ధనుష్, మృణాల్ పెళ్లి వార్తలు.. ఇది అసలు నిజం!
సోషల్ మీడియాలో సెలబ్రిటీల వ్యక్తిగత విషయాల గురించి నిత్యం ఏదో ఒక చర్చ నడుస్తూనే ఉంటుంది.;
సోషల్ మీడియాలో సెలబ్రిటీల వ్యక్తిగత విషయాల గురించి నిత్యం ఏదో ఒక చర్చ నడుస్తూనే ఉంటుంది. ముఖ్యంగా స్టార్ హీరోలు లేదా క్రేజీ హీరోయిన్ల మధ్య ఏదైనా అనుబంధం ఉందనే చిన్న క్లూ దొరికినా, అది నిమిషాల్లో వైరల్ అయిపోతుంది. గత కొద్ది రోజులుగా కోలీవుడ్ స్టార్ ధనుష్, బాలీవుడ్ బ్యూటీ మృణాల్ ఠాకూర్ చుట్టూ ఇలాంటి వార్తలే చక్కర్లు కొడుతున్నాయి. వీరిద్దరి మధ్య ఏదో ఉందనే ప్రచారం సినీ వర్గాల్లో హాట్ టాపిక్గా మారింది.
ఈ ఊహాగానాలు కేవలం డేటింగ్ దగ్గరే ఆగకుండా ఏకంగా పెళ్లి వరకు వెళ్లడం విశేషం. ముఖ్యంగా రాబోయే వాలెంటైన్స్ డే నాడు వీరిద్దరూ రహస్యంగా వివాహం చేసుకోబోతున్నారనే పోస్ట్లు నెట్టింట హల్చల్ చేశాయి. కేవలం సన్నిహితులు, అతి తక్కువ మంది స్నేహితుల మధ్యే ఈ వేడుక జరగబోతోందని ప్రచారం సాగింది. ధనుష్ సోదరీమణులను మృణాల్ సోషల్ మీడియాలో ఫాలో అవ్వడం వంటి అంశాలు ఈ రూమర్లకు మరింత బలాన్నిచ్చాయి.
అయితే ఈ వార్తల్లో ఎంతవరకు వాస్తవం ఉందనే విషయంపై ఇప్పటివరకు ఎవరూ స్పష్టత ఇవ్వలేదు. ఈ క్రమంలోనే ఒక క్లారిటీ వచ్చింది. ధనుష్ మృణాల్ ఠాకూర్ టీమ్స్ ను ఇటీవల ప్రముఖ మీడియా సంస్థ సంప్రదించి ఈ పెళ్లి వార్తలపై వివరణ కోరింది. వారు ఇచ్చిన సమాధానంతో ఈ వైరల్ వార్తలకు ఒక్కసారిగా బ్రేక్ పడింది.
బాలీవుడ్ ప్రముఖ మీడియా సంప్రదించగా, ఫిబ్రవరి 14న వీరిద్దరి పెళ్లి జరుగుతుందనే వార్తలు కేవలం ఒక జోక్ అని వారి పబ్లిసిస్ట్ టీమ్స్ కొట్టిపారేశాయి. వాస్తవానికి అలాంటిదేమీ లేదని, ప్రస్తుతం వస్తున్న ప్రచారంలో ఏమాత్రం నిజం లేదని వారు స్పష్టం చేశారు. పెళ్లి వార్తలను వీరు కేవలం ఒక ఫన్నీ రూమర్గా మాత్రమే చూస్తున్నట్లు తెలుస్తోంది. ధనుష్, మృణాల్ ఒకరి సినిమాల వేడుకల్లో మరొకరు కనిపించడం వల్ల ఈ గాసిప్స్ పుట్టుకొచ్చాయి.
గతంలో 'సన్ ఆఫ్ సర్దార్ 2' ప్రీమియర్కు ధనుష్ వెళ్లడం, అలాగే ధనుష్ సినిమా పార్టీల్లో మృణాల్ కనిపించడం వంటి పరిణామాల వల్ల నెటిజన్లు వీరిద్దరూ రిలేషన్లో ఉన్నారని భావించారు. కానీ ఇప్పుడు వారి టీమ్స్ నుంచి వచ్చిన అధికారిక ప్రకటనతో ఈ చర్చకు తెరపడినట్లయింది. ఏదేమైనా సెలబ్రిటీల విషయంలో అధికారిక సమాచారం రాకముందే ఇలాంటి వార్తలు ప్రచారం కావడం సర్వసాధారణం. ప్రస్తుతం ఈ ఇద్దరు స్టార్లు తమ తదుపరి ప్రాజెక్టులతో బిజీగా ఉన్నారు. పెళ్లి అనేది ప్రస్తుతానికి వారి ప్లాన్స్లో లేదని అర్థమవుతోంది. మరి ఈ క్లారిటీ తర్వాత అయినా ఈ రూమర్లకు ఎండ్ కార్డ్ పడుతుందో లేదో చూడాలి.