ఫోటో స్టోరీ: చెల్లెళ్ల‌తో చందురూడు

మెగా ఫ్యామిలీలో 8 మంది హీరోలు ఉన్న సంగ‌తి తెలిసిందే. చిరంజీవి - నాగ‌బాబు - చ‌ర‌ణ్‌ - బన్ని - శిరీష్‌ - సాయిధ‌ర‌మ్ - వ‌రుణ్‌ తేజ్‌ - క‌ళ్యాణ్ హీరోలుగా కొన‌సాగుతున్నారు. సాయిధ‌ర‌మ్ సోద‌రుడు వైష్ణ‌వ్ తేజ్ హీరో కాబోతున్నాడు. వీళ్ల‌కు తోడు వ‌రుణ్‌ తేజ్ సోద‌రి - మెగాబ్ర‌ద‌ర్ నాగ‌బాబు కుమార్తె నీహారిక తెలుగు - త‌మిళంలో క‌థానాయిక‌గా రాణిస్తున్న సంగ‌తి తెలిసిందే. ఇంత‌మంది మ‌ధ్య అనుబంధం- ఆప్యాయ‌త‌ల‌కు మెగా వృక్షం పునాదులు వేసింది. వీళ్లంద‌రికీ రామ్‌చ‌ర‌ణ్ పెద్ద తోడు. ఇక సుస్మిత - శ్రీ‌జ - నిహారిక ల‌కు అన్న చ‌ర‌ణ్ అంటే ఎంతో మ‌మ‌కారం. చెల్లెళ్లు అంటే చ‌ర‌ణ్ అంతే ఆప్యాయ‌త చూపిస్తుంటారు.

ఇదిగో అందుకు ఈ ఫోటోనే సాక్ష్యం. మెగా వృక్షంలో ఆడ‌ప‌డుచుల‌తో రామ్‌ చ‌ర‌ణ్ ఎంత ఆప్యాయంగా ఉంటారో ఆవిష్క‌రించే ఫోటోని మెగా కోడ‌లు ఉపాస‌న స్వ‌యంగా ట్వీట్ చేశారు. ఈ ఫోటోలో నిహారిక‌ - శ్రీ‌జల‌తో చ‌ర‌ణ్ ఎంతో హ్యాపీ మూడ్‌ లో క‌నిపిస్తున్నారు. అక్క సుస్మిత ఫ్యాష‌న్ డిజైన‌ర్‌ గా - కాస్ట్యూమ్ డిజైన‌ర్‌ గా బిజీ. త‌ను ప్ర‌స్తుతం చ‌ర‌ణ్ - బోయ‌పాటి సినిమాకి - అలానే ప్ర‌తిష్ఠాత్మ‌క `సైరా-న‌ర‌సింహారెడ్డి` చిత్రానికి కాస్ట్యూమ్స్‌ ని అందిస్తున్నారు. త‌న‌తో పాటే చ‌ర‌ణ్ - చిరు ఆన్‌ లొకేష‌న్ ఉన్న‌ప్ప‌టి ఫోటోల్ని ఇదివ‌ర‌కూ రివీల్ చేసిన సంగ‌తి తెలిసిందే. తాజాగా ఆల్బ‌మ్‌ లో శ్రీ‌జ‌-నిహారిక‌తో కొత్త ఫోటో చేరింది.

చ‌ర‌ణ్ - బోయ‌పాటి కాంబినేష‌న్ మూవీ గురించి ఈ ద‌స‌రా కానుక‌గా ఏదైనా అప్‌ డేట్ ఇస్తార‌ని భావిస్తే అభిమానుల్ని నిరుత్సాహ‌ప‌రిచారు. ఆ క్ర‌మంలోనే ఉపాస‌న ఈ ఫోటో ట్వీట్ చేయ‌గానే - ముందు ఆర్‌ సి 12 టైటిల్ ఏంటో చెప్పండి మ్యాడ‌మ్ ప్లీజ్.. అంటూ చెర్రీ అభిమానులు రెక్వ‌స్ట్ చేశారు. మ‌రి టైటిల్ - ఫ‌స్ట్‌ లుక్ గురించిన అప్‌ డేట్ చిత్ర‌యూనిట్ అయినా రివీల్ చేస్తుందేమో చూడాలి.