టైటిల్ లోగో: వాల్మీకిగా వరుణ్ తేజ్

'F2' సినిమా సూపర్ హిట్ కావడంతో ఫుల్ జోష్ లో ఉన్న మెగా హీరో తన నెక్స్ట్ ప్రాజెక్టులకు అదే స్పీడ్ తో గ్రీన్ సిగ్నల్ ఇస్తున్నాడు.  హరీష్ శంకర్ దర్శకత్వంలో తమిళ సూపర్ హిట్ సినిమా 'జిగార్తాండా' రీమేక్ లో నటించేందుకు వరుణ్ ఒకే అన్న సంగతి తెలిసిందే.  తాజాగా ఈ సినిమా టైటిల్ లోగో పోస్టర్ ను రిలీజ్ చేశారు.
 
ఈ సినిమాకు 'వాల్మీకి' అనే ఇంట్రెస్టింగ్ టైటిల్ ఫిక్స్ చేయడం విశేషం.  డైరెక్టర్ కావాలనుకునే ఒక వ్యక్తికి.. మరో భయంకరమైన డాన్ కు మధ్యలో జరిగే కథే ఈ సినిమా.  ఆ థీమ్ ను రిఫ్లెక్ట్ చేస్తూ ఒక క్లాప్ బోర్డు పై టైటిల్ లోగో.. ఇతర డీటెయిల్స్ ఉండడం విశేషం. టైటిల్ లోగోలోనే ఒక పిస్టల్.. సినిమా రీల్ కూడా ఉన్నాయి. వరుణ్ తేజ్ ఈ సినిమాలో బాబీ సింహ పోషించిన డాన్ పాత్రలో నటిస్తాడని అంటున్నారు. కానీ సిద్ధార్థ్ పాత్రలో ఎవరు నటిస్తారో ఇంకా తెలియాల్సి ఉంది.  హీరోయిన్ తో పాటూ ఈ సినిమాలో నటించే ఇతర కీలక నటీనటులను వివరాలు త్వరలో ప్రకటిస్తారట.  తెలుగు ఆడియన్స్ టేస్ట్ కు తగ్గట్టు 'జిగార్తాండ' కు మార్పుచేర్పులు చేసి హరీష్ శంకర్ ఈ సినిమా తెరకక్కిస్తాడని సమాచారం.

ఈ సినిమాకు టాప్  లీగ్ టెక్నిషియన్స్ పనిచేస్తుండడం విశేషం.  రాక్ స్టార్ దేవీ శ్రీ ప్రసాద్ ఈ సినిమాకు సంగీతం అందిస్తున్నాడు. బాలీవుడ్ సినిమాటోగ్రాఫర్ అయనాంక బోస్ ఈ ఛాయాగ్రాహకుడు.  రామ్ ఆచంట.. గోపి ఆచంట ఈ చిత్రాన్ని 14 రీల్స్ ప్లస్ బ్యానర్ పై నిర్మిస్తున్నారు.