సమంత కోసం పోలీసులొచ్చారు

ఆకాశంలో మెరిసే తారల్లాంటి నటులు కళ్లముందు నిజంగా కనిపిస్తే అభిమానులు ఉబ్బితబ్బిబ్బయిపోతుంటారు. ఒక్కసారన్నా కళ్లారా చూడాలని.. వీలయితే ఓ ఫొటో సంపాదించాలని తెగ ఆరాట పడిపోతుంటారు. ప్రేక్షకుల్లో విపరీతమైన ఇమేజ్ ఉన్ననటులు బయట కనిపిస్తే ఆ హంగామా మామూలుగా ఉండదు.

సినిమా నటులను సౌత్ లో విపరీతంగా అభిమానిస్తారు. వీరాభిమానానికి పెట్టింది పేరయిన తమిళనాడులో ఇది మరీ ఎక్కువ. వాళ్ల వీరాభిమానం ఏ రేంజిలో ఉంటుందో తెలుగువారింటి కోడలు సమంత తాజాగా అర్ధమైంది. సమంత తెలంగాణాలో చేనేతకు బ్రాండ్ అంబాసిడర్ గా పనిచేస్తోంది. అదే తమిళనాడులో  ఓ జ్యూయలరీ షాపునకు బ్రాండ్ అంబాసిడర్ గా పని చేస్తోంది. తాజాగా కృష్టగిరి పట్టణంలో ఆ సంస్థ బ్రాంచి ఏర్పాటు చేసింది.  దానిని ప్రారంభించేందుకు సమంత వచ్చింది. ఆమెను చూసేందుకు తమిళ తంబీలు భారీ సంఖ్యలో వచ్చేశారు. వచ్చిన వాళ్లంతా సమంతను చూస్తామంటూ ఆమె కారును చుట్టుముట్టేశారు. దీంతో కారు ముందుకు కదిలే వీలే లేకుండా పోయింది. చివరకు పోలీసులు వచ్చి తమ లాఠీ పవర్ ఏంటో చూపిస్తే గానీ కారు ముందుకు కదలలేదు.

సమంత పెళ్లయినా ఆమెకున్న ఫ్యాన్ ఫాలోయింగ్ ఏ మాత్రం తగ్గలేదని ఈ సంఘటన నిరూపించింది. ఈ వీడియో సోషల్ మీడియాలో వైరల్ గా మారింది. ప్రస్తుతం సమంత తమిళంలో విశాల్ తో నటించిన చిత్రం విడుదల కావాల్సి ఉంది. రెమో ఫేం శివ కార్తికేయన్ తరవాత చిత్రంలో సమంత హీరోయిన్ గా నటిస్తోంది

Full View