హీరో గెస్ట్ హౌస్ కొన్న రాశీఖన్నా!

తమిళంలో 2013లో విడుదలయిన మద్రాస్ కేఫ్ సినిమాతో సినీరంగ ప్రవేశం చేసి, తర్వాత ఏడాది ఊహలు గుసగుసలాడే సినిమాతో తెలుగు ప్రేక్షకులకు ఎంతో దగ్గరైన హీరోయిన్ రాశీఖన్నా. ఈ సినిమా అనంతరం వచ్చిన తన ప్రతి సినిమాలోనూ తనదైన నటనతో మెప్పిస్తూ, అందివచ్చిన అవకాశాలను సక్రమంగా వాడుకుంటూ దూసుకుపోతుంది. ఈ క్రమంలో మంచి హిట్లనే తన ఖాతాలో వేసుకుంటూ కెరీర్ కొనసాగిస్తున్న రాశీ అటు టాలీవుడ్ - ఇటు కోలీవుడ్ లలో మంచి మంచి ఆఫర్లనే దక్కించుకుంటుంది. అయితే తాజాగా రాశీఖన్నా కు సంబందించిన ఒక హాట్ న్యూస్ ఫిల్మ్ నగర్ లో చక్కర్లు కొడుతుంది. అదేమిటంటే.. ఆమె ఒక హీరో గెస్ట్ హౌస్ ను కొన్నదట!

రాశీఖన్నా హైదరాబాద్ లో ఒక గెస్ట్ హౌస్ ను కొనుగోలు చేసిందని, అది కూడా ఒక హీరోకి సంబందించిందని వార్తలొస్తున్నాయి. సినీ రంగప్రవేశం చేసింది కోలీవుడ్ లో అయినా ప్రస్తుతం టాలీవుడ్‌ లో ఆఫర్లు బాగా పెరుగుతుండడంతో ప్రతిసారీ హోటల్స్ లో ఉండడం ఇబ్బంది అవుతోందట రాశీకి. ఇదే సమయంలో టాలీవుడ్ హీరో ఒకరు తన గెస్ట్ హౌస్‌ ను అమ్మకానికి పెట్టాడంతో.. అదే గెస్ట్ హౌస్‌ ను ఆమె కొనుగోలు చేసిందని ఫిల్మ్‌ నగర్ వర్గాల సమాచారం.

మరో విషయం ఏమిటంటే.. ఇప్పటికే చెన్నై - ముంబైల్లో ఇళ్లను కొనుగోలు చేసిన రాశీఖన్నా తాజాగా ఆ హీరో గెస్ట్‌ హౌస్‌ ను సింగిల్ డీల్‌ లోనే కొనేసిందట. అన్నీ అనుకూలంగా కుదిరితే మరికొన్ని రోజుల్లోనే గృహప్రవేశం కూడా చేయనున్న ఈ అందాలరాశి ఒక హైదరాబాద్ లో కూడా ఒక ఇంటి ఓనర్ అయిపోయిందన్న మాట!! కాగా, ప్రస్తుతం రామ్‌ తో హైపర్ నటిస్తున్న రాశీఖన్నా, మరో రెండు సినిమాలకు ఇప్పటికే సైన్ చేసిందని అంటున్నారు!!