నా ఫస్ట్ హీరోని చూసి చాలా ఫీలయ్యా..అంటున్న స్టార్ డైరెక్టర్

ద‌ర్శ‌క‌ధీరుడు రాజ‌మౌళి.. ప్ర‌స్తుతం ఆర్ ఆర్ ఆర్ (రౌద్రంరణంరుధిరం) సినిమా చేస్తున్న సంగ‌తి తెలిసిందే. ఈ చిత్రంలో టాలీవుడ్ యంగ్ టైగ‌ర్ ఎన్టీఆర్, -మెగా ప‌వ‌ర్ స్టార్ రామ్ చ‌ర‌ణ్ ప్రధాన పాత్రలలో న‌టిస్తున్నారు. దీంతో ఈ సినిమాపై భారీ హైప్ క్రియేట్ అయింది. ఇక చరిత్రలో ఎన్నడు కలవని ఇద్దరు చారిత్రక యోధులైన అల్లూరి సీతారామరాజు - కొమరం భీమ్‌ లు ఒకవేళ కలిస్తే ఎలా ఉంటుందో అనే కల్పనిక కథతో ఈ సినిమా జ‌క్క‌న్న తెర‌కెక్కిస్తున్నారు. జక్కన్న నక్కతోక తొక్కినట్లుగా అన్నీ సినిమాలు హిట్ అవుతున్నాయి. మరి రాజమౌళి సినీ ప్ర‌స్థానం ఎక్క‌డ మొద‌లైందో ప్ర‌త్యేకంగా చెప్ప‌క్క‌ర్లేదు. స్టూడెంట్‌ నెంబర్‌ 1 చిత్రంతో మెగాఫోన్‌ పట్టుకొని దర్శకుడిగా పరిచయం అయ్యారు.

తన ప్రతి సినిమాతో తెలుగు సినిమా స్థాయిని పెంచుకుంటూ వస్తున్నాడు. అయితే తాజాగా రాజమౌళి ప్ర‌ముఖ ఛానెల్‌ కు ఇచ్చిన ఇంటర్వ్యూలో త‌న మొద‌టి సినిమా స్టూడెంట్‌ నెంబర్ 1 గురించి.. కొన్ని ఆస‌క్తిక‌ర విష‌యాలు బ‌య‌ట పెట్టారు. యంగ్ టైగర్ ఎన్టీఆర్ తో ఫ‌స్ట్‌ సినిమా.. స్టూడెంట్ నెంబర్1 చేసేటప్పుడు ఎన్టీఆర్ కి 19 ఏళ్లు. చాలా లావుగా ఉండేవాడు. సరిగ్గా మీసాలు కూడా రాలేదు. ఎలాంటి పర్సనల్ మెయిన్‌ టైనింగ్ లేదు. అప్పుడు నాకేంటి మొదటి సినిమాకి ఇలాంటి హీరో దొరికాడని చాలా ఫీల్ అయ్యానని తెలిపారు. అయితే అది మొద‌టి సినిమానేగా అనుకుని సినిమాను ప‌ట్టాలెక్కించారు. కానీ, సినిమా సెట్స్‌ పై ఉన్న‌ప్పుడు ఇంటెర్వెల్ సీన్స్‌ లో ఎన్టీఆర్ డైలాగ్స్ చెబుతున్నప్పుడు.. ఇత‌ను ఖ‌చ్చితంగా పెద్ద స్టార్ అవుతాడ‌ని.. అత‌ని లోపల ఏదో సమ్‌ థింగ్ స్పెషల్ ఉంద‌నుకున్నాని చెప్పుకొచ్చాడు. ప్రస్తుతం జక్కన్న మాటలు సోషల్ మీడియాలో వైరల్ అవుతున్నాయి.