'డేవిడ్ రెడ్డి'గా మంచు మనోజ్ ఊరమాస్

చాలా కాలం తర్వాత రాకింగ్ స్టార్ మంచు మనోజ్ వెండితెరపై ఒక సాలిడ్ ఇంపాక్ట్ చూపించడానికి రెడీ అయ్యారు. ఇప్పటివరకు మనోజ్ సినిమాల్లో ఒక రకమైన ఎనర్జీ ఉండేది, కానీ ఈసారి మాత్రం కంప్లీట్ మేకోవర్ తో కనిపిస్తున్నారు. రిపబ్లిక్ డే సందర్భంగా ఆయన నటిస్తున్న కొత్త సినిమా ఫస్ట్ లుక్ రిలీజ్ అయ్యింది. 'డేవిడ్ రెడ్డి' అనే పవర్ ఫుల్ టైటిల్ తో వస్తున్న ఈ సినిమా పోస్టర్ చూస్తుంటే మనోజ్ ఈసారి బాక్సాఫీస్ దగ్గర గట్టిగానే వేట మొదలుపెట్టేలా ఉన్నారు.

ఈ ఫస్ట్ లుక్‌లో మంచు మనోజ్ కనిపిస్తున్న తీరు అందరినీ సర్ ప్రైజ్ చేస్తోంది. ముఖం నిండా నలుపు రంగు పూసుకుని, భుజంపై ఇనుప ముళ్ల కంచె చుట్టిన కర్రతో కనిపిస్తున్న మనోజ్ లుక్ చాలా ఇంటెన్సిటీగా ఉంది. గడ్డం, సీరియస్ లుక్ చూస్తుంటే ఇందులో మనోజ్ ఒక 'రూత్ లెస్' క్యారెక్టర్ లో కనిపిస్తారని అర్థమవుతోంది. హనుమ రెడ్డి యక్కంటి దర్శకత్వంలో పీరియడ్ యాక్షన్ డ్రామాగా ఈ సినిమా రూపొందుతోంది. మనోజ్ బాడీ లాంగ్వేజ్ లో వచ్చిన ఈ భారీ మార్పు చూసి ఫ్యాన్స్ ఫుల్ ఖుషీ అవుతున్నారు.

నిజానికి ఇది ఒక పాన్ ఇండియా పీరియడ్ యాక్షన్ స్పెక్టాకిల్. 1897 నుండి 1920 మధ్య కాలంలో బ్రిటిష్ కాలనీల నేపథ్యంలో ఈ కథ సాగుతుంది. బ్రిటీష్ వారి అణచివేతకు వ్యతిరేకంగా పోరాడే ఒక వీర యోధుడి చుట్టు ఈ కథ తిరుగుతుంది. కేవలం తెలుగులోనే కాకుండా హిందీ, తమిళం, మలయాళం, కన్నడ భాషల్లో కూడా ఈ సినిమాను రిలీజ్ చేయడానికి మేకర్స్ ప్లాన్ చేస్తున్నారు. ఈ సినిమా షూటింగ్ కూడా ఇప్పటికే ప్రారంభమైంది.

నల్లగంగుల వెంకట్ రెడ్డి, భరత్ మోతుకూరి సంయుక్తంగా వెల్వెట్ సోల్ మోషన్ పిక్చర్స్ బ్యానర్ పై ఈ చిత్రాన్ని నిర్మిస్తున్నారు. కంటెంట్ పరంగా చాలా స్ట్రాంగ్ గా ఉండబోతున్న ఈ సినిమాలో మరియా రియాబోషాప్కా హీరోయిన్ గా నటిస్తోంది. అలాగే ఆర్. పార్థిబన్, కాంచన వంటి సీనియర్ నటులు కీలక పాత్రల్లో కనిపించబోతున్నారు. ప్రతిష్టాత్మక ప్రాజెక్ట్ గా వస్తున్న 'డేవిడ్ రెడ్డి' కోసం మనోజ్ తన బెస్ట్ ఇస్తున్నట్లు పోస్టర్ చూస్తేనే క్లారిటీ వచ్చేసింది.

ప్రస్తుతం టాలీవుడ్ లో పీరియడ్ సినిమాలకు మంచి డిమాండ్ ఉంది. దానికి తోడు మనోజ్ లాంటి టాలెంటెడ్ యాక్టర్ ఒక ఇంటెన్స్ రోల్ లో రావడం సినిమాకు పెద్ద ప్లస్. హై ప్రొడక్షన్ వాల్యూస్ తో ఈ సినిమాను ఎక్కడా తగ్గకుండా తెరకెక్కిస్తున్నారు. చాలా ఏళ్లుగా మనోజ్ నుంచి ఒక పక్కా యాక్షన్ సినిమా కోసం వెయిట్ చేస్తున్న ఆడియన్స్ కు 'డేవిడ్ రెడ్డి' ఒక పర్ఫెక్ట్ ట్రీట్ అయ్యేలా ఉంది.

'డేవిడ్ రెడ్డి' ఫస్ట్ లుక్ తోనే సోషల్ మీడియాలో భారీ బజ్ క్రియేట్ చేయడంలో సక్సెస్ అయ్యింది. నేటి జనరేషన్ ఆడియన్స్ కు నచ్చేలా రా అండ్ రఫ్ ఎలిమెంట్స్ తో ఈ సినిమా ఉండబోతోందని మేకర్స్ హింట్ ఇచ్చారు. మంచు మనోజ్ సెకండ్ ఇన్నింగ్స్ లో ఈ సినిమా ఒక గేమ్ ఛేంజర్ గా మారుతుందని ట్రేడ్ వర్గాలు కూడా అంచనా వేస్తున్నాయి. మరి ఈ 'రూత్ లెస్' డేవిడ్ రెడ్డి బాక్సాఫీస్ దగ్గర ఎలాంటి సెన్సేషన్ క్రియేట్ చేస్తారో చూడాలి.