అప్పటిది ఇప్పుడు పనికొస్తుందట

ఎక్కడేం ఉండాలో అక్కడ అంతే ఉండే ముద్దుగుమ్ముల్లో ప్రగ్యా జైస్వాల్ ఒకరు. మిసమిసలాడే మేని మెరుపుతో మనసుల్ని దోచుకునే అమ్మడు కంచె సినిమాతో ఒక మెరుపు మెరిసింది. చేసింది ఒక్క సినిమానే అయినా.. తన అందంతో చాలామందికి నిద్ర లేకుండా చేసింది. అయినప్పటికీ అమ్మడికి బ్రేక్ రాలేదు. ఇన్నాళ్ల తర్వాత తాజాగా నక్షత్రం మూవీలో మెరవనుంది.

విలక్షణ దర్శకుడు కృష్ణవంశీ దర్శకత్వం వహిస్తోన్న నక్షత్రంలో సందీప్ కిషన్ హీరోగా.. అతగాడికి జోడీగా రెజీనా నటిస్తోంది.ఈ మూవీలో ప్రగ్యా అతిధి పాత్రలో మెరవనుంది. అది కూడా పోలీస్ ఆఫీసర్ గా. ఈ సినిమాలో ఆమె ఫైటింగ్ లు కూడా చేయనుందట. సందీప్ తో ఒక ఫైటింగ్ ఉందని చెప్పింది. తనకు గతంలో కరాటే బ్లాక్ బెల్ట్ ఉందని.. అప్పట్లో తాను చేసిన సాధన.. నక్షత్రం యాక్షన్ సీన్లలో తనకు చాలానే ఉపయోగపడిందని చెబుతోంది.

ఈ యాక్షన్ సీక్వెన్స్ కోసం ఎంతో ఆసక్తిగా ఎదురుచూస్తున్నట్లు చెప్పిన ప్రగ్యా.. తనకు పోలీస్ ఆఫీసర్ గా చేయాలనుకున్నానని.. ఇంత త్వరగా తనకు ఆ అవకాశం లభించటం పట్ల సంతోషాన్ని వ్యక్తం చేసింది. ఈ చిత్రంలో ప్రగ్యాతో పాటు మెగా శిబిరంలోని సాయి ధరమ్ తేజు కూడా అతిధి పాత్రను పోషిస్తున్నారట. తనకెంతో ఇష్టమైన పోలీస్ ఆపీసర్ పాత్రను..  కృష్ణ వంశీ లాంటి డైరెక్టర్ తో చేయటం తనకెంతో ఎగ్జైటింగ్ గా ఉందని.. షూటింగ్ ఎప్పుడు స్టార్ట్ అవుతుందా? అని ఎంతో ఆత్రుతతో ఎదురుచూస్తున్నట్లు వెల్లడించింది.