ఫ్యామిలీతో హాలీడేలో బన్నీ.. తిరిగొచ్చాక పాన్ ఇండియా బ్లాస్ట్!

పాన్ ఇండియా స్టార్ అల్లు అర్జున్ ప్ర‌స్తుతం కెరీర్‌లోనే అత్యంత భారీ దశలో ఉన్నారు. ఒకవైపు వరుస పాన్ ఇండియా ప్రాజెక్ట్స్, మరోవైపు ఇంట‌ర్నేష‌న‌ల్ లెవెల్ లో మార్కెట్‌ను టార్గెట్ చేస్తూ ప్లానింగ్‌తో బన్నీ స్పీడ్ పెంచేశారు. ప్రస్తుతం ఆయన నటిస్తున్న భారీ సినిమా రాకాపై దేశవ్యాప్తంగా భారీ అంచనాలు నెలకొన్నాయి. అట్లీ దర్శకత్వంలో తెరకెక్కుతున్న ఈ సినిమా ఫస్ట్ లుక్ విడుదలైనప్పటి నుంచే సోషల్ మీడియాలో చర్చనీయాంశంగా మారింది. అట్లీ స్టైల్ మాస్ ట్రీట్మెంట్‌కు బన్నీ స్వాగ్ కలిస్తే ఎలాంటి విజువల్ ఎక్స్‌పీరియెన్స్ వస్తుందో అంటూ అభిమానుల్లో ఆసక్తి పెరిగిపోయింది. అయితే ఇన్నాళ్లూ ఈ ప్రాజెక్టు కోసం రెస్ట్ లేకుండా వ‌ర్క్ చేసిన బ‌న్నీ ప్ర‌స్తుతం వెకేష‌న్ కు వెళ్లారు.

గత కొన్ని నెలలుగా బ్రేక్ లేకుండా షూటింగ్‌లు, ప్రీ ప్రొడక్షన్ మీటింగ్స్, లుక్ టెస్ట్స్‌తో బిజీగా గడిపిన బన్నీ తాజాగా ఫ్యామిలీతో కలిసి యూరప్ ట్రిప్‌కు వెళ్లాడు. భార్యా, పిల్ల‌ల‌తో కలిసి ఇటలీ, పారిస్ ప్రాంతాల్లో ఆయన హాలీడే ఎంజాయ్ చేస్తున్నట్లు సమాచారం. సమ్మర్ హీట్ నుంచి రిలీఫ్ కోసం తీసుకున్న ఈ చిన్న బ్రేక్ వెనుక పెద్ద ప్లానింగ్ ఉందని సినీ వర్గాలు చెబుతున్నాయి. ఎందుకంటే జూన్ నుంచి రాకా అసలు రేంజ్‌లోకి వెళ్లబోతోందట. ముఖ్యంగా ముంబైలో ప్లాన్ చేస్తున్న లాంగ్ షెడ్యూల్ ఈ సినిమాకే హైలైట్ కానుందని టాక్ వినిపిస్తోంది. భారీ యాక్షన్ బ్లాక్స్, హై ఓల్టేజ్ ఎపిసోడ్స్, విజువల్ ఎఫెక్ట్స్‌కు సంబంధించిన కీలక సన్నివేశాలను ఈ షెడ్యూల్‌లో తెరకెక్కించనున్నారని సమాచారం.

ఇక ఈ సినిమాకు సంబంధించిన మరో ఆసక్తికర అంశం స్టార్ కాస్టింగ్. దీపికా ప‌దుకొణె, మృణాల్ ఠాకూర్, ర‌ష్మిక మంద‌న్నా, జాన్వీ క‌పూర్ వంటి నలుగురు క్రేజీ హీరోయిన్లు ఒకే సినిమాలో కనిపించబోతుండటం అరుదైన కాంబినేషన్‌గా మారింది. ఇండియన్ సినిమాలోనే చాలా అరుదుగా కనిపించే ఈ సెటప్‌పై అభిమానుల్లో ప్రత్యేక చర్చ జరుగుతోంది. ప్రతి హీరోయిన్‌కు కథలో ప్రత్యేక ప్రాధాన్యం ఉంటుందని, అట్లీ తన మార్క్ కమర్షియల్ స్టైల్‌తో వీరిని పవర్‌ఫుల్‌గా ప్రెజెంట్ చేయబోతున్నాడని తెలుస్తోంది.

ఈ ప్రాజెక్ట్ కోసం స‌న్ పిక్చ‌ర్స్ భారీ స్థాయిలో పెట్టుబడులు పెడుతోంది. విజువల్ క్వాలిటీ విషయంలో ఎక్కడా రాజీ పడకుండా సినిమా తెరకెక్కిస్తున్నారని సమాచారం. పాన్ ఇండియా మార్కెట్ మాత్రమే కాదు, గ్లోబల్ రిలీజ్‌ను దృష్టిలో పెట్టుకుని టెక్నికల్ స్టాండర్డ్స్ ప్లాన్ చేస్తున్నారని టాక్. బాలీవుడ్‌లో జవాన్ సినిమాతో భారీ సెన్సేషన్ క్రియేట్ చేసిన అట్లీకి ఇది కెరీర్‌లోనే అత్యంత భారీ ప్రాజెక్ట్‌గా మారనుందని సినీ విశ్లేషకులు భావిస్తున్నారు.

మరోవైపు రాకా తర్వాత లోకేష్ క‌న‌గ‌రాజ్ ద‌ర్శకత్వంలో మరో భారీ సినిమా చేయడానికి బన్నీ రెడీ అవుతున్నారు. పుష్ప తర్వాత తన మార్కెట్‌ను మరింత విస్తరించాలనే టార్గెట్ తో ఆయన అడుగులు వేస్తున్నట్లు స్పష్టమవుతోంది. అయితే ప్రస్తుతం మాత్రం మొత్తం ఫోకస్ రాకాపైనే ఉంది. అందుకే ఈ చిన్న వెకేషన్‌ను స్టార్మ్ ముందు సైలెన్స్‌గా సినీ వర్గాలు అభివర్ణిస్తున్నాయి. జూన్ నుంచి రాకా టీమ్ అసలు రచ్చ మొదలుపెట్టబోతోందనే సంకేతాలు ఇప్పటికే ఇండస్ట్రీలో వినిపిస్తున్నాయి.