బిగ్ బాస్ 8 : మెగా చీఫ్ గా గెలిచింది ఎవరంటే..?

బిగ్ బాస్ సీజన్ 8 లో ఈ వారం మెగా చీఫ్ గా నిలిచేందుకు హౌస్ లో రకరకాల టాస్క్ లు పెడుతున్నాడు బిగ్ బాస్. నిన్నటిదాకా చీఫ్ కంటెండర్ టాస్క్ నడిపించిన బిగ్ బాస్ అందులో ఓజీ క్లాన్ విజయం సాధించగా ఆ క్లాన్ మొత్తాన్ని చీఫ్ కంటెండర్ గా ఛాన్స్ ఇచ్చాడు. మరోపక్క కుషన్ టాస్క్ లో గెలిచిన వారిని కూడా చీఫ్ కంటెండర్స్ గా ఉంచాడు. ఆల్రెడీ గంగవ్వ దగ్గర చీఫ్ కంటెండర్ షీల్డ్ ఉండటంతో ఆమె కొనసాగుతుంది.

ఐతే బిగ్ బాస్ చివరగా పట్టుకుంటారా విడిచి పెడతారా టాస్క్ లో సర్కిల్ లో ఉన్న వస్తువుని పట్టుకుని మరో ఇద్దరిని ఆటలోంచి తీసేయాలి. అలా చివరి దాకా ఎవరు ఉంటారో వారే ఈ వారం మెగా చీఫ్ గా నిలుస్తారు. ఐతే ఈ టాస్క్ లో గౌతం కృష్ణ మొదటి నుంచి డామినేట్ గా కనిపించాడు. ఫైనల్ గా అతనే చివరి దాకా ఉన్నాడు. గౌతం, గంగవ్వ మధ్య చివరి రౌండ్ జరగగా గౌతం గెలిచి ఈ వారం మెగా చీఫ్ గా నిలిచాడు.

వైల్డ్ కార్డ్ ఎంట్రీగా వచ్చిన గౌతం వచ్చీరాగానే అవినాష్ తో అశ్వథ్థామ 2.O గురించి గొడవ తెలిసిందే. అంతేకాదు ఈ వారం అతను నామినేషన్స్ లో కూడా ఉన్నాడు. నామినేషన్స్ లో ఉన్న 9 మందిలో హరితేజ, తేజ, గౌతం ఈ ముగ్గురు ముందు వెనక అన్నట్టు ఉన్నారు. లీస్ట్ 3 లో ఉన్న వీరిలో ఎవరు ఫైనల్ గా ఎలిమినేట్ అవుతారన్నది ఆదివారం తెలుస్తుంది.

ఐతే బిగ్ బాస్ సీజన్ 8 లో గౌతం మెగా చీఫ్ అవ్వడం అతనికి చాలా మంచి బూస్టింగ్ అని చెప్పొచ్చు. అంతేకాదు అతని ఆట ఇంకాస్త ఇంప్రూవ్ చేసుకునే అవకాశం ఉంటుంది. ఐతే గౌతం ఈ వారం సేఫ్ అయితేనే నెక్స్ట్ వీక్ మెగా చీఫ్ గా కొనసాగుతాడు. ఎలాగు మెగా చీఫ్ అంటే నామినేషన్స్ లో ఉండే ఛాన్స్ లేదు. సో అలా రెండు వారాలు హౌస్ లో ఉండొచ్చు. మరి బిగ్ బాస్ ఆడియన్స్ గౌతం ని మెగా చీఫ్ గా కొనసాగిస్తారా లేదా ఆదివారం బయటకు పంపుతారా అన్నది చూడాలి.