ఇండియ‌న్ ఐడిల్ పై శ్రీ‌రెడ్డి షాకింగ్ కామెంట్స్!

కొద్దిరోజుల క్రితం సంచ‌ల‌నం రేపిన సుచీలీక్స్ త‌రహాలోనే ఇపుడు టాలీవుడ్ లో `శ్రీ రెడ్డి`లీక్స్ పెను దుమారం రేపుతోన్న సంగ‌తి తెలిసిందే. టాలీవుడ్ లో క్యాస్టింగ్ కౌచ్ గురించి న‌టి శ్రీ‌రెడ్డి సంచ‌ల‌న ఆరోప‌ణ‌లు చేసిన విష‌యం విదిత‌మే. ప‌రోక్షంగా ప్ర‌ముఖ ద‌ర్శ‌కుడు శేఖ‌ర్ క‌మ్ములనుద్దేశించి శ్రీ‌రెడ్డి షాకింగ్ కామెంట్స్ చేయ‌డం...ఆ వ్యాఖ్య‌ల‌కు శేఖ‌ర్ క‌మ్ముల కూడా ప‌రోక్షంగా కౌంట‌ర్ ఇవ్వ‌డం జ‌రిగాయి. ఆ త‌ర్వాత తాను శేఖ‌ర్ క‌మ్ములనుద్దేశించి ఆ పోస్ట్ పెట్ట‌లేద‌ని శ్రీ‌రెడ్డి ఓ ఇంట‌ర్వ్యూలో చెప్పింది. `నేచుర‌ల్ `హీరో అని పేరు ప్ర‌స్తావించకుండా ఓ టాలీవుడ్ హీరోపై కూడా శ్రీ‌రెడ్డి ఈ రోజు సంచ‌ల‌న వ్యాఖ్య‌లు చేసింది. తాజాగా, ప్ర‌ముఖ గాయ‌కుడు - ఇండియ‌న ఐడిల్ శ్రీ‌రామ‌చంద్ర‌పై కూడా శ్రీ‌రెడ్డి షాకింగ్ కామెంట్స్ చేస్తూ త‌న ఫేస్ బుక్ ఖాతాలో ఓ పోస్ట్ పెట్టింది.

సింగ‌ర్ శ్రీరామచంద్ర తనతో అసభ్యంగా చాట్ చేశాడ‌ని శ్రీ‌రెడ్డి ఆరోపించింది. శ్రీ‌రామ చంద్ర త‌న‌తో వాట్సాప్ లో చాటింగ్ చేసిన స్క్రీన్ షాట్ల‌ను త‌న ఫేస్ బుక్ ఖాతాలో పోస్ట్ చేసింది. ‘మన ఇండియన్ ఐడిల్ చాట్ చూడండి.. శ్రీరామ్ సిగ్గుపడాలి..ముందు నీ పేరులోనుంచి శ్రీ‌రామ్ ను తొల‌గించు. ఆ పేరుతో పిలిపించుకునేందుకు నువ్వు అర్హుడివి కాదు’ అని శ్రీరెడ్డి తన ఫేస్ బుక్ ఖాతాలో పోస్ట్ చేసింది. అయితే, శ్రీ‌రెడ్డి స్క్రీన్ షాట్లు చూసిన నెటిజ‌న్లు మిశ్ర‌మంగా స్పందిస్తున్నారు. ఆ స్క్రీన్ షాట్లలో పూర్తి చాట్ హిస్ట‌రీ లేద‌ని - ఎడిట్ చేసి ఉంద‌ని అంటున్నారు. అయితే, ఆ చాట్ లో సంభాష‌ణ ఇద్ద‌రికీ ఇష్ట‌పూర్వ‌కంగానే...స‌ర‌దాగా సాగింద‌ని అంటున్నారు. శ్రీ‌రామ చంద్ర స‌ర‌దాగా పెట్టిన కామెంట్ల‌కు శ్రీ‌రెడ్డి సీరియ‌స్ అయిన‌ట్లు ఆ స్క్రీన్ షాట్ల‌లో లేద‌ని - శ్రీ‌రెడ్డి కూడా అత‌డి మెసేజ్ ల‌కు స‌ర‌దాగానే రిప్లై ఇచ్చింద‌ని కామెంట్స్ పెడుతున్నారు.