మెగా ఆఫర్ ను రిజెక్ట్ చేసిన వింక్ బ్యూటీ?

సోషల్ మీడియా పుణ్యమాఅని దేశవ్యాప్తంగా ఓవర్నైట్ సెన్సేషన్ గా మారిన వారిలో మలయాళం ముద్దుగుమ్మ ప్రియా వారియర్ కూడా ఉంది. 'ఒరు ఆదార్ లవ్' సినిమాలో 'మాణిక్య మలరాయ పూవి' అనే పాట ప్రోమో వీడియోలో ప్రియా కన్నుగీటడం.. ఆ వీడియో కాస్తా మిలియన్ల కొద్దీ వ్యూస్ తెచ్చుకోవడంతో ప్రియాకు డిమాండ్ పెరిగింది.  యూత్ లో ప్రియాకు భారీ ఫాలోయింగ్ వచ్చేసింది.  ఒక్క ఇన్స్టాగ్రామ్ లోనే ఆమెకు 6 మిలియన్స్ ఫాలోయింగ్ ఉందంటే మన ఆమె క్రేజ్ అర్థం చేసుకోవచ్చు.  తాజాగా ప్రియా ఒక తెలుగు సినిమా ఆఫర్ కు నో చెప్పిందట.

ఈమధ్యనే మెగాస్టార్ చిరంజీవి రెండో అల్లుడు కళ్యాణ్ దేవ్ హీరోగా ఒక సినిమా ప్రకటన వచ్చింది. ఈ సినిమాలో హీరోయిన్ గా తీసుకునేందుకు ప్రియాను సంప్రదించారట. కానీ ఆమె ఈ ఆఫర్ ను ఒప్పుకోలేదని సమాచారం.  ఆమెకు  స్టార్ హీరోల సినిమాలో హీరోయిన్ గా చేయాలని ఉందని అందుకే రెమ్యూనరేషన్ కోటి రూపాయల దాక చెబుతోందని అంటున్నారు. మీడియం బడ్జెట్ సినిమాలకు ఎలాగూ ఆ రేంజ్ రెమ్యూనరేషన్ ఇవ్వరు కాబట్టి ఆమెను తీసుకోరు. గతంలో కూడా దిల్ రాజు బ్యానర్లో మీడియం రేంజ్ సినిమాలకు ఆఫర్స్ ఇస్తే అలానే చేసిందట.
 
మరి ఆమెకు తగ్గట్టు కోటి రూపాయల రెమ్యూనరేషన్ ఇచ్చి ఈ అందాన్ని కన్నుగీటడానికి సిద్ధం అయ్యే ఆ టాప్ స్టార్ ఎవరో వేచి చూడాలి. ఏదేమైనా వచ్చిన ఆఫర్లను కంటెంట్ బాగుంటే యాక్సెప్ట్ చేయకుండా ఇలా స్టార్ హీరోలతోనే చేయాలనే అలోచన ఏమిటో..!