ఇంకా లేట్ చేస్తే ఫ్యాన్ మేడ్ మూవీ రెడీ చేసేలా ఉన్నారు రాధే శ్యామా..!

యంగ్ రెబల్ స్టార్ ప్రభాస్ - పూజాహెగ్డే జంటగా నటిస్తున్న పీరియాడికల్ లవ్ స్టోరీ ''రాధే శ్యామ్''. రాధా కృష్ణ కుమార్ ఈ చిత్రానికి దర్శకత్వం వహిస్తున్నారు. 1960ల నాటి బ్యాక్ డ్రాప్ లో రూపొందుతున్న ఈ చిత్రంలో విక్రమాదిత్యగా ప్రభాస్.. ప్రేరణగా పుజా హెగ్డే నటిస్తున్నారు. ఇప్పటికే మెజారిటీ భాగం షూటింగ్ పూర్తి చేసుకున్న ఈ సినిమా నుంచి రెగ్యులర్ గా అప్డేట్స్ రాకపోవడంపై డార్లింగ్ నిరాశ చెందుతున్నారు.

'రాధే శ్యామ్' సినిమా సెట్స్ పైకి వచ్చి రెండేళ్లు దాటిపోయింది. అయినా ఇప్పటి వరకు ఫస్ట్ లుక్ - ఫెస్టివల్ పోస్టర్స్ - గ్లిమ్స్ తప్ప వేరే ప్రమోషనల్ కంటెంట్ రిలీజ్ చేయలేదు. అవి కూడా నెటిజన్ల ట్రోల్స్ ఎదుర్కొన్నాయి. ఈ నేపథ్యంలో టీజర్ అయినా రిలీజ్ చేయాలని ఆ మధ్య ప్రభాస్ ఫ్యాన్స్ సోషల్ మీడియాలో నేషనల్ వైడ్ ట్రెండ్ చేసారు. ఒకానొక దశలో సహనం కోల్పోయి నిర్మాతలను నిద్ర లేవండంటూ నెగెటివ్ ట్రెండ్ చేశారు.

అయినా సరే 'రాధే శ్యామ్' నుంచి అప్డేట్స్ రాకపోవడం ఫ్యాన్స్ ని నిరాశపరిచింది. ఈ నేపథ్యంలో కొందరు డై హార్డ్ ఫ్యాన్స్ స్పెషల్ పోస్టర్స్ ని డిజైన్ చేస్తూ సోషల్ మీడియాలో అప్లోడ్ చేస్తున్నారు. ప్రస్తుతానికి 'రాధే శ్యామ్' మీద డిజైన్ చేసినన్ని ఫ్యాన్ మేడ్ పోస్టర్స్ - టీజర్స్ మరే సినిమా మీద లేవనే చెప్పాలి. తాజాగా సరికొత్త ఫ్యాన్ మేడ్ పోస్టర్ ఒకటి వైరల్ అవుతోంది. ప్రభాస్ - పూజా లకు సంబంధించిన ఈ రొమాంటిక్ పోస్టర్ బ్యూటిఫుల్ గా ఉండటమే కాకుండా.. అఫిషియల్ పోస్టర్ ని తలపిస్తోంది.

'రాధే శ్యామ్' అఫీసియల్ అప్డేట్స్ వచ్చే వరకు ఇలా ఫ్యాన్ మేడ్ పోస్టర్స్ తోనే సందడి చేస్తుంటామని ప్రభాస్ అభిమానులు అంటున్నారు. ఇప్పటినుంచైనా టీజర్ - సాంగ్స్ - ట్రైలర్ అంటూ హంగామా చేయకపోతే ఫ్యాన్ మేడ్ మూవీ కూడా రెడీ చేసేలా ఉన్నారని నెటిజన్స్ కామెంట్స్ చేస్తున్నారు. చిత్ర బృందం త్వరలోనే వారిని ఖుషీ అప్డేట్ తో వస్తుందేమో చూడాలి.

కాగా, కృష్ణంరాజు సమర్పణలో యూవీ క్రియేషన్స్‌ - గోపీకృష్ణ బ్యానర్స్ పై వంశీ - ప్రమోద్‌ - ప్రసీద 'రాధే శ్యామ్' చిత్రాన్ని నిర్మిస్తున్నారు. కేవలం 10 రోజుల షూటింగ్ మాత్రమే పెండింగ్ ఉందని సమాచారం. లాక్ డౌన్ సడలింపులు ఇచ్చిన వెంటనే తిరిగి చిత్రీకరణ ప్రారంభించే అవకాశం ఉంది. పాన్ ఇండియా స్థాయిలో రూపొందుతున్న ఈ సినిమా కోసం ఓటీటీ సంస్థలు భారీ ఆఫర్స్ ఇవ్వడానికి ముందుకొస్తున్నట్లు ప్రచారం జరుగుతోంది.