అమెరికా అడ్డాలో లవ్ లీ భామ

విదిశ సిస్టర్ గా ఇండస్ట్రీలోకి అడుగుపెట్టినా.. అక్క కంటే ఎక్కువగా సినిమా ఆఫర్లు అందుకున్న భామ షాన్వి. లవ్ లీ మూవీతో అరంగేట్రం చేసిన ఈమె.. ఆ తర్వాత అడ్డా మూవీతో బాగానే ఆకట్టుకుంది. ఇటు తెలుగు సినిమాల్లో చిన్న చిన్న అవకాశాలు వస్తున్న సమయంలోనే.. శాండల్ వుడ్ నుంచి పెద్ద సినిమాల్లో ఆఫర్ రావడంతో.. మకాం మార్చేసింది షాన్వి.

ఇప్పుడీమె చేతిలో ఏకంగా నాలుగు కన్నడ ఫిలిమ్స్.. ఒక తమిళ్ చిత్రం ఉన్నాయంటే.. షాన్వి స్పీడ్ అర్ధమవుతుంది. గతంతో పోల్చితే గ్లామర్ డోస్ పెంచిన ఈ బ్యూటీ.. ప్రస్తుతం అమెరికా టూర్ లో ఉంది. అక్కడి నుంచి చూడచక్కని ఫోటోలను షేర్ చేస్తూ అభిమానులను అలరిస్తోంది షాన్వి. పసుపు రంగు డ్రెస్సులో మిలమిలా మెరుస్తున్న షాన్వి.. తను ఎంత హ్యాపీగా ఈ టూర్ ఎంజాయ్ చేస్తోందో చెప్పేందుకు.. చేతులనే రెక్కల మాదిరిగా ఆడిస్తూ ఓ ఫోజ్ ఇచ్చేసింది.

'మనకు రెక్కలు ఆల్రెడీ ఉంటాయ్. మనం చేయాల్సిన పనల్లా ఎగరడమే' అంటూ తన ఫీలింగ్ ని యథాతథంగా ఆవిష్కరించింది షాన్వి శ్రీవాస్తవ. ప్రస్తుతం న్యూయార్క్ నగరం నుంచి తన ఫోటోలను షేర్ చేస్తున్న ఈ బ్యూటీ.. తన యూఎస్ టూర్ మొత్తాన్ని పూస గుచ్చినట్లుగా అభిమానులతో పంచుకుంటోంది. మరి ఈ ట్యాలెంటెడ్ అందాన్ని మళ్లీ టాలీవుడ్ కి తెచ్చేదెవరో చూడాలి.