ఫస్ట్ లుక్: పంచ భూతాలే 'సాక్ష్యం'

వాలెంటైన్స్ డే రోజున ప్రేమికుల సంగతి ఎలా ఉన్నా, మన టాలీవుడ్ హీరోలు మాత్రం వాళ్ళ రాబోయే సినిమాలతో హడావిడి చేసేస్తున్నారు. బెల్లంకొండ శ్రీనివాస్ అండ్ శ్రీవాస్ దర్శకత్వంలో సాక్ష్యం అనే సినిమా చేయబోతున్న విషయం తెలిసిందే. ఫిబ్రవరి 14 సందర్భంగా ఆ సినిమా ఫస్ట్ లుక్ విడుదల చేశారు. ఇందులో డిజె బ్యూటీ పూజ హెడ్గే.. శ్రీనివాస్ ప్రియురాలిగా దర్శనం ఇవ్వబోతోంది.

పోస్టర్ లో కళ్ళలో కళ్ళు పెట్టి చూస్తూ ప్రపంచాన్నే మైమరచిపోయినట్టు కనిపిస్తున్న వీళ్లిద్దరి మధ్య సినిమాలో ఒక అందమైన ప్రేమ కథ నడవబోతోంది అనే సంగతి తెలియకనే తెలుస్తున్నట్టు లేదూ? 'ఒక ప్రేమ - ఒక మనసు - ఒక గమ్యం' అనే క్యాచీ టాగ్ లైన్ తో అందరిని ఆకట్టుకున్నారు. బాక్ గ్రౌండ్ లో చూపిస్తోన్న లోకేషన్లు పంచభూతాలకి ప్రతీకలు గా చిత్రించారు. యాక్షన్ థ్రిల్లర్ గా మన ముందుకు రాబోతున్న ఈ సినిమా షూటింగ్ ను చాలా త్వరత్వరగా జరుపుతున్నారు. ఈ సినిమాని వేసవిలో రిలీజ్ చేయడానికి సన్నాహాలు చేస్తున్నారు.

అభిషేక్ పిక్చర్స్ బ్యానర్ పై అభిషేక్ నామా ఈ చిత్రాన్ని నిర్మిస్తున్నారు. జగపతిబాబు మరియు శరత్ కుమార్ ఇందులో కీలక పాత్రలు వహిస్తున్నట్టు తెలుస్తోంది. రొటీన్ స్టోరీలకి భిన్నంగా ఈ కథ ఉంటుంది అని చాలా గట్టిగా నమ్ముతున్నారు సినిమా జనాలు.