ఫోటో స్టోరీ: హృదయానికి..మనసుకు నో లాక్ డౌన్

సీనియర్ బాలీవుడ్ హీరో సైఫ్ అలీ ఖాన్ బేటీగా ఎంట్రీ ఇచ్చింది సారా అలీ ఖాన్. చాలా మంది స్టార్ కిడ్స్ పరిస్థితి ఎలా ఉంటుందంటే.. కనీసం అరడజను సినిమాలు ఆడియన్స్ పై రుద్దితే గాని వారికి ఆదరణ దక్కదు. కానీ సారా ఆ మాత్రం అందుకు భిన్నం. తొలి సినిమా 'కేదార్ నాథ్'.. రెండవ సినిమా 'సింబా' విజయాలు సాధించడంతో మంచి గుర్తింపే సంపాదించుకుంది. ఇక మూడవ సినిమా 'లవ్ ఆజ్ కల్' విజయం సాధించకపోయినప్పటికీ.. ప్రస్తుతం చేతిలో ఆఫర్లు అయితే ఉన్నాయి.  ఈతరం భామ కాబట్టి సోషల్ మీడియాను చెడుగుడు ఆడుకోవడంలో దిట్ట.

ప్రస్తుతం భారతీయులందరి తరహాలోనే సెలబ్రిటీ అయినప్పటికీ ఒక సగటు భారతీయురాలిగా ఇంట్లో కూర్చుంది. లాక్ డౌన్ రూల్స్ పాటిస్తూ ఇంట్లోనే సమయం గడుపుతోంది. అయితే సోషల్ మీడియాలో పోస్టులకు మాత్రం గ్యాప్ ఇవ్వడం లేదు. తన ఇన్స్టా ఖాతా ద్వారా ఒక ఫోటో పోస్ట్ చేసి "మన హృదయాలు మనసులు ఆత్మలు లాక్ డౌన్లో లేవు. # స్టే హోమ్ #స్టే పాజిటివ్ #స్టే స్ట్రాంగ్ #స్టే సేఫ్" అంటూ వేదాంత ధోరణిలో ఓ కత్తిలాంటి కాప్షన్ ఇచ్చింది. ఫోటో విషయానికి వస్తే ఓ లెహంగా.. టాప్..ధరించి ఒక వైపు తిరిగి అందమైన పోజిచ్చింది. బ్లాక్ అండ్ వైట్ ఫోటో కావడంతో కళాత్మకంగా కనిపిస్తోంది. ఈ ఫోటోకు నెటిజన్ల నుంచి భారీ స్పందన దక్కింది. ఇప్పటివరకు ఈ ఫోటోకు 1.2 మిలియన్ లైక్స్ లభించడం విశేషం.

ఈ ఫోటోకు చాలామంది ఇంట్రెస్టింగ్ కామెంట్ లు కూడా పెట్టారు. "నా మనసు వేరేచోట లాక్ డౌన్ అయింది".. "బ్లాక్ అండ్ వైట్ ఫోటో సూపర్".. "సారా ఫిలాసఫీ" అంటూ కొందరు స్పందించారు. ఇక సారా ఫ్యూచర్ ప్రాజెెక్టుల విషయానికి వస్తే 'కూలి నెం.1'.. 'అత్రంగి రే' అనే సినిమాల్లో నటిస్తోంది.