్మించబోతున్నారట.

ఈ సినిమా షూటింగ్​ను ఫారెన్​లో కూడా చిత్రీకరించాలని మూవీటీమ్​ డిసైట్​ అయినట్లు తెలిసింది. సగం చిత్రాన్ని యూఎస్​లో షూట్ చేస్తారట. మిగతా సగం స్వదేశంలోనే చిత్రీకరించనున్నారట. త్వరలోనే ఈ సినిమా గురించి అఫీషియల్​ అనౌన్స్ మెంట్​ రానుంది. ఇకపోతే ఇప్పటికే దుల్కర్ సీతారమం తర్వాత​ తెలుగులో రెండు ప్రాజెక్ట్​లను చేస్తున్నారని తెలిసింది.

అందులో ఒకటి.. రీసెంట్​గా 'సార్‌'తో సూపర్‌ హిట్‌ అందుకున్న వెంకీ అట్లూరితో కలిసి ఓ క్రేజీ ప్రాజెక్ట్‌ను చేస్తున్నట్లు దుల్కర్ అధికారికంగా​ తెలిపారు. 'లక్కీ భాస్కర్‌' టైటిల్​తో రానున్న ఈ సినిమా పోస్టర్‌ ఆధారంగా చూస్తే డబ్బు చుట్టూ తిరిగే కథలా అనిపిస్తోంది. ఈ సినిమాను సితారా ఎంటర్‌టైన్‌మెంట్‌, ఫార్చ్యూన్‌ ఫోర్‌ సినిమాస్‌ బ్యానర్​పై నాగవంశీ, సాయి సౌజన్య సంయుక్తంగా నిర్మిస్తున్నారు. ఈ చిత్రానికి కూడా జీవీ ప్రకాశ్‌ కుమార్‌ సంగీతం అందిస్తున్నారు. ఇంకా నేషనల్‌ అవార్డు విజేత నవీన్ నూలి ఈ చిత్రానికి ఎడిటర్‌గా వ్యవహరించనున్నారు. మరో సినిమా గురించి వివరాలు క్లారిటీగా తెలీదు.

ఇకపోతే దుల్కర్‌ రీసెంట్​గా.. తన చిన్ననాటి మిత్రుడైన అభిలాష్‌ జోషిలీ దర్శకత్వంలో 'కింగ్‌ ఆఫ్‌ కోథా' చిత్రంతో ప్రేక్షకుల ముందుకు వచ్చారు. ఇది ఆశించిన స్థాయిలో ఆకట్టుకోలేదు. అలాగే రాజ్‌ అండ్ డీకే దర్శకత్వంలో గన్స్‌ అండ్ గులాబ్స్‌ అనే వెబ్​సిరీస్​తో ఆడియెన్స్​ను పలకరించారు. నెట్​ఫ్లిక్స్​ వేదికగా స్ట్రీమింగ్​ అవుతున్న ఈ సిరీస్​ బాగానే ఉంది.